dələduzluq
| sosial17,535 | 4 | 18
əjdahalar googlla
bakı - azərbaycana və ya azərbaycanlılara xas xüsusiyyətlər - türk liseyləri - red bull - sözaltı etiraf - acı uşaqlıq xatirələri - 147 - gözəl hekayələr - yazarların qısa hekayələri
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var. Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
▪️ Tap.az, lalafo kimi saytlarda məhsul satarkən kimsə sizə "Şəkidəyəm, Qubadayam, Azərpoçtla göndərin, ödənişi edim" deyib, kart məlumatlarınızı doldurmaq üçün link atsa, o zaman rədd edin həmin kontaktı. Saxta Azərpoçt saytı ilə kart məlumatlarınızı oğurlayıb, balansdakı bütün pulları çıxaracaqlar.
▪️ Telefonunuza zəng gəlsə ki, filan bankdan zəng edirik, kartınızda problem var, həll etmək üçün kart məlumatlarınızı göndərin, rədd edin həmin kontaktı. Banklarında tez-tez problemlər çıxan ölkənin vətəndaşı kimi sizə inandırıcı görünə bilər, amma banklar müştərilərə zəng edib, kart məlumatı soruşmurlar. Adətən müştərilər zəng edirlər, şikayət edirlər.
▪️ Telefonunuza SMS gəlsə ki, sizin telefondan qadağan edilmiş saytlara giriş olub, Cinayət Məcəlləsinin filan maddəsi ilə cərimə edilirsiniz, cəriməni ödəmək üçün Milliön aparatından filan yerə pul ödəyin, rədd edin həmin kontaktı.
▪️ Telefonunuza SMS gəlsə ki, Azercell balansınıza filan qədər pul yüklədi, ardınca zəng gəlsə ki, səhvən sizin nömrənizə yükləmişik, geri qaytarın, rədd edin həmin zəng edən kontaktı. Azercelldən xeyir görəcək qədər şanslı olan nadir insanlardan olduğunuzu düşünə bilərsiniz, amma "gələn dəfə yükləyəndə diqqətli olun" deyin, bağlayın.
▪️ Elektron poçt ünvanınıza məktub gəlsə ki, sizi Linkedində gördük, bəyəndik, sizə Londonda, Parisdə iş təklif edirik, müsahibə üçün bura gəlməlisiniz, bütün xərclərinizi ödəyirik, ancaq bilet üçün depozit qoymalısınız, Western Unionla pul köçürün, etməyin. Belə dələduzlar nüfuzlu şirkətlərin saxta saytlarını yaradırlar, 5-10 qurban üçün istifadə etdikdən sonra da bağlayırlar. Nüfuzlu şirkətlərin göydə axtardıqları qədər istedadlı olduğunuza inana bilərsiniz, amma onlar sizi işə götürəcəksə, bu istedadla sizə bilet alacaqlarını da bilməlisiniz.
▪️ Elektron poçt ünvanınıza məktub gəlsə ki, Nigeriyada, Banqladeşdə uzaq qohumunuz yaşayırdı, vəfat edib və sizə 5 milyon dollar vəsiyyət edib, o məktubları dərhal silin, cavablandırmayın. Söhbətə başladığınız anda sizi şirnikləndirib, bir mərhələdə Western Unionla pul göndərməyinizi istəyəcəklər. Pulu göndərdiyiniz andan itib-batacaqlar. Nigeriyada, Banqladeşdə qohumunuzun olmaq ehtimalı daha yüksəkdir, nəinki belə ölkələrdə ortada qalmış 5 milyonu qapazlamaq üçün sizdən icazə istəməkləri.
▪️ "ABŞ səfirliyində adamım var, 10 min dollar ver, 5 onların, 5 mənim, sənə viza düzəldim, get Amerikaya" deyən adam görən kimi qaçın. ABŞ səfirliyinin əməkdaşlarını 5 min dollara ələ ala biləcək qədər istedadlı adamın 5 min dollara ehtiyacı olmaz. Viza müraciətlərinizi maksimum dürüst doldurmağa çalışın.
▪️ Moldova, Almaniya, Türkiyə və s.dən tanımadığınız profillərdən xanımlar sizə yazaraq tanış olmağa cəhd göstərirsə, sonradan özəl görüntülər göndərirsə, növbəti addımda videozənglə bədənini göstərirsə, sizdən də eynisini istəyirsə, tələyə düşməyin. Özünüzü dünyanın ən qaynar, cazibədar şəxsi saya bilərsiniz, amma Almaniyadan durub sizi boş yerə soyundurmurlar. Çəkdikləri görüntüləri yaymamaq üçün sizdən pul istəyəcəklər. Versəniz, yenə istəyəcəklər, artıracaqlar məbləği. Verməsələr, ya tvitterdə bu barədə açıqlama vermək məcburiyyətində qalacaqsınız, YAPçısınızsa, YAPdan qovulacaqsınız, ya da yayacaqlar.
▪️ Hansısa xaricdə təhsil şirkəti sizə "ürəyiniz istəyən universitetə imtahansız düzəldirəm, Oksford, Kembric, Harvard" deyirsə, qaçın onlardan. Əvvəlcə saxta qəbul sənədi düzəldirlər, sonra "təhsil haqqının yarısını ödəməlisiniz" deyirlər, pulları camaatdan yığıb, ABŞ-a qaçırlar, yeni həyat qururlar.
▪️ Xaricə tur aldığınız turizm şirkətlərinin keçmişinə, etibarlılığına baxın, 50-100 manat qiymət fərqinə yox. illərdir hər il yay aylarında ailəliklə Türkiyədə dincəlməyə hazırlaşan adamlar var ki, dincələ bilməyəcəklərini hava limanında öyrənirlər. Nə adlarına bilet olur, nə otel rezervasiyası. Müştəriyə verilən saxta bilet, saxta rezervasiya olur.
Düşünürdüm ki, bunlar artıq yayılmış dələduzluq sxemləridir, hamının xəbəri var. Amma hər gün yeni insanların bu dələduzların qurbanı olmasını gördüm, düşündüm təkrar yazım, hamı öz ətrafındakı sadəlövh, səmimi qohum-əqrabasına, yaşlı valideynlərinə izah etsin ki, dələduzlar, şantajçılar istədiklərini ala bilməsinlər.
❗ Unutmayın ki, müftə pendir siçan tələsində olur. Bəzi təkliflərin cazibədarlığı sizi aldatmasın. Bir addım atmamışdan əvvəl yoxlayın, şübhə ilə yanaşın, ətrafınızdakı insanlarla müzakirə edin, dəqiqləşdirin.
(bax: Bəxtiyar Hacıyev)
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var. Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
1.aldatma yolu ilə dələduzluq;
2. etibardan sui-istifadə etmə yolu ilə dələduzluq Aldatma dedikdə, bilə-bilə yalan məlumatların verilməsi, həqiqi məlumatların gizlədilməsi başa düşülür. Etibardan sui-istifadə etmə dedikdə isə mülkiyyətçi ilə cinayətkar arasında yaranmış etibarlı münasibətlərdən istifadə olunması başa düşülür. Birbaşa qəsdlə törədilir. Subyekti 16 yaşına çatmış, anlaqlı şəxslər ola bilərlər
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var. Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
üzv ol