bugün wiki təsadüfi son
sözaltı sözlük
məsləhət postlar mesaj Profil

bu nicki sevmədim


54   0   0   0


blok başlıqlarını gizlət

Notice: Undefined variable: thisuser in /var/www/soz6/profilson.php on line 166
qadın düşmənliyi

indiyə qədər normal insanla qarşılamamış,ümumiləşdirmədə isə zirvəyə çıxmış yazar bəyanı.
Əziz insanlar, əgər siz hər dəfəsində belə problemli insanları özünüzə çəkirsinizsə demək ki, nəyi isə səhv edirsiniz. Lütfən burada kişiləri süddən çıxmış ağ qaşıq, qadınların hamısını isə hərdəmxəyal, qəlbsiz ,yolunu azmış kimi qələmə verməyi qurtarın. Yuxarıdakı entry'də sadalanan xüsusiyyətlər cəm şəklində olmamaqla bərabər (gördüyünüz kimi ümumiləşdirmə etmirəm) kişilərdə də rastgəlinəndir. Mən burada kişilərə kin  qusmayacağam ,yuxarıda sadalanan xüsusiyyətlərə sahib qadınlar da kifayət qədər vardırlar ,yalan danışmaq kimi fikrim də yoxdur. Lakin siz elə bilirsiniz ki kişilərin hamısı sadiq , dürüst ,nə istədiyini bilən adamlardır? Əgər elə bilirsinizsə üzülərək sizi xəyal qırıqlığına uğradacağımı deməliyəm.indi bir neçə kişi sevgisindən içib şeirlər yazıbsa bu o demək deyil ki,kişilərin hamısı belə içdən sevir. Həyatdakı tək uğuru kişi cinsində doğulmaq olan bəzi həmcinslərinizin qadın onu qəbul etmədi ya da ayrıldı deyə adına söz çıxarmağa çalışanı, şəkillərini paylayanı ,rüsvay etməyə çalışanı hətta döyəni, öldürəni azdır elə bilirsiniz? Ya arada problem olan kimi çözməyə çalışır axı bütün kişilər ? Sanki ehtiyatda saxlamış olduğu başqa qadınlar yoxmuş kimi.
Soruşsan müasir qadın axtarırlar ama tapan kimi etiketini də üstünə yapışdırarlar.baxın sizin ikiüzlülüyünüz bundadır. Sizlər müvəffəqiyyətli qadınları həzm edə bilmirsiz çünki. Nəinki sizdən üstün, sizə bərabər olmaqlarını belə istəmirsiz.Eqolarınız imkan vermir sonra da gəlib deyirsiniz ki, çox göylə gedirlər.
Söz var nə əkərsən, onu da biçərsən. siz qadınları bir cür böyüdüb sonra başqa cür olmaqlarını gözləyə bilmərsiz. Tək qayəsi ərə getmək olan qızlar yetişdirib ,sonra "bu qızlar da lox axtarıree" deyə bilməzsiniz axı. Sən bu qızın əlini çörəyə çatması üçün dəstəkləmisən ki "lox" axtarmasın? uşaqlıqdan evin içində mətbəxləşsin ,yaşı gələn kimi ərə getsin. bu adamdan başqa nə etməyi gözləyə bilərsən sən?
Qadınlar olaraq mürəkkəb varlıqlar olduğumuzu qəbul edirəm. Bəli hərdən nə istədiyimiz özümüz də bilmirik, emosional oluruq, bunun ucbatından səhvlər edirik. Düzgün düşünə bilmədiyimiz anlar olur, kimi zaman kin tuturuq ,kimisə üzürük .Amma , əzizlərim, bunlar hamısı insani keyfiyyətlər deyilmidir? Siz heç bunları yaşamırsınızmı? Xahiş edirəm qadınları ötəkiləşdirməyin, bizim kimi siz kişilər də həyatın müxtəlif dövrlərində belə hisslər yaşamısınız/hərəkətlər etmisiniz. bu mövzuda çox danışmaq olar. sizə deyə bilərəm ki, kişilərin böyük bir qismi qadınları özündən aşağı görür, heç qız övladı olmasını belə istəmir. Və kateqoriyalaşdıraraq bazardan qarpız seçən kimi qadın seçməyə çalışırlar. Halbuki ki özləri o insana layiq belə deyil. Yuxarıda yazdığım və yazmadığım digər fikirləri rəhbər tutaraq siz də özünüzdə kişi düşmənliyi yarada bilərsiniz. Amma mən sizə deyərdim ki,əziz yoldaşlar, etməyin. Dünyadaki bütün qadınların eyni olmadığı kimi kişilər də eyni deyildir və ola da bilməz,o zaman dünya yaşanası yer olmazdı. Əli-üzü düzgün kişilər və qadınlar dünyamızda mövcud olublar və hal-hazırda da yaşayırlar.ümid edirəm ki, içlərindən biri ilə tanış olmaq şansınız olar,təbii layiqsinizsə.

eynək taxmağın mənfi cəhətləri

illərdir eynək və linza taxan biri olaraq mən də bir neçə kəlam etmək istəyirəm
1) Linzadan eynəyə keçən zaman əşyaların sanki həqiqi ölçüsünü itirməsi (eynəklə əşyaları olduğundan daha kiçik, linza ilə olduğu kimi gördüyümü hiss edirəm)
2)Nömrə yuxarıdırsa əgər dənizdə, hovuzda çimə bilməmək
3)göz makiyajı edə bilməmək (onsuzda eynəkdən görünmür) ,
4) Ömründə eynək taxmamış birinin arada bir çıxar gözün dincəlsin deməyi (çıxaranda özümü idarə edə bilirəmsə heç taxmazdım da ala məndən çox bilirsən?)
5) axşam yatanda taxmırsansa bəs onda yuxunu necə görürsən hehehe tipli zarafatlara məruz qalmaq.
6) Bir dəfə taxmağa başlayandan sonra hər dəfəsində daha yüksək nömrəli eynəyə ehtiyac duymaq.

inside world's toughest prisons

dünyanın ən sərt həbsxanaları adlı bu Netflix sənədli serialında iki jurnalist hər bölümdə müəyyən ölkələrdəki ən sərt rejimli həbsxanalara gedərək orada bir neçə günlük könüllü məhbus olur , onların nə cür şəraitdə cəza çəkmələrini və həbsxanaların idarə etmə rejimini lentə alır. 1-ci sezonuna çəkilmiş bu könüllü şəxs Paul Connolly, 2-ci və 3-cü sezonlarına isə Londonda bir zamanlar törətmədiyi cinayətdən 12 il müddətinə həbs olunmuş Raphael Rowe çəkilib.

qrup yoldaşı

bu sifarişi verən: la jolie fille
Universitetə daxil olduqdan sonra ən az 4 ilinizi bir auditoriyada keçirəcəyiniz ,qrupunuzu əmələ gətirən təsadüfi yığılmış şəxslərdir. Nəyə görə təsadüfi deyirəm çünki ətrafımdakı tələbələrdən "elə bu universitet və ixtisası istəyirdim ,buna da qəbul oldum" sözünü çox az eşitmişəm. Çox rast gəlinən haldır ki, adam bildiyin bəxtəbəxt yazır və sənlə eyni ixtisasa düşmüş olur. içlərindən bəziləri ilə xasiyyətiniz tutur dostlaşırsız bəzilərini isə görməyə gözünüz olmur. Xüsusilə vor aləmindən dəm vuran qaqa tipli qrup yoldaşlarınızı hər gün görmək məcburiyyətində qalanda universitetə girdiyiniz günə az qala lənət də oxuya bilərsiz. universiteti bitirdikdən sonra nömrələrini sildiyiniz və əlaqənizi kəsdiyiniz insanlardır eyni zamanda. hə bir də lap 1-ci kursda hamı özünü dünyanın ən yaxşı insanıymış kimi aparan zamanlarda ad günlərinə tort almaq üçün pul yığılır ha onu verməyin böyük ehtimalla sənin ad günün çatmamış yığışılacaq o söhbət

--spoiler--

burdan bütün qrup yoldaşım olmuş şəxslərə demək istəyirəm ki, sizinlə qrup yoldaşı olmağıma heç şad deyiləm ,nömrələrinizi silmişəm hamınıza da nifrət edirəm.təşəkkürlər

--spoiler--

idiot

-spoiler-

Bu knyaz həqiqətən də idiotdur. Hal-hazırda sonluğu istədiyim kimi bitmədiyi üçün ona çox əsəbiyəm. Məlum səhnədə gözlərinin qarşısında iki qadın arasında tərəddüd edərmi adam? söhbət Nastasiya Filippovnadan gedirsə edərmiş... Amma mən həmişə onun Aqlaya ivanovnanı Nastasiya Filippovnadan daha çox sevdiyinə inanacağam.

-spoiler-

sosial şəbəkələr

içlərində ən təhlükəlisinin instagram olduğunu düşünürəm. artıq elə vəziyyət yaranıb ki, əgər instaya story atmırsan post paylaşmırsansa, like etmirsənsə elə bilirlər yaşamırsan. ya da maraqsız həyat yaşayırsan. sırf like almaq komment tutmaq üçün kim gəldi şəklini bəyənir komment yazır ki, sabah bu da qarşılığını versin. hansı ki, o adamdan xoşu gəlmir. ətrafımda o qədər var ki eləsi yolda görsə salam verməz amma instagramda yaxın dostlara salıb məni. bir də bunların küsən kimi story və postları səssizə atanları var hələ. əsas da instagram insanların gözəllik standartlarını dəyişdirir. çox adam baxır şəkilə ki çox gözəl xanımdı ya kişidi. mükəmməl üz cizgiləri, qüsursuz dəri fikirləşir görən niyə mən belə deyiləm. əslində bilmir ki normal olan özüdü. şəkildəki elə görsənə bilmək üçün nə qədər prosedurdan keçib və hətta yenə də tam razı deyil və şəkillərini shoplayır. hara getdiyini, ya gördüyü mənzərəni öncə dayanıb özü seyr etməkdənsə doğru rakursdan çəkənə kimi telefonu yerə salmır əlindən axı göstərməlidi ki bax buranı da gördüm mən.hərdən adamda belə fikir canlanır ki, bəzi insanlar doğrudan da həyatını instagram üçün yaşayır,əhvalı da aldığı like kommentlərdən asılıdı.

nərmin quliyeva

əmisi və əmisioğlunun çox şübhə çəkməsi yəqin ki, hamının diqqətindədir. xəbər saytları isə qatilin israrla qonşuluğunda yaşayan ilkin adlı şəxs olduğunu yazırlar. hətta özünə qapanmış və psixi problemləri olduğunu iddia edirlər. inşallah bu işdə əsl günahkar olan şəxs saxlanılmış olar.

zaur kamal

bir-iki gün əvvəl təsadüfən verilişinə* 5də5 (?) rast gəldim . bir neçə dəqiqə dayana bildim. aparıcıya qadın və kişilərin bərabərliyini müdafiə * verilişin mövzusu da o deyildi məncə etməyən aktrisa xanım * pərvin abıyeva sadəcə sevgilisiylə eyni hüquqa sahib olduğundan danışdı və əlavə olaraq gecə saat 12-dən gec evə gələ bilməz dedi. * gələrsə özünün də gecikmə haqqı olacağını vurğuladı bunları eşidən zaur bəy "onda səni alan(!) oldu" dedi. aktrisa xanım heç halını pozmadı fikirlərinizə hörmət edirəm dedi. davamında "səhv deyirsən o nə deməkdir ? kişi qadından üstün olmalıdır" deyə əlavə edərək zəka səviyyəsinin nə vəziyyətdə olduğunu xatırlatdı. şit şit gülməyə davam etdi. o gülüşdən sonra isə televizoru söndürdüm hələ də titrəyirəm.

miladi təqvimi

sifarişi verən: timidus
miladi təqvimi* və ya qriqori təqvimi dünyanın əksər ölkələrinin , o cümlədən azərbaycan respublikasının rəsmi təqvimidir. 4 oktyabr 1582-ci ildə qəbul olunub. yuli təqviminin yerinə papa xiii qriqori tərəfindən hazırlanıb. miladı tarixin başlanğıcı və dünyanın günəş ətrafında dövretmə müddəti olan 365 gün 6 saatı 1 il qəbul edib. müxtəlif tarixlərdə əvvəl avropada , daha sonralar digər ölkələrdə yayılıb. dünyada ən çox istifadə olunan, ən etibarlı və ən həssas təqvimdir. miladi təqvimi hazırlanarkən yuli təqviminə 10 gün əlavə olunub: 17 avqust çərşənbə günü , 27 avqust çərşənbə kimi qəbul edilib. təqvimi 1752-ci ildə qəbul edən ölkələr isə 11 gün əlavə ediblər. 2010-cu ildən isə yuli təqvimini miladi təqviminə çevirmək üçün 14 gün əlavə etmək lazım gəlir.
daha əvvəl yeni il 25 mart olsa da , miladi təqvimindən sonra 1 yanvardan hesablanmağa başlanılıb və * yuli təqvimində olduğu kimi 1 il 12 aydan ibarətdir. fevral ayı isə yuli təqvimindəki kimi 4 ildən bir 29 gün olub, lakin miladi təqvimində sonu iki sıfırla bitən və 400-ə qalıqsız bölünən illərdə fevral ayı 29 gün ola bilər. ümumilikdə isə sonu iki sıfırla bitməyən və 4-ə qalıqsız bölünən bütün illərdə fevral ayı 29 gün olur.

uşaqların ana dilindən çox türkcə danışmağı

əslində bunun iki səbəbi var:
1. azərbaycan dilində baxacaqları normal programın olmaması. uşaq açır televizoru bir kanalda toy göstərirlər, bir kanalda mənasız seriallar, digər kanal ilham əliyevi tərifliyir, o birisi çox bəyənilən filmi azərbaycanca dublaj edib baxıla bilməyəcək vəziyyətə salır. türklərin də mənasız serial və programları var sözüm yox. amma kifayət qədər çizgi film kanalları da var. bu kanallar uşaqlara nəyi isə öyrədir. hər şeyi yeni dərk edən uşağa saymağı, rəngləri , dostluğu nə bilim ağlınıza gələ biləcək hər yaxşı şeyi. * hamısı belə deyil təbii ki, amma böyük əksəriyyəti uşaq da onlara baxır və həmin şeyləri yaddaşına həkk edir həm də türkcə. davamlı həmin çizgi filmlərinə baxdığı üçün də zamanla türkcə danışmağa başlayır, bu qaçınılmazdır.
2. digər səbəbi isə valideynlərdir. onlar uşaqlarıyla məşğul olmurlar. ətrafı yeni dərk edən uşaqların suallarını cavablamaq yerinə daha asan yolu seçirlər. televizoru açıb uşağı oturdurlar qabağında. uşaqlar da türklərin mənasız, düşük və boş eşq seriallarını və programlarını izləyirlər və özlərinə örnək alırlar, türkcə danışmağa başlayırlar.
hər iki səbəbi də aradan qaldırmaq mümkündür bəli. amma bunu üçün çalışan varmı? yox.
edit: başlığı səhv başa düşənlər var deyəsən . burada söhbət türkcə öyrənməkdən getmir. gündəlik həyatda türkcə danışmaqdan gedir .

the intern

2015-ci il* amerika istehsalı komediya filmi. baş rolları anne hathaway robert de niro paylaşır. mövzusu : müvəffəqiyyətli bir şirkətin* moda məzmunlu internet saytı sahibi jules ostin* anne hathaway işçilərindən birinin təklifi ilə yeni stajçı programı hazırlayır. biraz yaşlı insanlara üstünlük verən bu programa ilk qatılan 70 yaşındakı ben whittaker* robert de niro olur. zamanla jules və ben arasındakı iş əlaqəsi dostluğa çevrilir.
filmin imdb xalı 7.2, rejissoru isə nancy meyers dir. şüarı : təcrübə heç vaxt köhnəlmir.

dylan o'brien

26 avqust 1991-ci il təvəllüdlü amerikalı ( nyu-yorklu ) musiqiçi , aktyor , rejissor. hələ 14 yaşında ikən youtube yə videolarını yerləşdirməyə başlayıb. 2011-ci ildə mtv-də yayımlanan teen wolf serialı ilə tanınıb. əvvəl scott mccall rolunda çıxış etmək istəsə də , sonradan fikrini dəyişərək stiles stilinski obrazını canlandırmaq qərarına gəlib.
ən yaxın dostu elə teen wolf serialında scott mccall rolunda çıxış edən tyler posey dir.
ilk filmi high road adlanır və 2012-ci ildə yayımlanıb.
2014-cü ildə isə the maze runner filmində baş rolda thoması canlandırıb. 2015- ci ildə davam filmi olan the maze runner: the scorch trials a çəkilib. seriyanın 3-cü filmi isə the maze runner: the death cure adlanacaq və 2018-ci ildə vizyona girəcək.

bakı 2015 avropa oyunları

idman azərbaycanın hələ də çörəyini yediyi elit idman yarışı. nə vaxt ki göstərməyə bir şey qalmadı avropa oyunlarının təkrar yayımı başlayır. yayımın 2045-ə kimi davam etməsi gözlənilir. o qədər göstərirlər ki, artıq yarışı əzbərləmişəm . evdəkilər baxanda spoiler verirəm. onlar üçün də marağı qaçır.

/ 20 »
Notice: Undefined variable: user_id in /var/www/soz6/sds-themes/vengeful-light/profile.php on line 1336


blok -   başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343