Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var.
Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
1. Ofisiant tanışım danışıb mənə: “Bir gün pəzəvəngin biri arvadı ilə toya gəlmişdi. Mənim qulluq elədiyim masada oturası oldular. Məclis başlayandan adamın əmrləri də başlandı. Onu gətir, bunu gətir. Arada — sırada hələ qışqırırdı da üstümə. Hətta dərinə gedib təhqir də edirdi.
Zibilə qalsın bu “kliyent vseqda prav”- söhbəti. Təsəvvür elə, söz də deyə bilmirəm. Desəm öz çörəyimə bais olacam. Və… dözürəm. Dişimi dırnağıma qısnayıb dözürəm. Bu isə sıfarişləri, atmacaları, təhqirləri ard- arda sıralamaqdadır…
Amma ofisiant “kruq”unda da yazılmamış qanunlar var. Bunu məhdud dairədən savayı kimsə bilmir. Nədir o? Deyim. Deməli belə: Əgər ofisiant təhqir olunursa, bu məsələ ofisiant “obşak”ında dərhal müzakirəyə çıxarılır. Mətbəxdə. Yerindəcə də “fətva” verilir. Cəza anlamında. Həddini aşan gədə təkdirsə özünə, xanımı ilədirsə, o zaman xanımına kokteyl aparılır. Amma… aparılmadan öncə həmin kokteylə bütün ofisiant heyəti tüpürür. Doyasıca!
Hələ daha ağır cəzalar da var. Onlar haqda danışmayım. Sonra yemək — zad yeyə bilmərsən”.
***
Evdə arvadına söz deyə bilməyənlər toyda ofisiantın üstünə qışqırır. Həyatında “dalı” ilə bir qapı açmayanlar ofisianta 500 manatlıq içki açdırır. Dünyaya yüz minlik maşınlarının “podpress”indən baxanlar – həmin dünyanın hər üzünü görənlərə əmr edir, tapşırıqlar verir, səs qaldırır…
Kübar insan kübardır. Aksiomadır bu. O yan-bu yanı yoxdur. Öldür, eləməz belə şey. Amma o ki, qaqalar var e…. şəkil çəkdirəndə arvadın qorxusundan məcburən — xoşbəxtcəsinə gülürlər, ta nə bilim rəqqasə salona girərkən, yenə də arvad zəhminin müşayəti ilə aşağı düşüb maşını (guya) yenidən “parkovka” edirlər, oturduğu masada 5 sm — lik radiusdan o yana baxa bilmirlər, xanımın bir çimdiyi ilə 50 yaşında düşüb ortalıqda Ciminin mahnılarını “sökürlər”… Bax, onlar acığını kimdənsə çıxmalıdır! Başqa yol yoxdur…
Özündən zəifləri əzən, özü də hardasa mütləq əzilmişdir! Faktdır bu. Üstəgəl, daxildə dombalan təkəbbürün, kompleksin səbəbi. Çünki, dəyyus da dəyyusdur. Kübarın kübar olduğu kimi. Varlığını, gücünü haralardasa göstərməlidir, bəyan etməlidir, bildirməlidir. Mənəviyyatsızca olsa belə….!
***
Siz heç özünüzü ofisiant yerinə qoydunuzmu? — Bilmirəm. Amma mən qoydum. Hətta xəyalən onların paltarını geyinib, “baboçka”sını belə taxdım. Toyun, məclisin başlama saatını gözlədim. Görəsən, qulluq elədiyim masada kimlər oturacaq: əxlaqlımı-əxlaqsızmı, alkaşmı-dindarmı, ziyalımı-gədəmi, uşaqmı-böyükmü, avtoşmu-piyadamı…? – Bax bu rəngarəng sualların içində vurnuxub, karıxıb qaldım. Üstəgəl, vahimələndim. Hələ keçmiş sinif, qrup yoldaşlarını, köhnə sevgililəri, bədxah qonşuları, ya da bir az pullanan kimi başından yekə məsləhət verən qohumları demirəm… Hər anın stressdir! – HƏR ANIN!!! Və… bu da azmış kimi – arvadına özünü göstərmək istəyən gədələrin səni təhqir etmə perspektivi… bir tikə çörək ucbatından özündən əksiklərin sözünü udma məziyyəti… yemək dadlı olmayanda, ya da içindən nəsə çıxanda aşbazın əvəzinə cavab vermə məcburiyyəti… fıştırıqla, çırtma llə çağırılma “lüksü”…
Hansı birini deyim?!
***
Bir ofisiantın — yerə tökülənləri süpürüb xəkəndaza yığması bilirsinizmi nə deməkdir? – Həm də 300 nəfərin içində?! Bilmirsiz. Bilməzsiniz! Bunun üçün onun yerində olmaq, onun yaşadıqlarını yaşamaq lazım…
iki il öncə mənim də iştirakçısı olduğum bir məclisdə belə hal yaşandı. Masada oturan nurani, ağbirçək bir qadın dözməyib ofisianta qayıtdı ki, oğlum sən kişisən, ver mən süpürüm. Nəsə içim çəkmir, ağır gəlir mənə kişi yer süpürəndə…
Yaxşı bəs ofisianta verdiyiniz 5 manatın içində — onun həm yol, həm övladının oyuncaq, həm də evinin bazarlıq xərclərinin olduğunu necə, düşündünüzmü? Məncə bunu da düşünmədiniz! Düşünə bilməzsiniz! Düşünsəniz, bir “izalent”li beşliyi bu qədər nümayişkəranə şəkildə, hamının görəcəyi tərzdə təqdim etməzdiniz, masanın bu başından o başına ötürməzdiniz…!
Ofisiantın bilmədiyi, görmədiyi şey yoxdur. inanın. Makiyaj adıyla çölə çıxıb tamada ilə ayaqyolunda sevişən ərli qadınlardan tutmuş, ta öz toyunda fotoqrafa gizlincə nömrə verən gəlinlərə qədər…
Bax bu qədər DÜNYAGÖRMÜŞDÜR onlar..!
***
Bizdə ofisiantların çoxu diplomludur. Məhz diplomlu. Bayaq qrup yoldaşı söhbətini elə-belə xatırlatmadım. Və ya xaricdə, dünyada, Avropada o kəslər ofisiant işləyir ki, tələbədir… zaman udur, evə ziyan vurmamaq üçün müvəqqəti pul qazanır. Bizdə isə camaat institut qurtarıb ofisiant olur. Həm də bir tək ofisiant yox, taksi sürücüsü, gözətçi, fəhlə, hambal…
***
Bu əhvalatı isə bir başqa dostum danışıb mənə. Olan söhbətdir. Demək, bir boynu yoğun qaqaş içib gül vurandan sonra ofisianta qayıdır ki, 250 manat verəcəm. Amma dombalaq aş…
Ofisiantın təklif qarşısında susqunluğu isə adamı bir az da coşdurur: «Alə, mənə 250 verən olsa var — yoxuna lənət düşünmədən boynumu yerə qoyub fırlanaram». Və bunu deyib şaqqanaq çəkir…
Ofisiant otaqdan çıxır. Gedib digər ofisiant dostlarını halü — qəzadan agah edir. Onlar da eləmir tənbəllik, atışıb 500 manat düzəldirlər. Pulu da verirlər təhqir olunan həmkarlarına…
Ofisiant içəri girib pulu stola atır: «Haydı qoçum, 500 manatım var. 2 “kruq” dombalaq istəyirəm. Özün dedin ki, pul verən olsa aşaram. Həm də aşmayan üçün var — yox söhbəti var».
Qaqaş dombalağını aşır, hesabını verir və bir göz qırpımında rədd olub, itir…
qaynaq 
*
qaynaqda demək olmaz əslinə qalsa. tamamı ilə copy+paste
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var.
Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
2. hər tiptə insan olur o süfrədə.... hər adam bacarmır valla.
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var.
Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
3. zehle token musterinin cayina tupurub ona ikram etmekdir
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var.
Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
4. stolda oturan hər müştərini potensial "çayvoy" olaraq görən insandır. heç də zavallı falan deyildir. halal pulunu qazanıb, o pulu bazdığa vəya təhsilinə verən adamdır. sonra da dost ortamında "dünən stolumda oturan civiyə nömrəmi verdim" vəya "iki dənə kələdən 110 manat pul tutum" kimi temalarnan beynivizi sevən qaqa dı.
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var.
Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
5. gərək heç kimin qabağından yeməyəsən. burda tamamən maddiyyatdan söhbət gedir. pula görə per peysərin göt-göt danışmağına tab gətirməyin. yaxşı kollektiv tapmaq çətindi. mən o qədər olub ki, hansısa borzuya görə dalaşıb çıxmışam. heç bir həyəcana zada ehtiyac yoxdu. verdikləri pul da nədi kiV ancaq sənin yol pulunu, siqaret pulunu tamam eliyir. ilk məbləği dərk eləmək lazımdı ki, xüsusi bir şey vermir sizə restoran rəhbərliyi. bəzən səndən 5-10 yüksən alan adamlar üzərinə elə çımxırır ki, ordaca cavabın vermək lazımdı. yoxsa çox olarlar, restorandan çox restoran. onlar da insandı arkadaşlar, psixoloji üstünlük ilə çarxı fərqli istqamətdə hərəkət etdirə bilərsiniz. xoşunuza gəlmiyən hərəkət oldu, çəkin qırağa söhbət eliyin. bu arada yaxşı kollektivə can qurban, adam heç bilmir zaman necə gəldi keçdi.
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var.
Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
6. Restoran/bar və otel sferası olaraq ikiyə ayrılır. Bu yerlərdə ofisiant işləmək fərqli perspektivlərə sahibdir.
Adi Restoranda əsasən tələbələr, müvəqqəti pula ehtiyacı olan cavan bəy və xanımlar işləyir. Onların məqsədi əsasən pul qazanıb əsas işləri ilə davam etməkdir. Qazancları əsasən 450-600 arasında olur.
Yaxşı fine dining restoranlarında isə əsasən təcrübəli ofisiantlar olur. Onların qazancı ortalama 1000 manatdan çox olur. Amma iş saatı və iş yükü ağır olur, hər adamın görəcəyi iş deyil. Eyni vaxtda 7-10 arasında stolun hər bir ehtiyacını ödəmək çətin işdir.
Otel sferası isə tamamilə fərqlidir. Burda əsasən karyera düşünən və qida və içki sahəsində qabağa getmək istəyən şəxslər daimi işləyir. 5 ulduzlu otellerdə Əsasən dil bilikləri olan şəxslərə üstünlük verilir. Oteldə qida və içki sahəsində ofisiant işi belədir: banket, otel restoranı, otel barı, otaq servisi (room service). Əsasən təzə başlayanlar banketdən başlayır. Burada iş saatları standart olmur, tədbirlərdən asılı olur. Toy olmasa çay pulu yoxdur. iş vaxtı 12-14 saat olur işin qızğın vaxtları. Otel restoranı isə nisbətən sabit iş rejiminə və fix maaşa sahibdir. Çay pulu az olur. Səhər və axşam smeni olur. Səhər smenində otel qonaqları üçün səhər yeməyi verilir. Günorta və axşam isə menyu əsasında xidmət olunur. Restoranda təcrübəli ofisiantlara rast gəlmək olar. Bir çoxları restoranın iş qrafikinə görə uzun müddət işləyir. Otel barında isə bu sahədə təcrübəsi olan ofisiantlara üstünlük verilir. iş qrafiki əsasən axşam saatları olur. Çünki bar əsasən 4-dən sonra fəaliyyət göstərir. Nisbətən iş yükü az olur. Ancaq içki və yüngül qida servis olunduğu üçün. Burada çay pulu normal olur. Aylıq qazanc 900 manatdan çox olur. Fairmont oteldə "bar19" və Ritz Carlton-da "blind tiger" səviyyəli barlardan bir neçəsidir. Otaq servisində də iş qrafiki əsasən sabit olur. Səhər, günorta və gecə smeni olur. Yegane yerdir ki, otaq servisi 24 saat xidmət göstərir. Burada otaqlara gələn qonaqları qarşılamaq üçün pulsuz içki və ya qida məhsullarını yerləşdirmək də daxildir. Bu əsasən səhər smenində olur. Ən çətini və yorucu iş də məhz budur. Otelin doluluq faizindən asılı olaraq bəzən 100-dən çox otağa girib müəyyən məhsulu qoymaq da tələb oluna bilir. Günorta və gecə smenində isə əsasən qonaqların sifarişləri və xüsusi istəkləri çatdırılır. Otaq servisi zəhmət tələb edən yerdir. Burada təcrübəli ofisiantlar üstünlük təşkil edir. Otaq servisində əsasən gecələr yaxşı çay pulu olur. Tanışlarım var ki, hər gecə cibində 50-100 manat pul ilə gedir evə.
Bu saydıqlarım standart olsa da hər oteldən otelə dəyişir. Tövsiyəm bu olar ki, əgər bu sahədə davam etsəniz, bütün bu sahələrdə az az təcrübə yığın (banketdən başqa). Çünki yaxşı bir ofisiant və daha sonra menecer olmaq üçün hamısını bilməyiniz vacibdir. indilərdə yaxın şərqdə tələbat çoxdu deyə, təcrübəli ofisiantlar dubaya, qətərə üz tutur və yaxşı pul qazanırlar. Amma şəxsən deyə bilərəm ki, dəyməz. Bəzən o qədər işləyirsən ki, gözünə qan gəlir. Tövsiyəm odur ki, işləyib pulunuzu yığıb normal ofis işinə keçin. Ofisiant olmaq peşmançılıqdır.
