Sözaltı Sözlük - Azərbaycandilli Fikir Ensiklopediyası

+150

stolipin çar rusiyası dövründə nazirlərdən biri idi, və əsas da aparıcı adam idi. tarixə stolipin islahatları adı ilə də düşmüşdü. amma bu islahatların bir qara tərəfi də var idi ki, o çoxlu insanlar öldürürdü. stolipin qalstuku isə onun qərarı ilə boyunlara keçirilmiş edam ipinə deyilirdi. (bax: qəribə deyimlər)

edip | mədəniyyət

+3469

Yunan mifologiyasında atasını bilmədən öldürərək * öldürdüyü adamın öz atası olduğunu bilməyib və anası ilə evlənmiş Thebes kralı.

Rəvayətə görə, edipin atası louis gələcəkdə oğlu tərəfindən öldürüləcəyi haqqında xəbərdarlıq alır. Buna görə oğlu edip doğulan zaman onu cithaeronda ölümə tərk edirlər. Lakin çobanlardan birinin uşağa yazığı gəlir və öz övladları kimi böyüdürlər.
Edip Thebesə gedən zaman yolda atası louis ilə qarşılaşır və onu öldürür. Thebes yolundakı sfinks insanlara suallar verir, cavab verə bilməyənləri öldürürmüş. Edip bütün suallara cavab verdiyindən, sfinks özünü öldürür. Edip thebesə gələrək özünü kral elan edir və dul qalmış anası ilə evlənir* Anası olduğunu bilmədən . Homerin dediyinə görə, edip həyat yoldaşının əslində anası olduğunu öyrəndikdən sonra özünü asmışdır.
Edip anasına qarşı olan istəyi və onunla evlənməsi ilə Freudun edip kompleksi anlayışına da ilham olmuşdur.

yamayka valyuta sistemi | iqtisadiyyat

+8188

bretton vuds valyuta sistemi çökdükdən sonra 1976cı ildən bu sistem fəaliyyət göstərirdi. yamayka valyuta sistemində qızıl rəsmən pula çevrilmə funksiyasını itirdi. yəni qızıl demonetizasiya olundu. amma dövlətin ehtiyatı kimi saxlamaq olar. məsələn bizim ölkə də keçən ildən çoxlu qızıl ehtiyatı yaratdı.
zaman-zaman bu sistemə də dəyişikliklər edilməyə başlandı.
valyuta problemləri üzrə qarşılıqlı təsir və məsləhətlər yolu ilə beynəlxalq valyuta əməkdaşlığına yardımçı olmaq

dünya ticarətinin balanslaşdırılması və gücləndirilməsi üçün yaxşı mühitin yaradılması
rəqabətə çağıran valyutanın devalvasiya olunmasından qaçmaq
valyuta üzrə qarşılıqlı münasibətlərin möhkəmləndirilməsinə tərəfdar olmaq, valyuta kursunun sabitliyinə köməklik etmək
dünya ticarətinin inkişafını nəzərdə tutan, valyuta mübadiləsində məhdudiyyəti aradan qaldırmaq və çoxtərəfli ödəmə sisteminin yaradılmasına köməklik göstərmək
milli və beynəlxalq səviyyədə inkişaf üçün dağılma tədbirləri tətbiq etmədən üzv olan ölkələrə onların ödəmə balanslarında düzəlişlər edilməsi üçün müvəqqəti əsasda maliyyə vəsaiti vermək
üzv olan ölkələrdə beynəlxalq ödəmə balansları üzrə qıtlığın miqyası və davam etməsi ixtisar edilsin,beynəlxalq valyuta münasibətlərində ölkələrin əxlaqını və beynəlxalq valyuta sisteminin vəziyyətini müşahidə etmək,qısa və orta müddətə kreditlər vermək və sə bunlara daxil idi.

kitsch | etimologiya

+8051

milan kunderanın lüğətində yerini alan, sadəcə görünənlə, görünənən arxasında görmədiyimiz bəsit reallığın açmasıdır.

ikinci dünya müharibəsinin qızğın vaxtlarında, stalinin oğlu almanlara əsir düşür. paralel olaraq isə almanların hər hansısa generalı stalinin əlindədir. alman tərəfi sovetlərə qarşı açıq oynayır: gəlin stalinin oğluyla generalımızı dəyişdirək.
lakin stalin sentimental davranacaq qədər axmaq deyil və sıravi əsgər olan oğlunu, əlində tuttuğu generala, rütbələrə dəyişdirmir. uzun sözün qısası olaraq isə stalinin oğlu (artıq ona misal olaraq yuri deyəcəm) almanların əsrləri arasında qalır.
əsirlər hər gün müxtəlif işlər görürlər. o işlərdən biri də özlərinin və almanların sıçtığı poxları tuvaletdən təmizləməkdir. lakin yuri bunu qəbul etmir, hər nə də olsa stalinin oğlu olduğu reallığını əlində saxlayaraq, pox təmizləməkdən qaçınır.
yurinin üstünə gəlinməyə başlanır. o isə bütün basqılarla bacarmayaraq, bir dəli kimi, qışqıra qışqıra elektrik stansiyasına tərəf qaçır və tellərin arasına ilişərək, yüksək voltun köməkliyiylə ölür.
kundera isə yurinin ölümünə belə münasibət bildirir: stalinin oğlu pox yolunda öldü!
ən bəsit mənasıyla kitsch budur.
kitsch, insan varlığını bütündən ayıran hər şeydir: sıçdığımız pox qəbul edilən bir şeydir (ona görə də sıçtığımız vaxt qapını bağlamayaq ya da varlığımız natamamdır.) kitsch biraz da budur, hamının poxsuz və sıçmadığı bir dünyada yaşadıqlarına, hər kəsi inandırması.
kitsch unudulanla varolanın arasında bir yerlərdədir. hamımızı bir gün ona çevirəcəklər.

millətçi vs milliyətçi | fəlsəfə

+9871

Tarixi müəyyən şərtlərin təsirilə milliyyət halından millət halına gələn topluluqların müstəqil bir dövlət qurmaq və ya istilaya uğrayan vətənlərinin istiqlalını geri almaq uğrunda mücadilə edənlərə mütləq Avropa terminlərilə bir ad lazımsa, bunlara milliyyətçi – nasionalist deyil, millətçi – patriot, hərəkatlarına da milliyyətçilik – nasionalizm deyil, millətçilik – patriotizm demək lazımdır!
Məmməd Əmin Rəsulzadə -"Milli Birlik" səh.32 link

patriot sözünü "vətənpərvər" şəklində tərcümə etmək yanlışdır. söz qədim yunanca olub, kökü "nəsil, soy, tayfa" mənasındakı πᾰτρῐᾱ́ (patriā́) sözüdür.
sifarişi verən: Derek

stolipin qalstuku | tarix

+150

stolipin çar rusiyası dövründə nazirlərdən biri idi, və əsas da aparıcı adam idi. tarixə stolipin islahatları adı ilə də düşmüşdü. amma bu islahatların bir qara tərəfi də var idi ki, o çoxlu insanlar öldürürdü. stolipin qalstuku isə onun qərarı ilə boyunlara keçirilmiş edam ipinə deyilirdi. (bax: qəribə deyimlər)

edip | mədəniyyət

+3469

Yunan mifologiyasında atasını bilmədən öldürərək * öldürdüyü adamın öz atası olduğunu bilməyib və anası ilə evlənmiş Thebes kralı.

Rəvayətə görə, edipin atası louis gələcəkdə oğlu tərəfindən öldürüləcəyi haqqında xəbərdarlıq alır. Buna görə oğlu edip doğulan zaman onu cithaeronda ölümə tərk edirlər. Lakin çobanlardan birinin uşağa yazığı gəlir və öz övladları kimi böyüdürlər.
Edip Thebesə gedən zaman yolda atası louis ilə qarşılaşır və onu öldürür. Thebes yolundakı sfinks insanlara suallar verir, cavab verə bilməyənləri öldürürmüş. Edip bütün suallara cavab verdiyindən, sfinks özünü öldürür. Edip thebesə gələrək özünü kral elan edir və dul qalmış anası ilə evlənir* Anası olduğunu bilmədən . Homerin dediyinə görə, edip həyat yoldaşının əslində anası olduğunu öyrəndikdən sonra özünü asmışdır.
Edip anasına qarşı olan istəyi və onunla evlənməsi ilə Freudun edip kompleksi anlayışına da ilham olmuşdur.

outlast 2 ★ wiki | oyun

+8727

Bir vaxtların çox populyar olan "outlast" oyununun davamı olan "outlast 2" ilk oyun qədər sevilmədi, səbəb isə İnsanların bu oyunla əvvəlki oyun arasında əlaqə qura bilməməsi idi,"outlast" oyunlarında hekayəni anlamağın yeganə yolu məktubları yığıb oxumaqdır, bunu etməsəniz, oyun qaçdı-tutduqdan və gizlənqaç ibarət olur. eynisi ikinci oyuna da aiddir.
yazının davamında spoiler var:
blake və jurnalist yoldaşı lynn "jane doe cinayəti"ni araşdırmaq üçün helikopterlə bir qəsəbəyə gəlirlər. cinayətin məzmunu isə belə idi : hamilə qız ölüb ya da öldürülüb. lakin pollis məsələnin üstünə düşmür. blake ve lynn helikopterdə olarkən blake-in yadına köhnə sinif yoldaşı düşür. burda da bir cinayət məsələsi var. bu cinayət məktəbdə baş tutur, müəllim blake və lynn-in sinif yoldaşı olan jessicaya( o, evdə də şiddətə məruz qalırdı) təcavüz edir. blake qızın meyidini tapır və hər şeyi başa düşür, lakin bunun üstünü heç vaxt açmır. müəllim isə qızı asıb bu hadisəni intihar kimi göstərir. cinayətin daha detallı halını oyunun məktəbdə baş verən hissələrində görürük.
helikopterdə uçarkən ani bir ağ işıq dalğasına məruz qalırlar və qəzaya düşürlər. pilot vəhşicəsinə öldürülür. lynn isə oğurlanır. blake ətrafı gəzib qızı axtarmağa başlayır. daha sonra blake yenidən işığa məruz qalır və qəsəbədəki adamların işıq təsirində başqa cür davrandıqlarını müşahidə edir. qəsəbə əhalisi isə qonaqpərvər deyil. hər tərəfdə lynni axtaran blake axırda onu tapır, lynn-ə təcavüz olunsa da, o bunu etiraf etmir. onlar qaçarkən başqa bir insan qrupu ilə rastlaşırlar, onlar "kafirlər" dirlər. başçıları val olan bu qrup lynni qaçırdır.
bu arada qızı xilas edəndən sonra şəhərdə ezekielin anonsu eşidilir, o lynnn-in hamilə olduğunu və uşağın öldürülməli olduğunu deyir, artıq lynn "mother" , blake "father" , uşaq isə "antichrist" adlanmağa başlanır.
qız oğurlanandan və təqiblərdən sonra ethan adlı bir adam blake-i xilas edir. ethanın qızının elə jane doe olduğu bəllidir, lakin o blake-ə qızı kuzeni paulun yanına yolladığını deyir. ethanın arvadının ezekiel ( xristianlar kultunun başçısı) tərəfindən dağa sürgün edildiyi, 15 yaşlı qızına isə ezekiel tərəfindən təcavüz olunduğu ethanın dediklərindən başa düşülür. ethan özü də əvvəllər ezekiel tərəfdarı olsa da, ezekiel ona" qızını və körpəni öldür" deməsindən sonra ethan artıq o kultan ayrılır, yenə də kafirlərin kultuna qatılmır. ethan blake-i gizlədir, amma martha blake- axtarır və ethan onun yerini demədiyinə görə ethanı öldürür
ezekielin kultunun isə qəribə adətləri var : 1. ezekiel istədiyi qadınla əlaqədə ola bilər 2. uşaqları öldürmək olar 3. hamilə qadınlar ya uşaqlarını ya da özlərini öldürməlidir
bu qanunlar çıxandan bəri valın xoşuna gəlmir, o tapılan məktublardan birində ezekielin uşaqları öldürməsindən həzz aldığını deyir. lakin burdakı kafirlər uşaq ölümlərinə qarşıdırlar. onların fikrincə, daha çox qadın hamilə qalıb uşaq dünyaya gətirməlidir ki, "antichrist" ortaya çıxsın. ezekiel tərəfdə isə bu tərsinədir , qəsəbədə uşaq doğuşa, "antichrist" gələcək və dünyanın sonu çatacaq
bu uşaq məsələsinə nümunə kimi oyunda qadınlar körpələrin olduğu leşlərin yığınını tapa bilərik." bəs orta yaşlı uşaqlara nə olur" ? sualı sizdə yarana bilər. bu sualın cavabı da intihardır. uşaqlara intihar təbliğ olunur, oyunda buna aid məktub da var.
oyunun gedişatına qayıdaq, kafirlər qızı şaxtada gizlədirlər, şəhərdə isə işıq dalğalar arabir yayılmağa davam edir. bu dalğalar blake-ə də təsir edir, onun qarabasmaları getdikcə pisləşir.
qızı axtararkən blake başqa bir qrupla üzləşir. onlar ezekielin dağa sürgün etdiyi adamlardır. qəsəbədə antisanitariya və xəstəliklər aşıb-daşdığına görə bir qrup adam çox pis xəstələnir və ezekiel onları dağa sürgün edir. əslində, ezekiel özü də xəstədir, lakin kənardan özünə dərman gətizdirir, insanlara isə bunun araşdırma üçün lazım olduğunu deyir. sürgün edilmişlər qrupu isə hələ də ezekieli müqəddəs görür, amma blake- i tutub çarmıxa çəkir, sonra da tabuta qoyurlar. bunun iki səbəbi ola bilər 1. onlar onun məsih olduğunu fikirləşir 2. onun ətini yesələr, sağalacaqlarına inanırlar. burdan da qaçan blake keşməkeşli yollardan sonra lynni tapır
heç bir gün keçməməsinə baxmayaraq lynn hamilə olur və kilsədə uşaq doğur, blake- i körpəni qucağında tutanda lynn deyir ki, orda heç nə yoxdur. daha sonra ezekiel gəlir və blake-ə körpəni öldürməsini deyir, sonra da özü özünün boğazını kəsib öldürür ki, bəs artıq dəccal gəldi(uşaq doğuldu). lynn da qanaxmadan ölür
blake getdikcə dəli olur, hətta lyn-ni tapanda belə elə bilir ki, o onun köhnə sinif yoldaşı jessicadır, körpəni belə jessica bilir. blake körpə ilə çölə qaçır, amma görür ki, bütün qəsəbə ölüb, hamı zəhər içib intihar edib. eyni zamanda böyük bir şüa yayılmaq üzrədir. ethan məktəb xatirələrinə qayıdır və istədiyi keçmişi görür, o, jessica ilə dua edir.
oyunu birinci oyuna birləşdirən hissə isə budur : bütün bu şəhər murkoff. inc- in eksperimentinin bir hissəsidir. həmin qəsəbənin yerli əhalisi ezekiel və tərəfdarları tərəfindən öldürülüb. qəsəbənin gözdən uzaq olmasından istifadə edən murkoff isə dağda qüllə tikib ora şüa yayır. insanlar bu şüanın təsirindən dəli olur, tanrının onlara yol göstəridiyini fikirləşlir . hər dəfə şüa yayıldıqca heyvanlar tələf olur . bu şüa blake-i də dəli edir, lynn-i isə yox, o, şaxtada qaldığına görə ona şüa az təsir edib, təkcə phantom hamiləlik yaşayıb.( bu məlumat birinci oyunda var idi) radioqüllədə isə , əslində, nəzarət yoxdur, oranı qarışqalar ələ keçirərək sistemi xarab ediblər. bu qarışqalar da billy hope-un yeni bədənidir
Qeyd : müəllim jessicanı pilləkəndən itələdiyi üçün o yıxılıb və boynu sınıb
https://static1.thegamerimages.com/wordpress/wp-content/uploads/2021/05/pjimage-64.jpg

https://d1fs8ljxwyzba6.cloudfront.net/assets/article/2017/04/25/outlast-2-endings-what-they-mean-feature-img_feature.jpg

https://techraptor.net/sites/default/files/imports/2017/03/outlast-2-screenshot-dead-babies-902x507.jpg

yamayka valyuta sistemi | iqtisadiyyat

+8188

bretton vuds valyuta sistemi çökdükdən sonra 1976cı ildən bu sistem fəaliyyət göstərirdi. yamayka valyuta sistemində qızıl rəsmən pula çevrilmə funksiyasını itirdi. yəni qızıl demonetizasiya olundu. amma dövlətin ehtiyatı kimi saxlamaq olar. məsələn bizim ölkə də keçən ildən çoxlu qızıl ehtiyatı yaratdı.
zaman-zaman bu sistemə də dəyişikliklər edilməyə başlandı.
valyuta problemləri üzrə qarşılıqlı təsir və məsləhətlər yolu ilə beynəlxalq valyuta əməkdaşlığına yardımçı olmaq

dünya ticarətinin balanslaşdırılması və gücləndirilməsi üçün yaxşı mühitin yaradılması
rəqabətə çağıran valyutanın devalvasiya olunmasından qaçmaq
valyuta üzrə qarşılıqlı münasibətlərin möhkəmləndirilməsinə tərəfdar olmaq, valyuta kursunun sabitliyinə köməklik etmək
dünya ticarətinin inkişafını nəzərdə tutan, valyuta mübadiləsində məhdudiyyəti aradan qaldırmaq və çoxtərəfli ödəmə sisteminin yaradılmasına köməklik göstərmək
milli və beynəlxalq səviyyədə inkişaf üçün dağılma tədbirləri tətbiq etmədən üzv olan ölkələrə onların ödəmə balanslarında düzəlişlər edilməsi üçün müvəqqəti əsasda maliyyə vəsaiti vermək
üzv olan ölkələrdə beynəlxalq ödəmə balansları üzrə qıtlığın miqyası və davam etməsi ixtisar edilsin,beynəlxalq valyuta münasibətlərində ölkələrin əxlaqını və beynəlxalq valyuta sisteminin vəziyyətini müşahidə etmək,qısa və orta müddətə kreditlər vermək və sə bunlara daxil idi.

kitsch | etimologiya

+8051

milan kunderanın lüğətində yerini alan, sadəcə görünənlə, görünənən arxasında görmədiyimiz bəsit reallığın açmasıdır.

ikinci dünya müharibəsinin qızğın vaxtlarında, stalinin oğlu almanlara əsir düşür. paralel olaraq isə almanların hər hansısa generalı stalinin əlindədir. alman tərəfi sovetlərə qarşı açıq oynayır: gəlin stalinin oğluyla generalımızı dəyişdirək.
lakin stalin sentimental davranacaq qədər axmaq deyil və sıravi əsgər olan oğlunu, əlində tuttuğu generala, rütbələrə dəyişdirmir. uzun sözün qısası olaraq isə stalinin oğlu (artıq ona misal olaraq yuri deyəcəm) almanların əsrləri arasında qalır.
əsirlər hər gün müxtəlif işlər görürlər. o işlərdən biri də özlərinin və almanların sıçtığı poxları tuvaletdən təmizləməkdir. lakin yuri bunu qəbul etmir, hər nə də olsa stalinin oğlu olduğu reallığını əlində saxlayaraq, pox təmizləməkdən qaçınır.
yurinin üstünə gəlinməyə başlanır. o isə bütün basqılarla bacarmayaraq, bir dəli kimi, qışqıra qışqıra elektrik stansiyasına tərəf qaçır və tellərin arasına ilişərək, yüksək voltun köməkliyiylə ölür.
kundera isə yurinin ölümünə belə münasibət bildirir: stalinin oğlu pox yolunda öldü!
ən bəsit mənasıyla kitsch budur.
kitsch, insan varlığını bütündən ayıran hər şeydir: sıçdığımız pox qəbul edilən bir şeydir (ona görə də sıçtığımız vaxt qapını bağlamayaq ya da varlığımız natamamdır.) kitsch biraz da budur, hamının poxsuz və sıçmadığı bir dünyada yaşadıqlarına, hər kəsi inandırması.
kitsch unudulanla varolanın arasında bir yerlərdədir. hamımızı bir gün ona çevirəcəklər.

millətçi vs milliyətçi | fəlsəfə

+9871

Tarixi müəyyən şərtlərin təsirilə milliyyət halından millət halına gələn topluluqların müstəqil bir dövlət qurmaq və ya istilaya uğrayan vətənlərinin istiqlalını geri almaq uğrunda mücadilə edənlərə mütləq Avropa terminlərilə bir ad lazımsa, bunlara milliyyətçi – nasionalist deyil, millətçi – patriot, hərəkatlarına da milliyyətçilik – nasionalizm deyil, millətçilik – patriotizm demək lazımdır!
Məmməd Əmin Rəsulzadə -"Milli Birlik" səh.32 link

patriot sözünü "vətənpərvər" şəklində tərcümə etmək yanlışdır. söz qədim yunanca olub, kökü "nəsil, soy, tayfa" mənasındakı πᾰτρῐᾱ́ (patriā́) sözüdür.
sifarişi verən: Derek

dozimetr

+17978

radioaktiv şüalanmaya məruz qalan işçilərin istifadə etdikləri və irradiyasiya nisbətini hesablayan alət. əsgər,həkim,alim kimi rentgen vəya radioaktiv maddə şüaları qəbul edənlərin yüksək nisbət çıxarsa iş yerindən ən az 2 aylığına ezam edilməsi nəzərdə tutulur. alfa beta qama və x kimi çox radiyasiya mənbələri var. dozimetr əsas x və qama üçün nəzərdə tutulub (bax: floroskopiya)

futhark | mədəniyyət

+36124

Vikinglərin istifadə etdiyi yazı sistemi run yazı kimi tanınır və adətən Futhark adlanan bir əlifbə ilə əlaqələndirilir. Run yazı, Şimali Avropa, Britaniya, İskandinaviya və İslandiyada təxminən 3-cü əsrdən 16. və ya 17. əsrə qədər istifadə edilmişdir. Futhark, Yaşlı Futhark və gənc Futhark olmaqla iki əsas forma malikdir. Yaşlı Futhark, 24 hərfdən ibarət və 2-ci əsrdə istifadə edilən ən qədim formasıdır. Gənc Futhark isə Viking çağının başlanğıcında inkişaf etdirilmiş və yalnızca 16 hərfi ehtiva edən daha yeni bir formadır. Futhark yazı sistemi, Vikinglərin tarixinin şifahi ötürüldüyü və run yazının yalnız böyük əhəmiyyətli anları qeyd etmək üçün istifadə edildiyi bir dövrdə meydana çıxmışdır. Futhark, müxtəlif materiallara oymaqla istifadə edilmişdir; bu materiallar daşlar, taxta və metal kimi müxtəlif cisimləri əhatə edirdi. Futharkın simvollarının mənşəyi barədə dəqiq bir məlumat olmasa da, bu simvolların qədim İtalik yazılardan törədiyi və zamanla Cermen xalqları tərəfindən adaptasiya edildiyi düşünülür. Runik yazının İtaliyadan İskandinaviyaya necə gəldiyi barədə isə müxtəlif fərziyyələr mövcuddur.
Futhark adını ilk altı hərfindən alır: F, U, Th/Þ, A, R və K. Bu əlifbə, run daşlar və digər run əsərlər üzərindəki yazılarda istifadə edilmişdir.

ᚠ (Fehu): /F/ “inək, mal mülk” mənasına gəlir və zənginliklə əlaqələndirilir.
ᚢ (Uruz): /u/ “yaban öküzü” mənasına gəlir və güc və ya enerjiyi simvolizə edir.
ᚦ (Thurisaz):/θ/, /ð/ (İngiliscə "th" sesi kimi) “div, canavar” mənasına gəlir və təhlükə və ya çətinliklə əlaqələndirilir.
ᚨ (Ansuz): /a/ “tanrı” mənasına gəlir və ilahi əlaqə və ya ilhamla əlaqələndirilir.
ᚱ (Raido): /r/ “səyahət” mənasına gəlir və hərəkəti simvolizə edir.
ᚲ (Kaunan): /k/ “məşalə” mənasına gəlir və aydınlanmanı və ya xəstəliyi simvolizə edir.
ᚷ (Gebo): /g/ “hədiyyə” mənasına gəlir və verilmə və alınma əməlləri ilə əlaqələndirilir.
ᚹ (Wunjo): /w,v/ “sevinç, hüzur” mənasına gəlir və xoşbəxtliklə əlaqələndirilir.
ᚺ (Hagalaz): /h/ “dolu, yıxım” mənasına gəlir və ani dəyişiklik və ya yıxımla əlaqələndirilir.
ᚾ (Naudiz): /n/ “ehtiyyac, zərurət” mənasına gəlir və çətinliklər və ya tələbatlarla əlaqələndirilir.
ᛁ (Isa): /i/ “buz” mənasına gəlir və dayanma və ya maneələri simvolizə edir.
ᛃ (Jera): /j,y/ “il, məhsul” mənasına gəlir və uğur və ya dövri hərəkəti simvolizə edir.
ᛇ (Eihwaz): /ei/ “taxus” mənasına gəlir və davamlılıq və ya keçidlə əlaqələndirilir.
ᛈ (Perthro): /p/ “qismət, oyun” mənasına gəlir və sirr və ya qismətlə əlaqələndirilir.
ᛉ (Algiz): /z,r/ “müdafiə” mənasına gəlir və qorumayı simvolizə edir.
ᛊ (Sowilo): /s/ “günəş” mənasına gəlir və enerji və ya qələbəni simvolizə edir.
ᛏ (Tiwaz): /t/ “qələbə, ədalət” mənasına gəlir və cəsarət və ya hüquqla əlaqələndirilir.
ᛒ (Berkano): /b/ “qadın, doğum” mənasına gəlir və yenilənmə və ya başlanğıcları simvolizə edir.
ᛖ (Ehwaz): /e/ “at” mənasına gəlir və etibar və ya ortaqlıqla əlaqələndirilir.
ᛗ (Mannaz): /m/ “insan” mənasına gəlir və insanlıq və ya cəmiyyətlə əlaqələndirilir.
ᛚ (Laguz): /l/ “su, göl” mənasına gəlir və sezgi və ya axınla əlaqələndirilir.
ᛜ (Ingwaz): /ŋ/ “tanrı Ing” mənasına gəlir və böyümə və ya potensialla əlaqələndirilir.
ᛟ (Othala): /o/ “miras, ata yurdu” mənasına gəlir və miras və ya mənsubiyyətlə əlaqələndirilir.
ᛞ (Dagaz): /d/ “gün, aydınlıq” mənasına gəlir və fərqindəlik və ya aydınlanma ilə əlaqələndirilir.
Bu run simvollar, Vikinglər tərəfindən müxtəlif məqsədlərlə istifadə edilmişdir və hər biri xüsusi bir simvol daşıyır.

hero's journey | ədəbiyyat

+36522

(bax: qəhrəmanın səyahəti)
keçmişdən bugünə roman, film, video oyunlarda istifadə edilən hekayə strukturu. dədə qorqud dastanından odyssey-yə qədər.

12 etapdan ibarət olub qəhrəmanın başladığı nöqtədən hekayənin bitişinə qədər keçəcəyi mərhələləri göstərir.
adətən yetişkməkdə olan qəhrəman çətin məsələ ilə üzləşir, inkar edir, məsələni həll etmək üçün yola düşür, ona kömək edəcək və əngəl olacaq kimsələrlə üzləşir. savaşa hazırlaşır -- savaşır; qalib ya məğlub - sona yaxınlaşaraq evinə qayıdır. qərb ədəbiyyatının ən bilinən nümunəsi yəqin ki homer-in Odyssey-idir.
troya savaşına getmiş odyssey-in illərcə evinə və ailəsinə qayıda bilməməsi, və bəzən qayıtdıqdan sonra artıq hər şeyin çox gec olması.

fərdin kamil olması üçün gec ya tez - bütün qəhrəmanlar öz savaşlarını verməlidir. söhbət sırf harasa gedib savaşmaqdan əlavə - insanın içindəki metaforik savaşdan da gedə bilər.

fərd doğulur - uşaq gözüylə əylənərək dünyanı müşahidə edib yetişkinliyə çatır - vecsiz illər keçirir - onu gözləyən xəbərsiz olduğu müəmmalarla üzləşir; və məsələnin həllinə çalışır. sonda isə həyatla vidalaşır.

qəhrəmanın bu döngüləri böyük miqyasdan əlavə kiçik formlarda daim baş verir - hər il, hər ay, hər gün. bu əbədi döngülərin fərqində olmaq həyatın çox da əyləncəli yer olmadığını göstərsə də olası savaşlara qarşı fərdi hazır saxlayır.

bu tip düşüncə tərzi adətən ailə, məktəb və cəmiyyət tərəfindən fərdə aşılansa da bəzən ya yersiz, yarımçıq ya da heç vaxt öyrədilmir. bunun fərqində olmaq, özünüzü öz qəhrəmanınız kimi görüb çətin anlarda səyahətinizin hansı mərhələsində olduğunuzu bilmək həyatda üzləşdiyiniz məsələlərdə psixoloji kömək ola bilər. çətin günlərdən keçirsinizsə siz də öz savaşınızı verirsiniz. və hekayənizin geri qalanını yazmaq qismən də olsa sizin əlinizdədir. yolunuz nə qədər çətindirsə xarakteriniz o qədər güclüdür.

(youtube:

)

ispan çəkməsi ★ wiki | tarix

+2126

orta əsrlərdə istifadə edilən işgəncə aləti.
ispaniyada yaradılsa da, sonralar fransa, almanya, rusiyada da istifadə edilib. əsasən məhkumları danışdırmaq üçün idi.
"çəkmə"nin içində dəmir çxıntılar olub, ayaq içinə yerləşəcək formada hazırlanırdı. məhkum danışmağı rədd etdikcə çəkmə kənardan boltlarla sıxılır, beləcə ayaq və baldırı əzərək sümükləri sındırırdı.

viktor hüqonun "notre dame de paris" romanında da esmeraldaya bu alətlə işgəncə verilmişdi.

söz | ədəbiyyat

+40194

məhəmməd füzulinin söz haqqında yazdığı gözəl bir qəzəl.

Xəlqə ağızın sirrini hərdəm qılır izhari söz,
Bu nə sirdir kim, olur hər ləhzə yoxdan vari söz.

izah:
ağzımızda olan, sirri (fikri) söz vasitəsilə insanlara izah edirik,
bəs bu nə sirdir ki, hər an yoxdan söz yaranır.

Artıran söz qədrini sidq ilə qədrin artırar,
Kim nə miqdar olsa, əhlin eylər ol miqdari söz.

izah:
Sözünü dəyərini artıran, qiymətli sözlər danışan öz dəyərini artırmış olar,
Ancaq şəxsin öz "dəyər"i nədirsə, danışdığı söz də onu o qiymətdə edər.

Ver sözə ehya ki, tutduqca səni xabi-əcəl,
Edə hər saət səni ol uyqudan bidari söz.

izah:
Sözü dirilt ki, (bir növ özündən sonra nəsə yaz qoy ki) səni ölüm yuxusu tutduqca,
Hər saat səni yuxudan oyatsın söz. (yazıb qoyduqların oxunduqca)

Bir nigari-ənbərinxətdir könüllər almağa,
Göstərər hərdəm niqabi-qeybdən rüxsari söz.

izah:
Söz könüllər alan gözəl kimidir.
O da hər an örtüyünü, niqabını açıb üzünü göstərib könülləri şad edər.

Xazini-gəncineyi-əsrardır, hərdəm çəkər
Rişteyi-izharə min-min gövhəri-əsrari söz.

izah:
Söz sirlər xəzinəsinin xəzinədarı, onun gözətçisidir.
Hər an sirli gövhərlərini sapa düzüb aşkar edər.

Olmayan qəvvasi-bəhri-mərifət arif degil
Kim, sədəf tərkibi-təndir, löleyi-şəhvari söz.

izah:
söz tərkibində dəyirmi sədəflər, şaha layiq ləl-cəvahirat olan bir mərifət dənizidir,
bu dənizdə kim ki üzə bilmir o ağıllı (arif) adam deyil.

Gər çox istərsən, Füzuli, izzətin, az et sözü
Kim, çox olmaqdan qılıbdır çox əzizi xari söz.

izah:
Ey Füzuli, əgər özünü və ya sözünü hörmətdən salmaq istəmirsənsə sözü az et (az danış),
Çox söz danışmaq çox adamı xar edib. (hörmətdən salıb)

rasim balayevin ifasında:

(youtube:

)

sözlərin mənası.
qəvvas - üzgüçü
şəhvar - şaha, hökmdara layiq
təndir - dəyirmi
rişte - əlaqə, rabitə
izhar - aşkar etmə
əsrar - sirr
hərdəm - hər an
ləhzə - vaxt, an
sidq - sədaqət, səmimiyyət
qılmaq - etmək, eyləmək
ehya - canlandırmaq, vücuda gətirmək
xabi-əcəl - əcəl yuxusu
bidar etmək - oyatmaq
niqab - üz örtüyü
rüxsar - üz, çöhrə, sifət
ənbərinxət - ənbər qoxulu sap
bəhr - dəniz
izzət - hörmət
xar olmaq - zəlil, rüsvay olmaq
xazin - xəzinədar
gənc - xəzinə

mənbə.
Füzuli-500 (film, 1997)
vikimənbə link

link

https://www.azleks.az/
klassik azərbaycan ədəbiyyatında işlənən ərəb və fars sözləri lüğəti

S Ö Z A L T I