charlie austin

2012-ci ildə burnley fc forması geyərkən bbc-yə verdiyi reportajdan: "əvvəllər səhər saat 6-da oyanardım. mavi rəngli köhnə pick-up'ımla bournemouth-dan kərpic işçisi kimi işlədiyim basingstone'a getmək 1 saat vaxtımı alırdı. yağan dolulara görə qış aylarında işləmək çox çətin idi. əgər həftə içi oynayacağım oyun var idisə atam işdən 1 saat tez çıxmağa icazə verirdi. o 1 saat ərzində evə qayıdar, çantamı yığar, futbola gedərdim. bütün formalarım, butslarım o pick-up'mın arxasında qalıb palçığa bulaşardı. çətin günlər idi..."

qeyd: həmin sezon 18 oyunda attığı 20 qolla professional liqalarda messi və ronaldo'nun ardından bu statistikaya çatan 3-cü futbolçuydu charlie austin.

bir çox futbolçular (yəni böyük uğur əldə etmiş futboçular) kariyeralarına hansısa bir klubun kiçik yaşlı yığmalarında başlayıb daha sonra 1-2 klub dəyişərək zirvəyə qalxıblar. ancaq charlie austin sözün əsl mənasında sıfırdan zirvəyə qalxmış futbolçulardandı. belə ki...

ingiltərə liqasında sistem 4 professional liqadan ibarətdir: premier league, championship, league one, league two. bu 4 liqadanın altındakı digər 2 liqa; conference north & conference south isə semi-professional yəni yarı-professional kimi bilinir. bunlardan altdaki daha 2 liqa isə sponsorların adını daşıyan liqalardı, 8-ci sıradan isə liqalar tamamilə həvəskər liqalar olaraq bilinirlər.

charlie austin'in kariyerası 10-cu liqa klubu kintbury rangers’dan başlayır. google'da axtarıb austin'in doğrudan da haralardan gəldiyinə inana bilərsiniz. burada 28 oyunda vurduğu 21 qolla hellenic division'dan hellenic premier division klubu olan hungerford town klubuna transfer olur, yəni 10-dan 9-a. bir sezon hungerford town forması geydikdən sonra eyni liqadakı poole town klubuna transfer olur, burada isə 46 oyunda 46 qol vurur. artıq bilinən bir futbolçuya çevrilən charlie austin'i bournemouth fc klubu transfer etmək istəsə də transfer qadağaları olduğundan bu baş tutmur və austin 1 sezon daha poole town forması geyinir. yeni sezonda ilk 11 oyunda 18 qol vuran austin böyük sıçrayış göstərərək 6 liqa birdən "tullanaraq" 9-cu liqadan 3-cü liqa klubu swindon town klubuna transfer olur. bu onun kariyerasındaki ilk professional klubdu. swindon town həmin sezon austin'in də sayəsində championship play-off'larına qalır, ancaq millwall'a qarşı oyunda 1-0 məğlub olurlar. çox keçmir, 8 ay sonra austin championship klubu burnley'ə transfer olur və 10-cu liqada başlayan hekayə 2-ci liqada davam edir. burnley'də ard-arda 8 oyunda qol vuraraq 1958-ci ildən bu yana qırılmayan klub rekordunu qırır, daha sonra klub tarixindəki ən tez 20 qola çatan ilk futbolçu adını qazanır. tək hədəfi premier league olan austin üçün hull city "elçi" düşür, amma tibbi müayinələrdən uğurla keçə bilmədiyinə görə bu transfer alınmır. bunu görən qpr'ın baş məşqçisi harry redknapp cəld hərəkət edərək charlie austin'ə queens park rangers forması geyindirir. premir league üçün bir sezon daha gözləməli idi, çünki qpr həmin sezon championship'də idi. play-off'da wigan'a qarşı 2 qolu vuraraq qpr'ı final oyunu üçün wembley'ə aparan adam da austin idi. finalda zamora'nın qolu ilə premier league'ə çıxan qpr, charlie austin üçün də zirvə nöqtəsi olmuşdu. 10-cu liqadan başlayan kariyera nəhayət 1-ci liqada çatmışdı. həm də sırf əmək-əziyyətlə...

marko ivkoviç

21.11.2014 tarixində Galatasaray Liv Hospital - Crvena Zvezda (KızılYıldız) euroleague oyunundan öncə Abdi ipekçi idman Kompeksi önündə Galatasaraylı azarkeş(lər) tərəfindən öldürülən serbiyalı azarkeş.

idman oyunlarında bu qədər holiganizm, insan öldürmək təkcə mənə yox bir çox insana çatmayan bir şeydi, ancaq bunun qarşısını da almaq elə asan məsələ deyil. Hələ ki bu ölkələr Şərqi Avropa ölkələridirsə lap betərdi.

Galatasaraylıların sosial mediyada öldürülən gənc haqqında iyrənc şərhlərini gördükdə insan daha da pis olur. Türklərə görə irqçilik sadəcə qara dərili birinə "zənci" demək mənasına gəlir, amma öldürülən bir insan haqqında milliyəti serbdi deyə belə iyrənc şərhlər yazmaq, dilinə gətirmək daha betər irqçilikdi.

Qısacası UltrAslan deyilən əslində Ultras mədəniyyətini özündə cəmləyə bilməyən, yalandan atdanıb düşən bu azarkeş topluluğu Avropada yaşayan türklər üçün necə bir çətinlik yaratdığının hələ də fərqinə varmayıb deyəsən. UltrAslan'ı keçdim Galatasaray basketbol klubunun baş məşqçisi Ergin Ataman'ın Serb azarkeşlərə terorist bənzətməsi etməsi işi daha da mürəkkəbləşdirən ən başlıca səbəblərdəndi. Görün bu insan nə qədər savadsızdısa söylədiyi cümlənin nələrə gətirib çıxaracağını başa düşmür. Serbiya və Kosovada yaşayan yüzlərlə, minlərlə türkün başına gələcək hər bir hadisənin başlıca səbəbi Ergin Atamandır. Serbiya baş naziri artıq Ergin Ataman'ı Serbiyada istənməyən adam olaraq bildirib.

Serbiyalı azarkeşlər də indidən nifrət qusmağa başlayıblar...

Borac - Velez qarşılaşmasında "Türkləri öldürün!" deyə qışqırırlar: https://www.youtube.com/watch?v=1Y1x3P4EpGs

Belqradda "Kim daha tez türk qanını tökəcək" deyirlər: https://pbs.twimg.com/media/B3D4OZ9CYAALW6z.jpg

volkan demirel

əslində türklər demiş bu ortamı yaradan futbolçulardan biri olsa da elediyi hereketin düz olduğunu düşünürəm. nəticədə bu sadəcə bir futbol oyunudu, hər dəfə bu insanların anasına, həyat yoldaşına söyüşlər söymək nə qədər düzgündü? təbii ki, hər derbidən sonra "koyduk mu?" deyib azarkeşləri qaza gətirən də elə volkan'ın özüdü və bunların olacağını çox yaxşı bilir. mənə maraqlı olan isə niyə hər dəfə tt arenada oynanan oyunlarda belə şeylər baş verir? təsadüf (!). kadıköydə oynanan estoniya oyununda fenerlilər selçuk inan'ı alqışlayıb, dəstək verirdi, indi də baş məşqçi fatih terim olmasına baxmayaraq kadıköydə oynanan oyunlarda heç bir neqativ hərəkət olmur. ne vaxt türk futbolsevərlər tt arenada oynayan milli komandanı galatasaray, fenerlilər də kadıköydə oynayan millini fenerbahçe görməyəcəksə onda bütün bunlar az da olsa yox çıxar deyə düşünürəm...