ölüm tribi

1. bonzai, jamaica, spice kimi sintetik marixuana adlanan keyfiyyətsiz narkotiklərin təsiri ilə yaşanan *bad trip*dir. ölmək istəmək, öləcəkmiş kimi hiss etmək, özünü ya başqasını öldürəcəkmiş kimi hiss etmək tribin xüsusiyyətləridir.
bir dəfə yaşamışam, bərbatdır.
tripdə ikən olduğum binanın dördüncü mərtəbəsindəydik və otağın iki divarı balkon və pəncərə idi tamamilə. özümü sanki balkondan atacaqmış kimi hiss edirdim. ya da kimisə öldürəcəkmiş kimi. uşaqlardan kimisə öldürəcəyimdən qorxduğumu və mənim yanımdan uzaqlaşmalarını istədim və qapını örtdüm. bədənimdən sanki yağışdan çıxmışam kimi su axırdı, uzun halusinasiyalar və astral səyahətlərdən sonra mətbəxə keçdim. nə qədər vaxt keçdiyini, nə qədər səyahətdə olmuş olduğumu bilmirdim, zaman anlayışı tamamilə dəyişir. başımı krantın altına soxub buz kimi suyu açıb biraz gözlədim. stolun üstündə böyük bıçaq var idi, götürdüm əlimə və digər səkkiz uşağın yığışdığı çox balaca otağa daxil oldum.
hamı sözünü saxlayaraq tərpənmədən mənə çevrildi. təngənəfəs, həyəcanlı və bütün suyun içindəydim. bir anlıq səssizlikdən sonra biri səsləndi;
- bıçaqla neynirsən timidus?
- kolbasanın hamısın yedüz ala?

2. Bunu mən dünən yaşadım. Əvvəla onu qeyd edim ki, nə siqaret nə də ot çəkən deyiləm. içki də ancaq soft içkilər. Bürcümləmi əlaqəlidi ya öz xarakterim belədir bilmirəm, amma özümü həmişə kontrol edən biriyəm. Plan üzrə hərəkət edən , punktual biriyəm deyə belə qeyri-müəyyən şeylər sevmirəm.
Nəysə keçək əsas məsələyə. Həyat yoldaşım Hollandiyadakı ixtisası üzrə konfransdan adi bildiyimiz şokaladlardan alıb gətirmişdi. Dünən rəfiqəm bizi evlərinə axşam yeməyinə çağırmışdı, yoldaşım da dedi elə bunları da götürək yeməkdən sonra. Yeməkdən sonra hərəmiz bir dişlək götürdük.
saat 22:00 yoldaşıma deyirəm evə getmək istəyirəm. Uşaqlar deyirlər yox biraz da oturun gedərsiniz.
saat 22:26 idi səhv etmirəmsə. Dedim kiç gedək yuxum gəlir. Dedilər 23:00da durarsınız. Bundan sonra başladı. Deməli hiss edirəm ki, uşaqlar danışırlar. Danışdıqları mövzünü unuduram, sonra biraz daha irəliləyir bir sözü bitirib, digərinə keçəndə artıq bundan əvvəlki sözü unutmuş oluram. Zehnimdə ha çalışıram ki, sözlərə çatım amma heç cür alınmır. Görürəm uje başım gedir. O da ona görə gedir ki, elə bilirəm atın üstündə sözün arxası ilə qaçıram ki, onu tuta bilim ki,yadımdan çıxmasın. beyin olaraq da bu başla əlaqəlidi deyə əlimi stolun dirsəyinə, başımı da əlimə söykəmişəm ki, başım getməsin, çünki sözün arxası ilə qaçıram. Uşaqlara deyirəm mən sizin cümlələrə çata bilmirəm bu niyə belə olur. Hiss edirəm ki, gülürlər ki. ilk dəfədi aha tutub. amma bilmirlər ki, özümdə deyiləm artıq. Birdən panik atakım tutdu. Vse başladı bədənimə həm istilik çökdü, həm də titrəyirəm. Ürəyim elə döyünür elə döyünür ki, elə bilirəm indi bu dəqiqə yerindən çıxacaq. Artıq bir yerdə elə bildim ölmüşəm artıq. Amma ölmək də istəmirəm. Çünki mənim ölüm qorxum da var.Hərdən yoldaşıma zarafatla deyirəm ki, sonsuz yaşamaq istəyirəm mən. indi bu anda da necə öldüyümü hiss edirəm. Amma bilmirəm ki, ölmüşəm ya öləcəm. Saniyələri sayıram ki, indi bu dəqiqə ürəyim partdıyacaq. Əlimə qoluma su vurdular, otağa gətirdilər. Deyirəm indi real həyatdayam mən ya ölmüşəm. Mən ölmək istəmirəm. qurban olum bitsin bu. Sol yarım keyiməyə başladı, ürəyimin elə bil içindən ağır daş asmışdılar. Başımın sol yarısı, sol qolum keyimişdi artıq. Hiss etmirdim. Bədənimə necə istilik çökübsə, içəridən yanıram. elə bilirəm əlimi harasa vursam ora alışıb yanacaq. Necə dəhşətli hislər yaşadım ancaq özüm bildim. Uşaqlar da sakitləşdirməyə çalışır. Mənim reallıqla əlaqəmin oldugunu deyirlər tez-tez. Zaman anlayışım silinmişdi sanki. Bir yerdə yoldaşımdan soruşdum ki, mən evə gedək dediyimdən nə qədər keçib? elə bilirəm 1 il filan keçib. Dəli olmuşdu. Bilmirəm belə olanda həqiqətən ölüm riski var ya yox, amma elə bilirəm sadəcə xoşbəxtlikdən həyata qayıtdım. Gecə 5-ə kimi yata bilməmişəm. Elə bilirəm gözlərimi yumsam, ürəyim -dayanacaq. Bu məndə 16-17 saat çəkdi. Tam olaraq özümə qayıtmağım yəni. yəqin ki, heç vaxt unutmaram bunu. ölümü indi başa düşürəm mən. həqiqətən saniyəlik bir şey imiş. o deyirləre ölmədən ölümü dadmaq, tam olaraq onu yaşadım mən.
Etməyin uşaqlar, eləməyin. Mən adi şokoladdan bu günə düşmüşəm. Sonra yoldaşım deyir ki, bunun içində haşhaş var imiş və üstəgəl sənin bədənivin də belə şeylərə imuniteti yoxdur deyə səndə belə reaksiya verib.
Dəhşət idi sadəcə, heç kim yaşamasın.

ölüm tribi

Yalnız deyilsən!

Yalnız deyilsən!