illanyez


61   0   0   0
illanyez 6.nəsil yazar
reytinq xalı: 45
karma xalı:-144
entry sayı:61
izləyənlər:0
sifariş sayı:3

son yazdıqları| | əl əməyi göz nuru| favori seçdikləri| favori seçilənləri| bütün entryleri| saxlanılanlar| lövhə/blog

qəbul imtahanına girəcəklərə tövsiyələr imtahana girdiz, sakitcə kitabçanı açın və gözücü baxın, göz gəzdirin. Sonra yavaş-yavaş ən yaxşı bildiyinizdən başlayın yazmağa. Çətin sualı keçin, sonra ən axırda o suala diqqət edin, məntiqlə biliyi qarışdırıb yazın. Özünüzə güvənin ki, yaxşı olsun
cəsusların xüsusiyyətləri Deməli, diqqətlə oxuyun. Əvvəl xarici saytdan, sonra da türk saytından oxumuşdum. Ümumilikdə mətnə də , özünüzə də ciddi yanaşın bu xüsusiyyətlərə. Hansı ki, bəzi özəl yerlərdə də bu halları hissə-hissə olsa da bildirirlər.

1-Danışdığın adamın ağzına baxma.
2-Qarşındakı adam danışarkən başqa şeyə fikrin dağılmasın.
3-Çox maraqlanan kimi görünmə, əks təqdirdə sənə sual verilməsinə səbəb olarsan.
4-Yuvarlaq cavablar vermə.
5-Ləhcə və qrammatikanı yaşadığın ətrafa, çevrəyə uyğunlaşdır.
6-Ləhcə fərqini uyğunlaşdıra bilməsən normal, ədəbi dil normalarına uyğun olaraq danış.
7-Vücud dilini yaxşı istifadə elə, qarşıdakı adam sözlərindən çox fikirlərini hərəkətlərinə verirsə otokontrolunu istifadə et, hərəkətlərini sərhədlə.
8-Sakit ya da həyəcanlı davranmağın lazım gələndə vəziyyətləri yaxşı analiz et.
9-Danışarkən lazıni periodlarla çevrəni izlə, qəribə olan hərəkətləri
hafizənə işlə.
10-Bir məkanda olsan her növ uyumsuzluğu izlə, restoranda yemək yeməyən ama uzun müddət orada oturan müştəri nümunəsi kimi fərqlilikləri izlə.
11-Danışdığın adamdan məlumat almaq məqsədi güdürsənsə özün haqqında məlumat vermə.
12-Özünlə əlaqədar məlumat verməyin lazım gəldikdə, maska hekayələrdən istifadə elə, hekayələrinin
tutarlı olmağına fikir ver.
13-Ola bildiyincə az maska hekayə istifadə et, her maska hekayə davam etdirmən gərəkəcək yalandır, mövzu uzadıqca daha çox yalan demək məcburiyyətində qalarsan. Ehtiyac yoxdur.
14- Qarşıdakı adamın güvənini qazandığını düşündüyün an daha iləri getmə.
15-Bir görüşmənin ən önəmli anı son dəqiqələridir, elədiyin bütün yaxşı işləri tək bir sözlə alt üst edə bilərsən, son dəqiqəyə qədər tutarlı davranmalısan.
16-Əgər yenidən görüşmə məqsədi güdmürsənsə, mövzunu bu şəkildə bağla, ikinci bir görüşmə gərəyi yaradacaq vəziyyətlərdən çəkin.
17-Geyim tərzin, büründüğün kimlik və xarakterlə təzad yaratmasın
18-Varsa maşınında, ya da çantanda daim eynək daşı.
19-Bağlı olduğun qurumun siyahısında qeydiyyatda olmayan heç bir telefon
nömrəsini səninlə əlaqə yaratmağı üçün qarşındakı insana vermə.
20-Görüşdüyüün insana aid bir telefon nömrəsi ya da ünvanı mütləq surətdə öyrən.
21-Qarşılıqlı görüşmələrdə siyasi məlumatlar ya da uzantılar haqqında çox
danışma, hər kəsin bildiyi qədər bildiyin kimi görünməlisən, elə vəziyyət yarat, elə iz burax.
22-Yaxın tarix haqqında çox danışma, mövzunu tarixi hadisələrlə örnəkləyərək ortaq dəyərlərdə uzlaşma vəziyyəti yarat
23-Dini mövzular haqqında yetərli şəkildə məlumat sahibi olduğunu lazım gələndə göstər amma əsla uc nöqtələrə toxunma. Ortaq dəyər qanunları, tolerantlıq və təməl islamı qanunlar çərçivəsinde görüş bildir.
24-Qarşındakı adam birbaşan siyasi fikrini desə, o fikrə təzad bəzi nümunələri
dilə gətir və bu örnəklət düzəltilərsə ona qatıla biləcəyini de, əsla sən səhvsən demə.
25Danışıqlarındalı səs tonunu vəziyyətə və danışılan mövzuya görə kontrol elə, səs
tonunun basqın rolu razılıq üzərində təsirlidir.
26-Yemək davəti olsa,sənə tövsiyə edilən yeməyi yemə.
27-Xalqa açıq məkanlar da edilən görüşlərdə əsas mövzuya əsla girmə,
qarşılıqlı otura biləcəyin bir məkan təyin elə.
28-Bir məkana girdiyində giriş qapısından əlavə, alternativ bir çıxış olub-
olmadığına diqqət et.
29-Şəhər xaricində sakit bir nöqtədə görüşmə təyin edilsə, məkana girərkən
çöldəki maşınların tiplərinə də diqqət et, uyğunsuzluqları və maşın nömrələrini hafizənə işlə.
30-Məkandakı adamları həm üz həm də fiziki olaraq incələ, o adamlardan hər
biri sənin üçün təhdid ola bilər, görüşmə əsnasında telefonun çalsa, zəng edən adamla əsla danışacağın şeyi danışma, əlaqəsiz mövzulardan bəhs edib görüşməyi yola ver.
31-Futbol danışıldığında mütləq surətlə milliyətcə Azərbaycanı olsaqda Türkiyə komandası Fənərbaxçalını seç, çünki ən çox fikir, rəy bildirilən komandadır.
32- Sənin istifadə etdiyin maşına minməsi gərəkdiyində maşının sənədlərini mütləq surətdə gözlə görülə bilməyəcək bir yerdə saxla.
33-Maşınında ortalığa kaset, cd ya da şəxsən özünə aid sənət ya da əşya qoyma.
34-Maşınında gərəkdiyində sərt istifadə etməkdən çəkinmə.
35-Tıxacda əsəbləşmə, qəribə vəziyyətlərdə reaksiyanı yanındakı adamla paylaş
36-Gecə yeməklərində içki içmə.
37-içki alası olsan, öz limitini bildiyini və aşa bilməyəcəyini panyatkalı şəkildə, yumşaqca bildir, qarşındakı adama ağır-ağır yoldaşlıq elə.
38-Yemək əsnasında baş dönməsi, tərləmə, dil sürüşməsi kimi qeyri-normal hadisələrin ipucuları olanda cibindəki o telefonunun budilnikini,xəbərdarlıq zənini zil səsinə alıb 3 dəqiqə
sonrasına qur və çalanda biri zəng edirmiş kimi davran, danışdıqdan sonra bir
yaxınının rahatsızlandığını və ya sənə ehtiyacı olduğunu deyərək icazə istə, sənə
yoldaşlıq etmesinə əsla icazə vermə.
39-Məkandan ayrıldıqdan sonra əgər vəziyyət gərgin olsa, ən yaxın xəstəxanaya
baş çəkməyi unutma.
40-Görüşlərdə zikr edilən adları ya da nömrələrri unutmamaq üçün bu ad və
nömrələri cib telefonuna başa düşüləcək vəziyyətdə qeyd et.
41-Görüşlərlə əlaqədar sənədlərdə əlavə etdiyin məlumatın səni daim bağlayıcı bir
ünsür olduğun bil.
42-Əgər rəhbərlərindən təsdiq ala bilmədiyin ya da məlumat vermə şansının olmadığı vəziyyətlərdə (təsadufən qarşılaşma kimi ) mövzuyla əlaqədar yeni xəbərləri dinlə ancaq doğru
girişin nə olduğu xüsusunda fikir sahibi olmasan, sənin tərəfindən hələ bir
məlumat olmadığını deyərək mövzunu bağla.
43-Üçüncü şəxslər yanınızda olsa əsla danışmaq imkanı vermə, ilk sözü sən de
və qarşıdakında danışmaq istəmədiyini daha ilk sözünlə sözaltı bildir.
44-Uzun görüş və mübahisələrdə ən çox danışan sən olma.
45-Uğursuz olacağını anladığın anda sərhədləri zorlama, bu səni xətaya sövq
edər.
46-Rəhbərlərinə müsbət və ya da mənfi cəhətləri bildirəndə mövzular içində seçici
olma bu seçimi ya da dəyərləndirməyi etmək rəhbərlərinin işidir.
47- Var oluş məqsədinin müqəddəs dəyərlərə dayandığı həqiqətini hər an xatırla.
soyuqqanlı olmaq Əslində çox yaxşı bir extra xasiyyət. Xasiyyət deyə bilərik, çünki zamanla bu insanda bir xüsusiyyət halını ala bilər. Çox vaxt məni qınayırlar bu soyuqqanlılığa görə. Amma hamıya qarşı elə bir mövqedə dayanmıram. Yaxın və uzaq məsələsi var. Eqo ilə bərabər soyuqqanlılıq olsa, daha məqsədəuyğundur.
zahid oruc Bu gün Milli Məclisdə birbaşa Artur Rasizadəyə müraciət edərək, ürəkli şəkildə çıxış edib və eynən bu sözləri deyib; “Artur müəllim, mən və həmkarlarımızın hamısı sizdən dürüstlük görüb. Siz prezidentə, xalqa, dövlətə sadiqlik nümayiş etdirmisiniz. Bəs, siz bu vəzifədən nə zaman gedəcəksiniz? Bunu prezident bilir. Amma növbəti baş nazir sizin xüsusiyyətlərinizi özündə birləşdirsə, sizin kimi səmimi olsa, yaxşı olacaq”.
surət hüseynov 1992-ci il tarixində Azərbaycanın Milli Qəhrəmanı adı verilən, sonra isə o təltifi ləğv olunan şəxs. Gəncədə doğulub. Qarabağ müharibəsində və döyüşlərdə iştirak edib. Böyük uğurlar qazanmışdır. Lakin sonra Rövşən Cavadovla birgə çevrilişə cəhd etdilər, dövlət əmlakına zərər vurdular. Və nəhayət Azərbaycanı tərk edən Surət Hüseynov 1997-ci ildə Rusiyada saxlanılaraq Azərbaycana gətirilib və 1999-cu ilin fevral ayında məhkəmənin qərarı ilə ömürlük həbs cəzasına məhkum edilib.2 övladı var.
2004-cü il martın 17-də ali baş komandan cənab ilham Əliyevin əfv fərmanı ilə həbsdən azad olunub. indi ya Bakıdadır, ya da Türkiyədə.
cavid qurbanov Azərbaycan, Milli Məclisinin deputatı, "Azərbaycan Dəmir Yolları" Qapalı Səhmdar Cəmiyyətinin sədri, Azərbaycan Voleybol Federasiyasının prezidenti və ən əsası Yeni Azərbaycan Partiyasının üzvü.
Əslən Kəlbəcərdəndir. Savadlı mütəxəssis və hakimiyyətdə yaxşı kadrdır. Bunu o Dəmir yolları'na rəhbər gəldikdən sonra görə bilərsiniz. Çox inkişafa diqqət yetirir və bunu da edir. Bu yaxında müsahibəsini oxudum, ölkəmizə milyonlarla əlavə gəlir gətirəcək layihələr üzrə çalışırlar. Xeyirlisi olsun.
şahin mustafayev Şəxsən, bilavasitə yerlim olan nazir. Sağolsun, həqiqətən əvvəl çox yaxşılıqları dəyib.
şəmkir Əhalisinin çoxusu Rusiyada olan rayon.
oruc tutmağın tarixi Ümumilikdə kökü,mənbəyi çox qədimə gedən bir ibadətdir. Günəş kultuna sahib bütpərəstlərin ibadətlərindən biri də oruc olub. Namaz vaxtlarını günəş vaxtı ilə təyin etdikləri kimi oruclarını da günəşin doğuş və batışına görə təyin edirmişlər. Orucun başlanğıcı belə səmavi dinlərdən olan islam dinindəki kimi Aya görə təsbit edilirdi. Eynilə, bu günki müsəlmanlar kimi, ayı görmək üçün növbətçi heyətlər belə qurulurdu. Məhəmməd peyğəmbərin başçılığı ilə islam dini yaranmamışdan, təbliğdən əvvəl də ərəb paqanlarının maraqlı adət-ənənələri var idi.

Qədim dinlərində oruc, xüsusilə, rahiblərin Tanrılara yaxınlaşmağa hazır olmalarını təmin etməyə yarayan bir yol idi. Ellinizm dövrünün inanclarına görə, Tanrılar bir sıra müqəddəs təlimləri ancaq oruc tutan şəxslərə vəhy yolu ilə göndərərdilər. Bəzi qədim mədəniyyətlərdə isə oruc, hirslənən Tanrıları təskinlik etmə kimi məqsədlərə yönəlmişdi. Bütün dinlərdə, müəyyən zamanlarda oruc tutma ənənəsi vardır. Deməli bu Budda rahibləri, yenə müəyyən günlərdə oruc tutaraq günahlarını etiraf edərək, təmizlənəcəklərinə inanarlar.
qarabağ müharibəsi istəyən insan Vətənpərvər insandır. Bəziləri deyir kimə görə, nəyə görə? Bu absurd cümlədir. Birincisi; o torpaqlar bizimdir. Dağlıq Qarabağ əzəli Azərbaycan torpağıdır. Bizim ulu babalamızdan orada yaşayanlar olub, orada böyüyüb, boya-başa çatıb, sonra isə çoxusu çox sevdikləri ərazilərini tərk etmək məcburiyyətində
qalıb. Çünki o vaxtı bu millətə yiyə çıxan demək olar ki, yox idi. Ümumilli lider Heydər Əliyev üçün "Xalqımızın dahi oğlu" deməkləri əbəs yerə deyil. Adicə 1990. 20 yanvar gününün sonrası çıxış edib, O qətliamı kəskin sürətdə tənqid etmişdi. Bu elə belə şey deyil. Hər adamın başı üçün deyildi onu demək. ikincisi; bir söz var. Əgər bu münaqişəni bizim nəsil həll etsə edəcəyik. Və inanıram ki, edəcəyik. Yox, əgər biz etməsək o biri nəsil. O da etməsə o biri. Amma unudulmayacaq.
Bəziləri deyir ki, hər dəfə gül kimi oğullar havayı şəhid olurlar. Kimə görə? Təbii ki, bizə görə.

Dağlıq Qarabağ problemini sülh yolu ilə həll etmək olar. Amma bu sülhdən sonra erməni milləti elə bilirsiz ki, razılaşacaq? Yenə təxribat törədəcəklər. Amma müharibə ilə alınca kökündən həll olacaq. Amma ki mənim sözüm siz də təbəssüm oyada bilər. Başqa ölkələr də qarışa biləcək. Təhlükəli məsələdir amma, qorxmaq Azərbaycanlılara yaraşan iş deyil!

Bilirsiz necədir? Ümumilikdə "şəhid olanlar" sırf şəhid olaq deyə "şəhid" olmurlar. Onlar öz sevdiklərini, əzizlərini, yurdlarını qorumaq üçün şəhid olur, qəhrəmancasına vuruşurlar. Azərbaycanda belə onminlərlə igidlər var. Bəli, çoxusu hərbidədir. Ya da hərbi akademiyada oxuyub, özünü təkmilləşdirir. Çoxusu da sadə insanlardır. Nəysə.

Dağlıq Qarabağ münaqişəsi Azərbaycanın sanki bəlasıdır. Mənfur ermənilərin, daha doğrusu ermənistan hökumətinin, rəhbərliyinin vəhşiliyi idi. Ali Baş Komandanımız ilham Əliyev də bunu hər dəfə qeyd edir. Çoxusu ağzı isti yerdə danışır ki, guya prezident istəsə 7 gündə həll edər, amma özü etmir. Bu sözü normal düşüncəli adam deməz. Bu məsələ çətin məsələdir. Prezident ilham Əliyevin rəhbərliyi altında bu iş həll olunsa, əlbəttə ki, bütün dünyanın gözü onda olacaq. Hər şeyə hazır olmalıyıq
zakir həsənov Dünən gecə saatlarında TalışGülüstan istiqamətlərində düşmənin kəşfiyyat-diversiya qrupu təxribat törədərkən cənab nazirimiz, general-polkovnik ön cəbhədəki bölmələrimizi yoxlayıb. Elə dünən axşam.. Həqiqətən də Zakir müəllim öz işini layiqincə görür
adolf hitlerin əslində həyatda olması Ola bilsin ki, həmin il öldüyü güman edilən vaxt ölməyib. Qaçıb, canını qurtarıb. Amma bu indi onun yaşadığı mənasına gəlmir. Güclü şəxsiyyət olub deyə 150 il daha yaşayası deyil ki. Amma dəqiq, özü dəfn olunduğu yeri bilmək çox maraqlı olardı.
zamanla geridə qaldığı üçün darıxılan şeylər Xüsusilə 2000-2005-ci illər arası.. Çox mükəmməl vaxtlar. Sanki günəşin doğuşu, ayın işığı, hava belə fərqliydi o vaxtların. Bəzən darıxar insan.. Düşüncəyə gedər. O vaxtlara səyahət olsa.. Kiçik bir gülümsəmə.. Sonra isə bunun mümkün olmadığını və gələcəyə doğru baxmalı olduğunu anlayarsan. Şirin xatirələrin qiyməti bilinməlidir.
öz həyatını məhv etmə səbəbləri "Xalq, millət görəsən nə deyər buna" fikri, düşüncəsi ilə yaşamaq.

Xüsusilə keçmiş düşüncəli insanların indiki zəmanədə gənclərə aşıladığı fikir. Beyin altı soxurlar bu sözü. Mən fikirləşirəm ki, sovet ideologiyasının təsiridir. Yaxşı, demirəm aç özünü, burax meydana. Yox. Amma öz istədiyin kimi yaşa. O zaman həyat gözəl alacaq insana. Ümumiyyətlə bu həyatda kiməsə görə özünü nədənsə məhrum etməyə, məhv etməyə dəyməz, heç cür. Zəmanəmizdə belə insanlar çoxdur. Xüsusilə şərqdə. Buna da çarə tapılacaq.
şeirlərin ən can alıcı misraları "Ax, necə kef çəkməli əyyam idi.
Ondaki övladi-vətən xam idi…"
Rüşvət alırdıq azı-az, çoxu-çox.
Puldu, qızıldı, ya da şey, fərqi yox.
Əmr eləyirdik cibi tox, qarnı tox.
indi nədir? Qoyma-haray, qorxhaqorx,
Xalqa ağır gün, bizə bayram idi.
"Ax, necə kef çəkməli əyyam idi".
məhəmməd peyğəmbər #240843 nömrəli entryə əlavələr etmək istəyərdim.

Həqiqətən Məhəmmdə ibn Abdullah rəsmən peyğəmbər olmasa belə çox hörmət ediləcək bir şəxsdir. Onun müsbət cəhətdən etdiyi çox inqilab və dəyişiklikləri var. (Ətrafı üçün) Açığı Məhəmməd bu yola başlayanda o Ərəb imperiyası, xilafəti qurmaq fikri yox idi. Mal, mülk də yığmaq fikrində deyildi. Çünki əvvəllər də imkanı var idi. Onun bir məqsədi var idi; o da ki ətrafdakı insanları adam etmək. O məqsədlə yola çıxdı.

Quran adlı bir kitab var. Hansı ki, müsəlmanların ana kitabı kimi baxdığı, qeyri-müsəlmanların isə Məhəmmədin yazdığı deyə adlandırdıqları bir kitab. Bu Quran həqiqətən də şeir kimidir. Axıcıdır. Nəysə.

Orada bir surə var ki, Məhəmməddən sonrakı xəlifələr haqqında əvvəlcədən məlumat verir. 4 xəlifəyə də əvvəlcədən işarə edir. Qədim dünya tarixində də keçmisiniz. Məhəmməd bunu heç vaxt bilə bilməzdi. Özü də şiələr Məhəmməddən sonra Əli ibn Əbu Talib olmalıydı deyirlər. Amma ƏbuBəkr, Ömər, Osman və Əli olur. Deməli elə söz deməyib Məhəmməd. Özü də simvollarla işarə. Fəth surəsi, 29-cu ayət.

"Məhəmməd, Allah'ın Rəsuludur. Onunla bərabər olanlar, (Əbu Bəkr) inkarçılara qarşı çətin, (Ömər) bir-birlərinə qarşı da mərhəmətlidirlər. (Osman) Onların, rüku və səcdə halında, Allah'dan lütf və xoşnutluq istədiklərini görürsən. (Əli) Onların səcdə əsəri olan əlamətləri üzlərindədir."

Həqiqətən də Əbu Bəkr həmişə Məhəmmədin yanında olub. 622-ci il, hicrətdə də Məhəmmədin yanında olub Məkkədən çıxanda. Ömər ibn Xəttab da sərt adam olub ümumiyyətlə. Hələ fikirləşin, inanmayanlara qarşı necəymiş. Osman ibn Əffanda çox təvazökar insan olub. Və Əli ibn Əbu Talib də çox namaz qılan olub. Səcdədən də gec qalxarmış.

Tam ardıcıllıqla xəlifələrə işarə etməsi həqiqətən də ecazkardır. Yəni bunu Məhəmməd bilə bilməz ki, özümdən sonra kimlər olacaq xəlifə. Və belə daha çox sirli ayələr var. Yuxarıdakı entrydə də yazılıb.

Məhəmməd o dövrə baxanda dahi bir şəxs olub. Yaxşı insan, ədalətli hökmdar, öz ordusunda mərhəmətli komandan. Bir hadisə var. Məkkənin fəthindən sonra Məhəmmədə biət eləməyə gəlirlər. Müsəlman olmağa gəlirlər. Ora bir adam gəlir. Məhəmmədin hüzuruna gəlir. Və "Məhəmməd, mən sənin peyğəmbərliyini qəbul etməyə gəldim. Amma bir problem var" deyir. Məhəmməd isə problemin nə olduğunu soruşur və aydınlaşdırmaq istəyir. Adam deyir ki, "mən sizi üzəcək, ciyərinizi parça-parça edəcək bir şey etmişəm. Mən sizin qızınız Zeynəbin Məkkədə atdan (yaxud dəvədən) düşürtdürülüb, körpə uşağının düşməsinə (hamilə idi) səbəb olan adamam. Qızınıza əl qoyub, ona pislik etməyi məqsəd qoyan qrupun lideriyəm mən Cabbar.. Nə deyirsiz? Məni bağışlayacaqsız? Mənə bir çıxış yolu varmı?" Bildirilir ki, bu son cümləni deyəndə onun yanındakı səhabələr əlini qılıncına saniyəsində uzadır. Çünki o Zeynəb xəbəri Mədinədə eşidiləndə, yayılanda Ömər ibn Xəttab kimi səhabələr and içiblər ki, "O Məkkənin örtüsünə yapışmış olsa belə onu öldürəcəyik." Bu artıq həqiqətən cinayət deyil, Məhəmmədin iffətinə bir hücum idi yəni. Məhəmməd adama baxıb; "Sən o'sanmı? Müsəlman mı olacan?" O da deyir ki, "Müsəlman olmaq istəyirəm." Məhəmməd də, "Onda de ki, Allah bir, Məhəmməd onun rəsuludur." Adam deyir. Sonra Məhəmməd qayıdıb adama "indi qalx, get burdan" deyə ifadə işlədir. Adam da başını sallayıb gedir ordan. Sonra Ömər əsəbi vəziyyətdə Məhəmmədin qabağında bütün heybətilə diz çöküb deyir ki, "Sən necə icazə verərsən bu adama?! Sən bir qaş-göz hərəkəti eləsən idin,bunu ikiyə bölərdik!" Məhəmməd də orda Ömərə əsəbləşir ki, "Xəttabın oğlu. Peyğəmbər qaşla gözlə hərəkət eləməz!"

Yəni bir fikirləşin. Onu buna nə vadar edir ki? Biz olsaq onu məhv edərik bəlkə də. Bizim qəlbimizi yaraladan hadisənin banisini ən azı məhkəməyə çıxartırıb, buna hökm oxuyun demərik mi? Deyərik. Amma Məhəmməd demədi. Ümumiyyətlə çox qəribə adam olub Məhəmməd.

Din uydurduğuna inanmıram mən də. Amma bu sahədə araşdırmalarımı davam etdirirəm..
1 2 3 4 5 6 7 8 9 10 11 12 13 14 15 16 17 18 19 20