+15 əjdaha
8. bir qrup əksəriyyəti gənclər olan, azərbaycanlılar tərəfindən həyata keçirilmiş layihə. özlərinin də bəyan etdikləri kimi amerikadaki playing for change və türkiyədəki doğa için çal layihələrindən ilhamlanaraq belə bir təşəbbüslə çıxış ediblər. aid olduğum ölkədə -ki ona vətən də deyirlər - məramı xeyirli, faydalı bir şey olan istənilən təşəbbüsü şəxsən alqışlayıram. zira ölkədəki hərəkətsizlik, ətalət, sükutla müqayisədə hərəkət, fəallıq, təşəbbüs çox daha faydalı şeylərdir. ona görə ki, birincilər mənim üçün ölümü ikincilər isə həyatı simvolizə edir. qaldı ki, playing for change kimi qayəsindəki aliliklə dünyanın müxtəlif ölkələrində yaşayan insanları duyğulandırmağı bacara bilmiş bir layihəni örnək alan layihələr ən xoş sözlərə layiqdi. sözlükdə mövzunun da olması bu cür şeylərə bağlıdır.* glş bu qədər tərif mətləbə keçməyim üçün giriş olaraq kafidir. mənə görə `birlik üçün oxu` layihəsinin bir neçə ciddi çatışmamazlığı var. bu çatışmamazlıqları göstərmək üçün gərək ilham aldığını iddia etdiyi layihələrdən danışım.playing for change 2004-ci ildə əsası qoyulan bu layihə eyni zamanda dünyadaki uşaqlar üçün musiqi məktəbləri tikən qeyri kommersiya təşkilatının adıdır. bu cürə video çarxlarlarla tamaşaçıların qarşısına ilk dəfə onlar çıxıblar. xüsusilə stand by me mahnısına hazırlanan klip dünyada çox rəğbət görmüşdür.
(youtube: 
)
)klipə diqqət yetirsəniz bundan sonra yazacaqlarımı daha yaxşı anlayacaqsınız. bu və bunun kimi videoçarxlarda dünyanın fərqli-fərqli ölkələrindən olan musiqiçilər, fərqli musiqi alətləriylə, fəqli məkanlarda/ölkələrdə, əksərən də küçədə eyni mahnını ifa edirlər. beləliklə səhnə, şəxs (lər) mərkəzli ifa anlayışları tərk edilərək orijinal bir üslub ortaya qoyulur. həqiqətən insanlara maraqlı gəlir ,çünki fərqlidir, klişedən kənara çıxılır və beləliklə diqqətləri özünə çəkir. ancaq burada məqsəd sadəcə üslubu dəyişməklə insanlara musiqidən, videodan həzz almaq imkanı vermək deyil. məqsəd-insanlara mesaj verməkdir. buradaki mesaj -sülhdür. lahiyəni həyata keçirənlər demək istəyir ki ay millət, baxın fərqli rəngdə, fərqli dildə, fərqli dində, fərqli maddi durumda ola bilərik. ancaq biz hamımız insanıq. bu qədər fəqli olsaq da hamımızı birləşdirən dəyərlər var. ki onlardan biri musiqidir. nəticə etibarı ilə , hamımız homo sapiens deyilik mi? yuxarıdaki klipdə gördüyünüz kimi burada kalan küçə sənətçisi var. bəzilərinin geyimlərinə diqqət etsəniz çox nimdaş geyiniblər.
bu da verilən mesajı daha da qüvvətli edən amillərdən biridir. nə olsun ki kasıbdır, zato insandır və s. kimi mesajlar.
doğa için çal layihəsi də bunun kimi. yəni insanların diqqətini çəkən bu üslubu alaraq məkanı dəyişdirir (təbiət) bir qədər fərqli mesaj verir. yəni deyir ki ay millət, bu təbiət ki var, bizim həqiqi vətənimizdir. hər şeyimizlə ondan asılıyıq. onun hər nemətindən istifadə edirik. ancaq bu təbiətin axırına çıxır, ona qənim kəsilir, onu məhv edirik. gəlin təbiəti qoruyaq!
indi qayıdaq birlik üçün oxu layihəsinə. tamam, üslubu aldınız və tamaşaçı kütləsinin diqqətini çəkdiniz. deyək ki musiqi də əla alındı, bravo! bəs mesaj? mesajınız nədir? nə demək istəyirsiniz bu millətə, baxanlara? məsələ sadəcə küçədə mahnı oxumaqdırsa bunu aztv də novruz bayramında edir. prezidentə dəstək üçün irəlinin də tam bu cür olmasa da bənzər çarxları var. irəlinin də sizinkilər kimi simpatiçni, qəşəng geyinib keçinmiş oğlan və qızları şəhərin elə siz çəkdiyiniz məkanlarıında bu cür videolar hazırlayırlar. belə baxanda aztvnin də irəlinin də mesajı var. aztv deyir ki` baxın, nətər firavanıq, şadıq`,irəli də həm bunu deyir həm də deyir ki` gəlin prezidentə dəstək olaq`. bəs siz nə deyirsiz əmioğlu? mən şəxsən o mesajı ala bilmədim təəssüf ki.
edit: deyilə bilər ki `adından görmürsən ki birlik üçün oxu deyirlər?budur daa mesaj`. tamam, anladım birlik üçün oxu deyirsiz ,ancaq görüntü onu demir axı. bəlkə də bu rejissorun problemidir bilmirəm, ancaq video o mesajı vermir. o mesaj məsələn klipin içində viddi fasonlu, geyinib keçinmiş gənclərlə yanaşı nimdaş geyimli, küçə musiqiçiləriylə * belələri az deyil , aztv`nin hər axşam reklam elədiyi bakıdakı məkanlarla yanaşı, kürdəmirin , qazaxın, lerikin icra hakimiyyətinin kosmetik təmir edilmiş yerlərindən kənar olan məkanlarla, elə bakının özündə yerləşən məhəllələrlə, varsa bölgələrdəki baxımsız musiqi məktəbləriylə, bolqarıstanda adını da bilmədiyim kilsə yerinə moskva bazarında azərbaycanlıların çörək pulu qazandığı yerlərlə, istanbulda boğaz mənzərəsi yerinə halkalıda azərbaycanlıların yaşadığı yerlərlə verilə bilərdi. ancaq belə mesaj verilməyib. o videonun adını dəyişib `gəlin yapa səs verək` qoysaq anlam dəyişərmi sizcə? məncə heç də dəyişməz. tam tərsi daha qüvvətli səslənər.