10. norvecdən daha çox azərbaycanda təsirini göstərən təcrübədir. belə ki, azərbaycanda nə qədər əzik insan varsa hamısı bir bir gün üzünə çıxdı özlərinin də xəbəri olmadan. üşüyən uşağa kimsə kurtkasını çıxardıb verib, pah atonnan, dünya dağıldı da ta. "xaxın uşaqları görün necədi, bir də bizimkilərə baxın, ölüb yerə girməliyik" deyənlər az deyildi.
bir müddət sonra bunun azərbaycan versiyasını çıxartdılar. soyuqda qalan uşaga heç kim kömək eləmədi.
sosioloq olsaydım daha tutarlı cümlələrlə fikrimi izah edərdim amma heyf ki, eyni fikirləri daha dayaz cümlələrlə ifadə etməli olacam.
azərbaycanda da kifayət qədər fədakar insanlar var sadəcə olaraq bunları çəkib nümayiş etdirən yoxdu.
biz günü gündən əzikləşirik cunki işləri gücləri milləti aşağılamaq olan bir qrup cahil yazar (bax: günel mövlud)

insanların beynini yumaqla yanlış yerlərə yönəltməklə məşguldurlar, nəticə olaraq özündən və keçmişindən xəbəri olmayan, sadə hadisələri belə analiz edə bilməyən gənc nəsil yetişir. xüsusilə modernlik adı altında cahillik (dinlə zadla əlaqəsi yoxdu, elə birbaşa cahilliyi nəzərdə tuturam) baş alıb gedir.
bu təcrübələrin yayıldığı eyni günlərdə nərmin adlı 16 yaşlı yeniyetme üçün insanlar pul yığıb onu müalicəyə göndərmədimi? xəstəxananın baş həkimi və digər bir həkim köməklik üçün alacaqları bir aylıq maaşdan imtina etmədimi? (eyni zamanda o qızı evindən hava limanına aparan ambulans 700 manatdan çox pul tələb etmişdi bu da başqa mövzudu). çox nümunə vermək olar amma ki, əziklik kompleksindən qurtulmaq üçün nə qədər nümunə versək bəs eləməz.
yəni nəticə olaraq, biz də fədakarıq, biz də insanıq, biz əzik deyilik, norvecli, alman, ingilis, yapon və s. bizdən artıq deyil. sadəcə olaraq şərtlər fərqlidi, o şərtlər də insanların gözünün önündə prizma kimi dayanıb, şüaları qırır və nəticədə həqiqət, olduğundan fərqli görünür.
bu iki təcrübə müqayisə edilə bilməz, müqayisə etmək səhvdi, müqayisənin və o təcrübənin məqsədini başa düşmək lazımdı.
rabitəsiz cümlələrimi emosional dalğaların boynuna atıram, bir az da onlar dalğalansın.