əjdaha lazımdı
izlə
dostlar
mən
googlla
başlıqdakı ən bəyənilən yazılar:
+18 əjdaha
9. hələ uşaq yaşdan ətrafındakı insanların filtrlənməsi və üzərinə yaşından böyük yüklərin qoyulmasıdır. Məktəb çevrəni ailən məhdudlaşdırır. Filankəs filankəsin uşağıdır, filan ailədən gəlir. Uzaq dur ondan, ailəsi nədir ki özü də nə olsun. Yaxud kəndə gedəndə nənəmgilə tapşırırdılar ki, hər uşaqla oynamağa qoyma. Bu da uşaq olaraq təklənməyə, özünü yalnız hiss etməyə səbəb olur. Oynaya biləcəyin sayılı uşaq olur, onlarla da xarakterin ya tutar, ya tutmaz.
Məktəbdə gözlər üzərində olur. Hə, anan savadlı, tanınmış riyaziyyat müəllimidir, deməli riyaziyyatı su kimi bilməlisən. Səhv edə bilməzsən. Necə yəni, n. müəllimənin oğlu zəif bilir riyaziyyatı? Nəysə ki, riyazi zəkam, qavrayışım yaxşı olub, çox üzümə söz gəlmədi.
Məşğələyə başlayanda seçilmiş müəllimlərin yanına gedirsən. Hər ay sınaqlarda yüksək nəticə göstərməlisən. Çünki nəticən ailənin nüfuzuna təsir edəcək. Qoy heç kim deməsin ki, filankəsin uşağı az bal yığdı. Wtf?
Universitetə girəndə nisbətən rahat olursan, ilk iki kurs sıxırlar evdən, amma sonra öz istədiyin kimi ola bilirsən. Artıq qohumlar burnunu soxmur imtahan nəticələrinə, sadəcə, gərək kəsrin olmasın və təqaüdünü itirməyəsən.
Hə, iş tapmaq. Universitet vaxtı sırf başım qarışsın, depressiyadan uzaqlaşım deyə part-time işlər axtarmışam. Barmenliyə dəhşət həvəsim olub. Amma bilin nə oldu? Evdən dedilər olmaz, gərəkli pul ilə təmin edərik biz səni. Məsələ pul deyildi, mənim istəklərim idi.
ielts, magistr, xaricdə təhsil, sertifikatlar, zir-zibil. Çünki sən ailənin göstərgəsisən. Evin böyük uşağısan, gözəl üzərindədir. Onları təmsil edirsən. Hər uğurun onların nüfuzunu yüksəldir, nə hiss etdiyinin önəmi yoxdur amma.
Valideynlərim əsla dar görüşlü olmayıblar. Əksinə, çox dünyagörüşlü olublar. Sadəcə, daim ətraf çevrələrinin təsirində qalıblar. 15 il əvvəlki hallarına baxanda indi sanki daha yaxşı anlayırlar ki, vecə almaq lazım deyil "camaat nə deyər". Amma onlar anlayanacan geridə introvertliyin, depressiya, insanlarla münasibət qura bilməmək qalır.
Qısacası, kənardan gözəl görünən, içdən isə gözəl olduğu qədər can sıxan, çətin bir şeydir.
+9 əjdaha
10. Hər zaman basqı altında əzilməkdir, sənin uğursuz olmağa haqqın yoxdur, əgər uğursuz oldunsa ömrün boyunca sənə nəslin üz qarası kimi rəftar edilir,sanki bu həyatı mən seçmişəm aq (bax: öldürməyib süründürən şeylər)
+13 əjdaha
1. bəxtəvər adamdı.
ama sözün əsl mənasında ziyalı ailəsində doğulubsa. yoxsa indi bizimki kimi sovet müsəlmanı təfəkküründəki sözdə ziyalılar kimi yox. orta məktəbdə müəllimlər kimin ailəsindən danışırdı "hə sizin ailəniz ziyalı ailəsidi bla bla bla" sayırdı, arxa partada oturan yetim fəhlənin oğlu da sıxılırdı. halbuki o ziyalı ailəsi dediyi adamlardan daha açıq görüşlü bir ata-anaya sahib olurdular bəzən.
universitet tələbəsi ata-anaya sahib olmaq ziyalı ailəsində doğulmaq sayılır bizdə. soxum o ziyalılara ki homoseksual insan görəndə xəstə uşağı xəstə deyib aşağılayır.
+7 əjdaha
8. (baxma: dont worry)
3 universitet bitirən babanın, 4 xarici dilde danışan nənənin nəvəsiyəm.3 universitet bitirən babam ziyalı ailəsində doğulmamışdı.atasının zoru ilə çobanlıq edərkən zamanınını dəyərləndirib kitab oxuyurmuş gizlincə..
ailəsində nə atası nə anası məktəb belə oxumamış ,4 xarici dil bilən nənəm qız uşaqlarının məktəbə göndərilmədiyi vaxtlarda 24 yaşında universitetdə dərs verməyə başlayıb..mən nə babam kimi mükəmməl fizika riyaziyyat bilirəm , nə də nənəm kimi səlis fransız,ispan, rusdilində danışa bilirəm..ziyalı ailəsində doğulmamaq bir əksiklik deyildir.hərşey insanın özündə bitir
+4 əjdaha
5. məncə əksinə çox betər bir şeydir.ata və ana tərəfdən yalnız ziyalıların çıxması hətta ana tərəfimin salyan rayonunda nüfuzlu riyaziyyatçılar olmağı həmişə məni zibilə salıb.düşünün rayonda hardansa nəsə alanda kimlərdən olduğumu deyən kimi tanıyırlar sorğu sualki bəs universitetə neçə balla girmisən ya nəm ala yaxşı fakültə ya haraları düşünürsən,yüksək fakültələrdimi falan.xatırlayıram 3 il bundan qabaq hansısa qohum yığıncağında bir qohum uşağa *
həmin il qəbula gedirdi
neçə bal düşünürsən sualı vermişdilər uşaq özü üçün 350-470 falan arası bal gözləyirəm deyəndə hamı aqressiv yanaşdı bəs sən ən az 590 bal yığmalısan falan.xatırlayırsınızsa ictimai tv-də bi aralar verliş gedirdi ailəcə qatılıb suallara cavab verirdilər.deməli bizim o boyda 1500 uşaq oxuyan məktəbdə 2 dənə ziyalı ailəsi tapmışdılar sonra məlum olduki digəri deyə də səhvən bacımın adın qeyd ediblər.*
mənim təkidlərimlə yarışa qatılmadıq
yəni deməyim ondadırkı xaricdən baxanda hər şey bombadı amma əslində o qədərdə elə deyil.
+3 əjdaha
11. Poxdan bir şeydi. istər-istəməz konservatizmin ortasına doğulmaqdı. Hər addımda, hərəkətdə hələ körpə yaşlardan ailənin adına ləkə gətirmə, adımız-sanımız var tipi təzyiqlərə və sıxışdırılmalara məruz qalmaqdı. Ora getmə, bura get, onu etmə, bunu etdir. Məncə bu ziyalı ailəsində doğulmaq məsələsi keçmişlə gələcək arasında ilişib qalmış bir mövhumdu. Çünki mənə heç vaxt çatmayıb bu anlayış təməlində duran prinsipləri bilsəm də. Mənə elə gəlir modern dünyada bu cür şeylərə yer yoxdu. Nəticədə harda, kimin ailəsində doğulmaqdansa, necə bir insan, kim olduğumuz daha əhəmiyyətlidi.
+3 əjdaha
6. (bax: van den budenmayer)
yeddi sənətin üç otaqlı evə sığışdığı, sığışdırıldığı ailədə doğulmuşam və xeyr məndən ziyalı olmağım, ağıllı olmağım tələb edilməyib. təbii ki, on üç yaşında buninin hekayələrini oxumağı tövsiyə edən anayla qarşı qarşıyasınızsa bunun iki çıxış xətti olmalıdır.
1.bu bir təklif idi və mən standart uşaq olmalı, anadan qaçmalı, bunini tanımamalıydım.
2. bunini tanımalı, van goghun kirilcə məktublarını oxumalı, stendhalın qırmızı və qarasını on beş yaşımda bitirməliydim. şübhəsiz ki ikincisini seçdim və ailəm burada heç bir rol daşımır zənnimcə. bu içdən, ruhdan qaynaqlanan bir şeydir. aha, sinif yoldaşlarım səkkizinci sinifə birbirilərinin telefonlarına porno yüklədikləri vaxt, mən rəssamlarla maraqlanırdım. bu, pornonu sevmədiyim üçün idi, yox, indi belə porno kulturasıyla maraqlıyam. sadəcə əhatə dairələrinin adamı olmamışam.
ziyalı bir ailənin sizə verə biləcəyi sadəcə bol miqdarlı kitabxanadır. ki, mən ondan imtina etmiş (bəzi əsərləri çıxmaq şərtiylə) öz kitabxanamı qurmuşam. düzdür, hələ də gözümə kiçik görünür, amma bugün boyumu ötübsə, daha da böyüyəcək.
+3 əjdaha
12. (baxma: ziyalı ailəsində dağılmaq)
+1 əjdaha
2. ziyalı ailədə doğulanların çoxundan da ziyalılıq gözlənilir. o uşaqlar camaatın uşağı rolunu öz üzərlərinə götürməli olurlar. onlar səhv edə bilməz, çünki ailələlərinə söz gələr. onlar daima nümunəvi olub ailələrini hər yerdə başıuca etməlidirlər.
+1 əjdaha
3. ziyali olmaq ehtimalini artiran şeydir.
hamısını göstər
