əjdaha lazımdı
izlə
dostlar
mən
googlla
xaricdə təhsil
-
2007-2015-ci illərdə azərbaycan gənclərinin xarici ölkələrdə təhsili üzrə dövlət proqramı
-
xaricdə təhsil programına daxil olmaq
-
xaricdə təhsil üzrə dövlət proqramı
başlıqdakı ən bəyənilən yazılar:
+23 əjdaha
34. Dövlət təqaüdündən yararlanmaq u üçün qəbul almalı olduğu(m)nuz universitetlərin siyahısı yayımlanıb 
.
Xülasə lazımdırsa:
15 prioritet ixtisas: informasiya texnologiyaları, mühəndislik, statistika və verilənlərin təhlili, fundamental və tətbiqi elmlər, ictimai səhiyyə, təhsil, ətraf mühit, aviasiya və kosmos, dövlət idarəetməsi, nəqliyyat və logistika, energetika, iqtisadiyyat, maliyyə, arxitektura və dizayn, kənd təsərrüfatı.
ölkələr və universitet sayı siyahısı:
1.avstraliyadan 9 universitet;
2.avstriyadan 2 universitet;
3.amerika birləşmiş ştatlarından 34 universitet;
4.almaniyadan 29 universitet;
5.belçikadan 5 universitet;
6.Braziliyadan 2 universitet;
7.böyük Britaniyadan 38 universitet;
8.cənubi afrika respublikasından 3 universitet;
9.çin xalq respublikasından 28 universitet;
10.danimarkadan 5 universitet;
11.Estoniya dan 1 universitet;
12.finlandiyadan 4 universitet;
13.fransadan 16 universitet;
14.hindistandan 1 universitet;
15.ispaniyadan 6 universitet;
16.isveçdən 10 universitet;
17.israildən 4 universitet;
18.italiyadan 14 universitet;
19.isveçrədən 7 universitet;
20.cənubi koreyadan 9 universitet;
21.kanadadan 12 universitet;
22.Yaponiyadan 6 universitet;
23.malayziyadan 1 universitet;
24.Niderlanddan 11 universitet;
25.norveçdən 3 universitet;
26.Portuqaliyadan 1 universitet;
27.Rusiyadan 16 universitet;
28.Sinqapurdan 2 universitet;
29.Türkiyədən 13 universitet;
30.yeni Zelandiyadan 3 universitet.
+26 əjdaha
27. əlaqəli və yüksək motivasiyalı bir yazı
amerikada təhsil almaq və iş təcrübəsi qazanmaq qərarına 2013-cü ildə gəldim. əslində mənim avropa təhsilim vardı, amma yenə də amerikada təhsil almaq istəyim qəti idi. durğunluq yaşayırdım, sanki yeni bir şeylər öyrənmək imkanları tükənmişdi. üstəlik ölkədəki siyasi-ictimai vəziyyət və bakının gündəlik stresləri olduqca dözülməz həddə çatmışdı mənimçün. həm gedib təhsilimi artıracaqdım, həm də necə deyərlər, bir az “nəfəs” alacaqdım.
2014-cü ilin mart ayında berkeley universitetindən qəbul aldım. sevinirdim. amma həm də kədərlənirdim. mən əslində sərhədlərə inanmıram. biz insanlar uydurmuşuq bütün sərhədləri. amma yenə də insanın doğulub böyüdüyü vətənini arxasında qoyub getməsi asan deyil.. beləcə duyğularım çox qarışıq olsa da qərarım qəti idi, gedəcəkdim! amma getmək üçün əngəllər təkcə mənəvi deyildi, həm də maddi idi. bəli, pulum yox idi və qəbul olduğum məktəbin bir tək təhsil haqqı 53 min dollar idi və üstəlik yaşamaq xərcləri... nə az, nə çox, düz 73 min dollara ehtiyacım var idi. bu pulla ən az üç qızı yerli standartlara görə ortabab cehizle gəlin koçürərmək olar... amma yenə də israrlı idim. mən dünyanın ən yaxşı on məktəbindən birinə qəbul almışdım, bu şansı əldən verə bilməzdim. üstəlik berkeley universiteti amerika birləşmiş ştatlarının ən liberal məktəbidir və amerikada bir çox azadlıq hərəkatları məhz bu məktəbdə başlayıb. təsəvvür edirsinizmi, insan hüquqlarına inanan bir insan üçün bu universitet nə deməkdir?!
odur ki, pul tapmaq lazım idi. bizim təhsil nazirliyinin təqaüd proqramına müraciət etmək qərarına gəldim. niyəsə bütün baş verənlərə, bizim hökumətin səmimiliyinə olan inamsızlığıma rəğmən içimdə sadəlövh bir ümid var idi, mənə təqaüd verəcəklərinə inanırdım. niyəsə düşünürdüm ki, gənc bir azərbaycan qadınının belə mötəbər bir məktəbdə oxuması ideyası bizim hökumətin siyasi ambisiyalarına güc gələcək. elə bu inamla da yola çıxdım. bütün sənədlərimi hazırlayıb nazirliyə təqdim etdim. sənədlərimi qəbul etdilər və məni müsahibəyə dəvət etdilər. müsahibə prosesini keçdim. bu o demək idi ki, nazirlik mənim təqaüd proqramına namizədliyimi qəbul etmişdi. bu bilirsinizmi nə idi mənim üçün?! bu sadəcə pul deyildi, bu həm də gələcəyə inam idi. ölkədə hələ də müsbət dəyişikliklərin olacağına balaca da olsa ümid idi... yeni nazirin qətiyyətinə inam idi. amma hələ aysberqin görünməyən tərəfi vardı... iyun ayında namizədliyimin təsdiq olunması üçün sənədlərimi prezident administrasiyasına göndərilməsi barədə təhsil nazirliyindən qeyd aldım.. iyun ayı bitdi amma administrasiyadan xəbər çıxmadı. iyul da başa çatdı. amma mənim namizədliyim hələ də havada asılı idi. administrasiya mənə nə hə, nə də yox deyirdi. nəhayət avqust gəldi. dərslərin başlaması yaxınlaşırdı artıq, mənimsə nə təqaüddən cavabım var idi, nə də pulum...
bir səhər yuxudan oyandım və düşündüm ki, heç kim və heç nə mənim qarşımı kəsə bilməz bu yolda. nə olursa olsun, mən berkeleyə gedəcəm! bütün sənədlərimi hazırlayıb viza üçün müraciət etdim. bütün əlimdəki pulları nəğdləşdirdim. balaca bir maşınım vardı, onu satdım. biletimi aldım və san fransiskoya yola düşdüm.
berkeleyə gələr gəlməz ilk işim universitetin administrasiyası ilə danışmaq oldu. durumu izah etdim. namizədliyimin havadan, daha doğrusu prezident administrasiyasından asılı olduğunu bildirdim. əslində hər tələbə 1 sentyabr tarixədək təhsil haqqının ən az 20% məbləğini ödəməlidir. berkeley universiteti vəziyyətimi anlayışla qarşılayıb mənə vaxt verdi və bildirdi ki, prezident administrasiyasından cavab gələnədək gözləyəcək. noyabr ayının 15-dək nazirlikdən səs-soraq çıxmadı. düzü artıq elə də ümidli deyildim. nə də olsa azərbaycan hökumətinin siyasətini bəyənmədiyim ortada idi və keçmiş müdirim, çox əziz dostum intiqam əliyev də mən amerikaya yola düşməzdən beş gün öncə həbs olunmuşdu. məhz o da baş verən siyasi hadisələri bəyənmədiyi üçün həbsdə idi. artıq demək olar ki, əmin idim, məhz siyasi görüşümün fərqliliyinə görə öz halal haqqım olan bu təqaüdü mənə verməyəcəkdi hökumət. nəhayət 15 noyabr tarixdə yenidən nazirliyə zəng etməli oldum və məlum oldu ki, prezident administrasiyası mənə təqaüd verməkdən imtina edib. nazirlik isə əziyyət çəkib bu məlumatı mənə verməyi belə özünə rəva bilməyib... görünür gənc bir azərbaycanlı qızın dünyanın ən nüfuzlu məktəblərindən birində hüquq təhsili alması heç də maraqlı deyildi bizim hakimiyyət üçün...
durum çox ciddi idi. təhsil haqqının ən az yarısını ödəməli idim artıq. universitetdən mənə təqaüd vermələrini xahiş etmək gəlirdi bəzən ağlıma, amma bilirdim ki, bunun alınması mümkün deyil. ən az ona görə ki, berkeley universiteti özəl universitet deyil və çox nadir hallarda təqaüd verir. odur ki, bu məsələni heç açmamaq qərarına gəldim. bircə əlacım qalmışdı. abş banklarının birindən borc götürmək.. təkrar universitetə baş vurdum, vəziyyəti təfarrüatı ilə izah etdim, mənə borc götürməkdə kömək etmələrini xahiş elədim. universitetdən mənə bildirdilər ki, borc elə də asan deyil və belə bir riski üzərimə götürməməyi və bir az gözləməyi tövsiyə etdilər. bu hadisədən təxminən bir həftə keçmişdi, bir gün bir e-mail aldım. berkeley universiteti yazırdı:
“əziz aynur,
sizin bütün təcrübənizi, təhsilinizi, eləcə də ölkənizdəki siyasi durumu detallı incələdik və belə qərara gəldik ki, berkeley universiteti olaraq, yaşamaq xərcləriniz xaric, sizin təhsil haqqınızı qarşılayaq. berkeley universiteti bütün tarix boyu ifadə azadlığı uğrunda mübarizə aparıb! və biz indi icazə verə bilmərik ki, bizim öz tələbəmiz məhz fərqli fikrinə görə ayrı-seçkiliyə məruz qalsın. bu təqaüd sizin üzərinizə heç bir öhdəlik qoymur. sadəcə tutuğunuz yolla davam edin və bizi hər zaman qürurlandırın!”
gözlərimə inanmırdım. universitət mənə nə az, nə çox, düz 53 min dollar təqaüd vermişdi. ən çətin anımda mənə əl uzatmışdı. öz hökumətimdən fəqrli olaraq mənim təhsilimə dəstək olmuşdu. o an yaşadığım hissləri sözlə ifadə edə bilmərəm. bu mənimçün çox böyük hadisə idi! çox böyük bir dəstək almışdım. universitetim məni darda qoymamışdı, öz hökumətim mənə arxa çevirdiyi halda o, arxamda olduğunu göstərmişdi! amma təkcə bununla iş bitmirdi. berkeley mənim bu günədək gəzdiyim, yaşadığım ən bahalı yerlərdən daha bahalıdır. universitetin təqaüdünə sadəcə təhsil haqqı daxil idi və bütün digər xərclərimi özüm ödəməli idim. artıq ilk gündən başa düşürdüm ki, əlimdəki pulla çox uzun müddət idarə edə bilməyəcəm durumu. odur ki, işlərə baş vurdum və üç fərqli işdə işləməyə başladım.
bir işim insan huquqları mərkəzində araşdırmaçı (researcher), biri professorlarımdan birinin köməkçisi, digəri isə kitabxanada kitabların qeydiyyatını aparmaqdan ibarət idi. hamısı bir arada həftədə 20 saat işləməli idim. üstəlik semestr ərzində beş dərs. abş təhsil sistemi barədə məlumtlı olanlar bunun nə demək olduğunu əminəm ki, çox yaxşı anlayırlar...
bu qətiyyən asan deyildi. fiziki olaraq olduqca yorucu idi. mənim hər günüm səhər saat 6-da başlayıb gecə saat 1-də bitirdi. ən yaxşı halda sutka ərzində 5-6 saat yatmaq imkanım olurdu. bəzən gecə 12-də kitabxanadan çıxıb evə gəlirdim. o qədər yorğun olurdum ki, yorğunluqdan ağlamaq istəyirdim. amma elə yorğunluqdan da gücüm olmurdu ağlamağa, başımı bir təhər yastığa atıb sızırdım. mən beləcə düz bir il yaşadım və sevimli məktəbimdən məzun oldum. bu məzuniyyət həyatımın ən xoşbəxt günlərindən biri idi deyə bilərəm. çünki arxasında möhtəşəm bir təhsil və bir illik bir mübarizə dururdu.
bu bir il mənim həyatımın ən dəyərli təcrübsi oldu. sadəcə akademik deyil, tam bir həyat dərsi aldım. özümü, mübarizə gücümü və iradəmi daha yaxından tanımaq şansım oldu. və bütün çətinliklərə baxmayaraq bu təhsil yolunda təslim olmamaq duyğusuna sığınıb xoşbəxt olmağı təcrübə etdim.
və iki gün öncə oxudum ki, parlamentimiz xaricdə təhsilin lazımsız olduğunu bildirib... bəli, onlar üçün bu lazımsızdır. hardan bilsinlər ki, lazımli olduğunu?! normal təhsili olmayan insanlar, bu yolu keçməmiş biriləri hardan bilə bilərlər ki, onun nə demək olduğunu?! bu absurd fikirlərə nəsə şərh etmək belə gülünc gəlir mənə. mənim sözüm zatən onlara deyil. mənim sözüm hələ də içində işıq olan, oxumaq arzusu olan gənclərədir. qoyun sizə bu lazımsızdir desinlər! qoyun sizi bu yoldan çəkindirmək üçün hər yola əl atsınlar, qarşınıza min bir maneə barikadaları çəksinlər! siz təslim olmayın! gedin və özünüzə bu möhtəşəm təhsilin bir parçası olmaq şansı verin. bu elə bir dəyərli bilikdir ki, sizi nəinki iş dünyasına, həm də həyata hazırlayacaq. berkeleydə oxuduğum müddətdə mən hər gün öz-özümə sual verirdim, mən doğrudanmı bu möhtəşəm məktəbdə oxuyuram, bu möhtəşəm professorlardan dərs alıram?! bir gün həm avropa, həm də amerika təhsilində təcrübə etdiklərim haqqında daha ətraflı yazacam. hələliksə əsas mesajım budur, qərb təhsilini mütləq və mütləq alın. və çətinliklərdən zərrə qədər qorxmayın! sizin təqaüd pullarınızı qoyun öz aralarında bölüşdürsünlər, necə ki, mənimkini bölüşdürdülər... amma siz yenə də təslim olmayın. bütün mümkün mənbələrə baş vurun! başqa təqaüd proqramlarına müraciət edin. mənim kimi üç işdə, lap dörd işdə çalışın. tamam, yorulacaqsınız, çətin olacaq, bir gün yorulub pəs etmək haqqında belə düşünəcəksiniz, amma qətiyyən vaz keçməyin! bu təhsil daha yaxşı ölkə və daha yaxşı gələcək qurmaq üçün çox dadımıza çatacaq, inanın mənə! məzuniyyət gününüzdə qəlbiniz sinənizə sığmayacaq qürurdan. və düşünəcəksiniz, “dəyərmiş! bütün çətinliklərə, əziyyətlərə dəyərmiş!”
aynur cəfər
p.s. buna həyatın nə qədər gözəl olduğunun anlaşıldığı anlar deyirlər...
+18 əjdaha
19. az öncə "adamı" olanların müsahibədə daha diqqətlə dinlənilib, daha çox getmə şansına malik olduqlarını öyrənməyimlə məni bir daha iyrəndirən dövlətin proqramı. təəccübləndimmi? yox. iyrəndimmi? sonuna qədər. pis oldummu? bundan sonra yox. ok, indi məsələn tahirson qərdeşimiz və digərləri ordan çıxıb deyə bilər ki, noldu biz adamsız getdik, bizim tanışlarımız özləri gedə bildilər, sizə və tanıdıqlarınıza çatanda tanış oldu? mən keçən ili o biri illəri və bu il müraciət edən bi sürü insanı bilmirəm, amma tanıdıqlarım arasında, ki bu o qədər də az deyil, tanış tunuşu, adam madamı olanların müsahibəsində çeşid çeşid suallar oldu, müsahibə gülərüz əla keçdi, yerdə qalanlar "yola verdiləre heç qoymadılar sözümü deyim, özümü ifadə edim" oldu? niyə tərcümə fakültəsini bitirib educationa müraciət edən adamın birinə(1cilərdən) "sənin təcrübən yoxdu, gəl nazirlikdə 2 həftə təcrübə keç, göndərək" deyildi və müsbət cavab gəldi, amma onun qrup yoldaşına dirənildi ki sənin ixtisasın uyğun deyil? yəni tamam, mən qəbul edərəm ki mənim ixtisasım uyğun deyil(bu da nə səbəbdirsə artıq, ixtisasım uyğun deyil universitet qəbul eləməsin də ala, sizə nə düşüb), mən pis namizədəm, nəticələrim zəifdi(gözlərinə girsin), müsahibədə siz soruşduz mən deyə bilmədim və s., bütün bunlar okeydir, amma sırf "bütün namizədlərə eyni yanaşırıq" adı altında uşaqların yarısını yola verib, yarısı ilə adam balası kimi intervyu keçirmək nədi. bilmirəm nədi səbəb, bütün keçənlərin də "dayday"ı olduğuna inanmıram, öz əməyi ilə keçənlər mütləq var, amma başqasının haqqı olan yeri bəlkə başqasına yedirirlər elə? allah öldürsün sizi. mən indi sakitəm, o perioddan keçmişəm, amma camaatın uşağı da stres içində cavab gözləyir baxıram yadıma düşür yenə. bir dəfə də 100% şəffaf iş görün də, azərbaycan olanda nolar.
+15 əjdaha
13. təhsil almış və təhsilini davam etdirən tələbələr haqda maraqlı statistik məlumatlar yayınlamışdır.
2007-2013-cü illərdə xaricdə dp çərçivəsində təhsil almaq hüququ qazananlar:
ümumi - 2612 nəfər
hazırda davam edənlər - 1809 nəfər
məzunlar - 590 nəfər
məzunların 65 %-i özəl, 35 %-i isə dövlət sektorunda çalışmaqdadır
təhsil səviyyələri:
bakalavr/mütəxəssis 1009
magistratura 1038
rezidentura 414
phd / doktorantura 122
ixtisasartırma 29
ixtisas istiqamətləri:
tibb 725
iqtisadiyyat 587
informasiya texnologiyaları 274
sosial və humanitar elmlər 227
mühəndislik 226
ölkələr:
böyük britaniya 676
türkiyə 558
almaniya 404
kanada 193
rusiya federasiyası 113
universitetlər:
istanbul universitesi (türkiyə) 163
manchester university (böyük britaniya) 102
university of toronto (kanada) 79
hacettepe üniversitesi (türkiyə) 71
orta doğu teknik üniversitesi (türkiyə) 64
+15 əjdaha
11. #78765
bəzi insanların danışmadan əvvəl 4-5 dəfə düşünməsininin lazım olduğunu göstərən proqram. bu və bu tip insanların yalnış düşünməməsi üçün bir şey anlatmaq istəyirəm. çünkü bu tip düşüncələr əslində o insanların özləri fərqində olmadan işlətdikləri və əslində doğrusunu bilsələr yanıldıqlarını annlayacaqları fikirlərdir. yəni özümə görə səbəb tapmayanda hamımız səhv fikirləri müdafiə etmişəm. məsələn mən vaxtı ilə anarxistlərin universitet oxuması ilə mırt tuturdum. ama sonradan səhvlərimi anladım. bu məsələ də elə bir məsələdir, yəni ideologiyası dövlətinkindən fərqli olan bir insanın gedib ondan təqaüd alması, və ya təqaüdü alması üçün bəzi hərəkətlər eləməsi.
əvvəla onu deyim ki, ideologiya fərqiniz varsa, və ya müxalif fikirli birisinizsə bu sizin dövlətdən təqaüd almayacağınız mənasına gəlmir. hətta və hətta o pulu verən sizə dövlət deyildir zatən. siz öz pulunuzu haqq etdiyiniz pulu, atalarınızın illərcə adambaşı minimum 1500 manat orta aylıq əməkhaqqı alması gərəkdiyi halda 300 manat aylıqla işləyib, ala bilmədiyi haqqını alırsınız. öz pulunuzu yəni. vəya sosialist bir oxuma etsək, siz kapitalizmdən öz surplus value'nizi yəni " artı dəyəri"nizi alırsınız. bu işin birinci pəncərəsi, yəni burda ayıb utanılası bir vəziyyət mövcud deyil.
işin ikinci və əsas pəncərəsi, siz dövlətdən "öz artı dəyərinizi" geri almaq üçün nələr edə bilərsiniz? və bunlar nə dərəcədə doğrudur? və ya birilərin sizin davanızı satdığını fikirləşməməsi halı üçün nə edə bilərsiniz? cavab; çox şey edə bilərsiniz.
ən azından onu deyim ki, siz nə etsəniz edin, bu dövlətdin milyonların haqqını yeməsindən daha iyrənc birşey olmayacaq. yəni machievelli'çi bir oxuma etsək the end justifies the means ifadəsini rahatlıqla qəbul edə bilərik. yəni hərfi tərcümə ilə "nəticə məsələni ədalətli qılır" vəya alışılmış dili ilə "məqsədə gedən hər yol mübahdır". burda hər yol yetəri qədər nisbi qavramdır, və uc nöqtələrə gedə biləcəyinizi nəzərdə tutduğumu anlamağınızı istəmirəm. ki siz onsuz da nə qədər "uc"a getsəniz də dövlətlər qədər iyrəncləşə bilmərsiniz. əgər əxlaqı bir həqiqi norm olaraq qəbul etsək(!) onda bu ifadənni "məqsədə gedən hər bir əxlaqi yol mübahtır" olaraq da işlədə bilərik və hazır ki situasiya üçün daha açıqlayıqı olar.
çox uzatmayaq, haqqları dövlət tərəfindən əzilən bir müxalif düşüncəli dövlətdən təqaüd almaq istəyən bir gənci misal götürək (buradaki müxalif ifadəsi cəbhəçi, müsavaçtı olaraq nəzərə alınmamalıdır. azərbaycanı ələ alası olsaq rəsmi müxalifət sayılan cəbhə, müsavat kimi orqanların üzvlərinin sayılarından 100 dəfə daha çox fərqli müxalif insan var azərbaycanda, hərənin öz müxaliflik anlayışı var zira). bu gənc dövlətdən öz artı dəyərini təqaüd olaraq almaq üçün nələrə göz yuma bilər? sizə əminliklə deyirəm ki,bu haqqını alması üçün facebook profilini bağlamağısına, orada daha əvvəl yazdığı fikirləri gizlətməsinə məzxərə ilə baxmaq, pis baxmaq, olduqca gülünc bir haldır. baxın, sərhəddə əsgərininin öz insanları tərəfindən ölməsinə göz yuman bir dövlətdən bəhs edirik. sizin öz haqqınızı geri almaq üçün susmağı qəbul etməyiniz, öz fikirlərinizi ətrafa bildirməməyiniz heç də gülünc hal deyil. əksinə olduqca yerində bir hərəkətdir. yeri gələndə interview'də ideologiyanıza tərs fikirlər də qura bilərsiniz, ama onsuz da məsələn azərbaycan dövlət proqramı təqaüdündə sizdən ideologiyanızı soruşmurlar. yəni ən azından hamıdan soruşmurlar. soruşduqları və gülünc vəziyətə düşdükləri hallarda var, bunları daha əvvəl sözlükdə qeyd etmişəm onsuz da.
siz, oğurluq edən dövlətdən susma haqqınızı istifadə edərək öz haqqınızı geri alırsınız. əksini etməyiniz, yəni qışın ortasında palçığın içində aylıq 150 manat üçün yağışın altında işə gedib gələn və "boğazından kəsib" sizi böyütmək üçün pul qazanmağa çalışan ananızın əziyyətinə, yeniyetmə davranışı ilə xəyanət etmiş olarsınız. bu tip düşüncələr yeniyetmələrdə olan sempatizm və həyəcandan irəli gələn düşüncələrdir. təcrübələr qazandıqca bu fikirlər doğru formada öz yerinə oturur, biz də keçmişik o yollardan. və əmin olun yeniyetməlik yaşla ölçülən bilən bir mövhum deyil ideologiya mənasında.
məni bu imtahan axşamında bu uzun entryni yazmağa vadar edən isə, bizim insanımızın bu ti səhv düşüncələri bir də fərqli pəncərədən baxıb, qavrayıb. mənimsəyə bilməsidir. eyni insanlar bir sıra digər səhvlər zincirləməsinə də yol verirlər zira, o insanlara görə sizin məsələn müsəlman olub sonradan ateist olmağınız normal sayıla bilirikən, ateist olub sonradan yenə müsəlman olağınız gülünc qaynağıdır. eyni insanlara sizin siyasi ideogoliya olaraq liberalizmi fanatiki olub sonradan deyəkki anarxsit olmağınız gülünc qaynağıdır. halbuki bir insanın öz doğrusunu qəbul etməsi başqasını maraqlandırmamasıdır. ya da əlli yaşına qədər səhv yolda olduğunu düşünüb sonra tam əksi bir yola keçən bir insan gülünc qaynağına çevrilməməlidir. sırf bu tip məsələlərə pis baxdıqları üçün bizim insanımız eynilə öz yalnışını gördükdən sonra da geri qayıtmır, doğru yolun başqası olduğunu öyrənmiş olsa belə fikir dəyişəcəyi təqdirdə ona gülünəcəyini düşünüb dəyişmir.
qısaca, siz yeri gəlsə azərbaycan şəraitlərində müxalif fikriniz ilə yapçı da ola bilərsiniz, əgər qarnını doyurmağınız gərəkən 3 uşağınız varsa. və ya baxmağınız vacib olan yaşlı ana atanız varsa. əksini düşünürsünüzsə emosional hisslərinə qapılan yeniyetməsinizdir deməkdir. ya da mərhəmət hissindən yoxsun rasyonal düşüncəli insansınızdır.
bu və bu tip mövzularda sözlükdə ciddi əksiklik var və 1-2 həftə sonra bu barədə öz fikirlərimlə mümkün qədər yazar və oxuyucuların məsələlərə fərqli prizmalardan baxması üçün öz adıma əlimdən gələn qədər entrylər yazmağa çalışacağam.
+18 əjdaha
23. tövsiyə olaraq da demək istəyirəm ki, saytı tam şəkildə oxumadan nazirliyin işçilərinə zəng eləməyin, mail də atmayın. saytı hər tərəfli qarışdırın sonra sualınız olsa müraciət eləyin. mən elədim siz eləməyin dostlar.
deməli, türkiyədə oxuyan tələbələrlə maraqlanan rəvan bəy var. ondan bir neçə şey soruşmuşdum adam dözmədi nömrəmi istədi bakıdan istanbula zəng elədi və səhərin götü açılmamış məni pazladı. içini sikim atam məni belə danlamırdı. adam mənə "başsız bəy siz soruşduğunuz filan sual saytda var saytı niyə oxumadan mail yazırsız? minlərlə tələbə var və siz boşuna mənim vaxtımı alırsız. elə bu dəqiqə də vaxtımı alırsız sırf sizi başa salmaq üçün bakıdan istanbula zəng eləyirəm. xahiş edirəm saytı tam şəkildə araşdırın sonra nə sualınız olsa şəxsən özüm kömək edəcəm." dedi. adam məni aztv dilində pazladı ala. siksə idi daha yaxşıydı lan. adam elə bir tonla danışırdı ki mənlə bu dəqiqə gəlib üstümə işəyəcək sandım. hüznlər içində aranızdan ayrılıram
+14 əjdaha
12. bu il mənim üçün 120000 dollar ayırıb avstraliyaya oxumağa göndərən proqram. allah mənim ömrümdən kəsib prezidentimizin ömrünə calasdfghjkl...
+9 əjdaha
17. namizədlərlə bir interviewer kimi deyil də, dədələrinə borcu olan bir adam kimi danışan müsahibə götürənləri olan proqramın təhsili. bu başlığı niyə bu günə qoymusuze. xaricdə təhsil üzrə dövlət proqramı daa-*. nəysə sözüm intervyu haqqındadır. bu gün bir qrup yoldaşım olub müsahibədə, hr üzrə. qarşılarında hr specialist oturubmuş kimi suallar veriblər. filan vəziyyətdə nə edərdin, falan filan, yəni sırf o vəzifədə işləyən birinin düşə biləcəyi çətin situasiyalar haqda. adama deməzlərmi ki, ay balam qoy bir oxuyum da bunu, işə girməyə gəlməmişəm ki. üstünə bir də təcrübə istəmirlərmi. təcrübə yoxdusa "səni kimdi gələndən sonra işə götürən" demirlərmi. okey, hər şey şəffafdır, pul zad istəyən yoxdu*
belə də olmalıdır yəni
, çox adam gedir oxuyur, noldu onlara problem çıxmadı bunlara çıxdı və s. amma prioritet ixtisas istiqamətləri siyahısında olan ixtisas üçün "nəyə lazımdı bunu oxumaq, onu oxumadan da həmin yerdə işləyə bilərsən" demək? tamam, denən ki, sual kimi qoy ki, niyə oxumaq istəyirsən, nədi bunun mahiyyəti filan beşməkan, amma nöqtəylə qarşıdakını kiçik görməklə demə də bunu. həsən həsənli*
səhv etmirəmsə
deyilən biri var orda, tövsiyə edirəm onu bir intervyu götürmək qaydaları ilə tanış etsinlər. ya da bir az böyüsün, təhsil nazirliyində işləməklə olmur bağzı şeylər. yenə okey, yenə cavab verə bilməsin namizəd, şərtlərə uyğun olmasın, kəsilsin gedə bilməsin oxumağa bu normaldır, hər kəs gedəcək deyə bir şey yoxdur, amma intervyu mədəniyyəti deyilən bir şey var, adamsız, adam balasısız deyərlər. "biz özümüz də xaricdə oxuyub gəlmişik" gözümüz aydın beş də artıq. intervyuya bundan sonra gedəcək olanlar bu ehtimalları nəzərə alsınlar və xatırladım ki, "nəyə lazımdı bunu oxumaq, onu oxumadan da həmin yerdə işləyə bilərsən" sözlərinə "lazım deyilsə bəs niyə prioritet ixtisas istiqamətlərinə salınıb" tipli cavablar verib üstünə də sözünüzü kəsən yerdə siz də onların sözünü kəsib fikrinizi tamamlamaq üçün dirəşsəniz vəziyyət heç də ürəkaçan olmayacaq sonda. yuxarıda saydıqlarımın eynisi və ya bənzəri mənimlə də olmuşdu. hal hazırda hr sahəsində işə başlamaq üzrə olaraq onları popo çıxarmaq üzrəyəm. bəli. öpürəm.
+8 əjdaha
5. deməli proqrama qəbul üçün qayda belədir ki əvvəl sənədlərinizi verirsiniz daha sonra sizi müsahibəyə çağırırlar və suallar verirlər, suallar ixtisas istiqamətində olmalıdır ama təəssüfki bura azərbaycan olduğu üçün oranında suaları biraz qəribədi. deməli bu yaxınlarda müsahibəyə gedən bir qaqaşa verilən sual: facebookda hamam timmes səhifəsini bəyənmisinizmi?
lan?? bu nədi ala? kaş ki təəccüblənmədim deyə bilsəydim. ama bu dəfə təəccübləndim, bu qədər də yox da ala. prezidenti dəstəkləyirsiniz mi? müxalifəti dəstəkləyirsiniz mi sualları versələr təəccüblənmərəm, ki verirlər də zatən, ama ta bu nə sualdı qardaşımsan, biraz ağırlığınız olsun. qaldı ki hamam timmesi bəyənmisinizmi sualı ilə selection edə bilmərsiniz axı, onu bəyənən yapokrat da var, irəliçidə var, anarxist də var.
indi guya bular akılları sıra psixoloji test edirlər də camaatı.
+6 əjdaha
2. daha dəqiq deyimi ilə 2007-2015ci illərdə azərbaycan gənclərinin xarici ölkələrdə təhsili üzrə dövlət proqramıdır.
dünyanın bir çox nüfuzlu universitetində təhsil almağa kömək edən proqramdı. gəldi yenə klassik entry yazır deməyin. bu qurum həqiqətən də işliyir. sadəcə fürsəti yaxşı dəyərləndirmək lazımdı.
saytına girib seçdiyiniz universitetə email yazıb, qəbul şərtlərini öyrənib sənədlərinizi göndərirsiz onlar sizə qəbul olduğunuz haqqda kağız və ya dəvətnamə göndərirlər. bu kağızla birlikdə digər sənədləri də təhsil nazirliyinə təqdim edirsiz və stependiyanız hazırdı.
hamıya vermirlər demiyin dövlətin tapşırıqsız rüşvətsiz oxutduğu 3 nəfər tanıyıram ingiltərədə.
ölkələrə görə verilən stependiya məbləğləri üçün link
universitetlərin siyahısı üçün link
gələn il proqramın son ilidi. tənbəllik etmədən yararlanın.
+5 əjdaha
33. ikincisi haqqında sərəncam bu gün imzalanmışdır . 2022-2026-cı illəri əhatə edəcək proqramda 2000 tələbədən çox olmamaq şərti ilə*
hər il 400-ə qədər
qalibin bakalavr və magistratura səviyyələri üzrə təhsil haqqları ödəniləcək. Proqram Başda Azərbaycan respublikasının dövlət neft fondu olmaqla, beynəlxalq təşkilatların ayırdığı yardımların, qrant və ianələrin hesabına maliyyələşdiriləcək.
Seçim proseduru zamanı Bakalavr istiqamətində olimpiada qalibi olmaq, magistratura istiqamətində isə namizədin intellektual bilik, idarəçilik qabiliyyəti və yüksək texnologiyalar sahəsi üzrə qəbul alması üstünlük hesab ediləcək. Ayrılmış yerlərin 80%-i magistratura, 20%-i bakalavriat səviyyəsinə aid olacaq.
Qaliblərdən biri olmaq ümidi ilə, indidən hər kəsə uğurlar arzu edirəm.
+7 əjdaha
32. Hal hazırda azərbaycan gənclər fondunun təsis etdiyi təhsil. Bildiyim qədəri ilə dünya reytinq sıralamasında 500 ə daxil olan universitetlərdən birinə qəbul olmusunuzsa təhsil pulunun bir hissəsini onlar ödəyir. Bunun üçün Azərbaycan Respublikasının Gənclər Fonduna müraciət etməyiniz vacibdir. (baxma: Azərbaycan gənclər fondu)
https://youthfoundation.az/88442/
Nömrələri: 994 12 498 95 90
(Əlavə məlumat həmçinin ölkə içində qəbul aldığınız universitet və ya kollec xərclərinində bir hissəsini ödəyəbilirlər. Bunun üçün müsabiqələr keçirirlər keçən il 528 gəncin ölkə içində təhsil xərcini ödəyiblər)
+5 əjdaha
1. 28 mayda ki rus pulu dollar deyişenlerden heç bir ferqi olmayan teqaüd. siz onlara 10-15 min azn ödeyirsiniz onlarda size getdiyiniz ölkenin pulunu verirler.
fatal error
edit: bu entry rüşvətlər proqrama düzəldilən vaxtlardan danışır.
+4 əjdaha
7. #6897
bu ilki siyahıda timidusun da adını gördüyüm proqram. görəsən nə qədər pul verib mans?*
glş
+5 əjdaha
15. namizədlərinə belə bir sual verən proqram, cavabı da belə olmalıdır -* ;
caps
+4 əjdaha
4. təqaüdü gecikdirib tələbəni getdiyi kimi geri qayıtmağa məcbur edən təhsildir. yox əgər təhsil başa vurulubsa onda 5 il maksimum 400 manata dövlət müəssisəsində işləməyə təhkim olunulan təhsildir. işləmirsənsə gətir pulu qaytar deyən təhsildir.
aylar sonra gələn edit: entrynin 2-ci cümləsi yalnışdır. doğrusu iş yerinin azərbaycanda olması kifayətdir.
+4 əjdaha
30. "bizdə hökumətin xaricdə təhsildən narahatlıq keçirdiyi günlərdə qazaxıstan hökumətinin bu məsələ ilə bağlı açıqladığı rəqəmlər diqqətimi çəkdi. sən demə qazaxıstanda xaricdə təhsil ("bolaşak") proqramı 1993-cü ildə tətbiq edilməyə başlayıb- bizdə bundan 14 il sonra.
ən mühümü, qazaxıstanın "bolaşak" proqramı bizdən fərqli olaraq humanitar ixtisaslara nəinki məhdudiyyət qoymur, əksinə bu ixtisasların payı xeyli yüksəkdir. məsələn, 2015-2016-cə tədris ili üzrə proqramda iştirakla bağlı verilən elandan aydın olur ki, 343 ixtisasdan 123-ü humanitar istiqamətlər üzrədir.
indiyədək 8 min nəfərədək gənc dövlət təqaüdü hesabına xaricdə təhsil alıb. onlrdan 98%-i işlə təmin edilib. işlə təmin olunanların 45%-i dövlət təşkilatlarında, 39.5%-i özəl sektorda, 11%-i beynəlxalq təşkilatlarda, 2.5%-i dövlət şirkətləridə çalışır."
(c) rövşən ağayev
+3 əjdaha
22. 2015-2016 illər üçün sənəd qəbulu aprel ayından başlamışdır və iyul ayına qədər davam edəcəkmiş. bu il də sənəd göndərənlərdən olacam və ümidlə cavabını gözləyəcəm -*
hər kəsə də bu proqramda uğurlar arzulayıram.
+3 əjdaha
35. Artıq 2022-2026-cı illər üçün dövlət proqramının seçim meyarı təsdiq edilmişdir.Hər kəs üçün xeyirli uğurlu olsun.
(baxma: ben elendim )
“Gənclərin xarici ölkələrin nüfuzlu ali təhsil müəssisələrində təhsil almalarına dair 2022-2026-cı illər üçün Dövlət Proqramı” çərçivəsində xarici ali təhsil müəssisələrində təhsilin maliyyələşdirilməsi Qaydası”nın təsdiq edilməsi haqqında
https://nk.gov.az/az/document/6179/
“Gənclərin xarici ölkələrin nüfuzlu ali təhsil müəssisələrində təhsil almalarına dair 2022-2026-cı illər üçün Dövlət Proqramı” çərçivəsində xaricdə təhsil alacaq gənclərin seçilməsi meyarları və prosedurları üzrə Qayda”nın təsdiq edilməsi haqqında
https://nk.gov.az/az/document/6176/
+3 əjdaha
20. sözsüz ki güclü tanışları olanların rahatlıqla keçdiyi, bununla belə, tanışı olmayanların da keçə biləcəyi müsahibələri vardır. düzdür, bir intervyu ilə 100-150 min dollarlıq investisiya məsələsi həll olunur, qərəzli mövqeyin olması qaçılmazdır, amma keçən ilki intervyular onu göstərdi ki, savaddan əlavə bir az bacarıq da lazımdır. çox zəif backgrounda malik olub, intervyu götürənlərin "damarını tutub" keçə bilən tələbələr az deyil.
+3 əjdaha
26. gələn il müracət edəcəyim proqramdır.mənə pis təsir edən burdakı dostlarımızın bu qədər bədbin olmasıdır.yəni o proqramı siz asanlıqla öz şəxsi keyfiyyətlərinizlə keçə bilərsiniz bunun üçün heç bir dayday,tapşırıq da lazım deyil.yəni dostlar həqiqətəndə azərbaycanda olsa daydaysız hamı uğur qazana bilər əgər müəyyən məqsəd uğrunda düzgün yol seçib mübarizə aparacağıqsa.
müsahibələrdə iştirak edəcək dostlara bir məsləhətim var,belə intervyularda söhbətin gedişini əldə saxlamağın yollarını öyrənin,əvvəldən axıra kimi gülümsəyin mühasibə götürənlərlə mübahisə etməyin bir sözlə körpüdən keçənə kimi ayıya dayı deyin. indidən hamımıza uğurlar)
+2 əjdaha
28. 2015-ci il üçün 15 apreldə başlayıb 15 iyulda bitəcək təqaüd proqramı
+2 əjdaha
21. tanışsız və rüşvətsiz qazana bilməyəcəyimiz ( istisnalar var ) osturaq bir proqram.
+2 əjdaha
8. rüşvet vermeden,müsahibeye getmeden antı-yapçı,anti-irelici biri olaraq da qazanıla bilen teqaüd
+2 əjdaha
9. gencleri got eden, ne qeder pizdes anarxist olduqlarini ortaya cixardan dovlet proqrami. bu teqaudu alanlarin interview zamani got ayagina dusmesi en gulunc olandi. muxalif dusunceli statuslari oxunmasin deye facebooku bagliyirlar, 15-20 gun sakit ortaliqda dolasirlar.
+2 əjdaha
10. heç bir pul vermədən, lazımi sənədləri toplayaraq yayın istisində sabirabad-bakı yolunu su yoluna döndərərək timidus reyizin ikinci dəfə qazandığı təqaüd. hətta yayda o istidə reyizin nələr çəkdiyini notarius zad zibillərində də görmüşəm gözlərimlə. çətin bir şey deyil, onsuz dövlət qara pulları yumağa yer axtarır.
+2 əjdaha
24. bunu da atım bura qalsın özüyçün.
tez-tez verilən suallar: http://xaricdetehsil.edu.gov.az/c-elanlar/details/165
+2 əjdaha
25. tanıdığım bir insanın uzun əzab-əziyyətli müraciətindən sonra, müsahibəyə dəvət edib seçmə suallardan "ulu öndər" heydər əliyevin siyasi fəaliyyəti haqqında çoxlu suallar veriblər. bu da hamısına cavab verib nece lazımdır ama qəbul etməyiblər. niyə? cünki "ulu öndər", "müasir azərbaycan dövlətinin qurucusu" və s. deməyi unudub.
+1 əjdaha
29. lazımsız təhsildən sonra müraciət etməyə cəsarətim çatmadığı üçün deyəsən mənim üçün imkansız olan təhsil.
amma nə gözəl deyib adamın birisi ən son ümidlər ölər.
+1 əjdaha
14. artıq qeydiyyatı başlayan program.
+1 əjdaha
3. qəbul olunduğunuz təqdirdə tqdk tərəfindən 7 min manat rüşvət qarşılığında stipendiyanıza qovuşa biləcəyiniz proqram.
hamısını göstər
