1. hər bir insan kimi müxtəlif səbəbli əlillərin də özünəxas seks həyatı vardır. bəzi insanlar onların sırf əlil olduqlarına görə seks həyatından uzaq olduqlarını sanırlar. hətta insanların bu cür zənn etməsindən dolayı əlil insanlar da bəzən bu sahədə özünü sərhədləyirlər.
müxtəlif səbəblərdən əlil olmuş insanlar bir birindən fərqli formada seks həyatında çətinlik çəkirlər.
məsələn, qulaqdan əlil olanlar, yəni kar olanların bu çətinliyi özünü qarşılıqlı anlaşılmazlıqda göstərir, yəni qarşı cinslə olan münasibətdə bir birlərini başa düşmürlər ki, bu da kar insanlara çox çətinlik yaradır. hələ ki, onların bu sahədə anlaşa biləcəyi bir hərəkətli əlifba* əl-qol hərəkətləri ilə dil mövcud deyil. gözdən əlil olanların, yəni korların seks həyatı da karlardan geri qalmır. belə ki, seks zamanı qarşı cinsin üz ifadələrini görə bilməmək, bəzi hərəkətləri dəqiq yerinə yetirə bilməmək kimi çətinliklər korlara rahat bir seks həyatı yaşatmaqda mane olur. kor və karların təlimi zamanı onların seks həyatı mövzusunun üstündə çox durulmur, bu səbəbdən onlar çətinliklərlə üzləşirlər. qərbdə bu mövzuya hələ ki, yeni-yeni toxunulur.
bədənin hər hansısa ətrafı, yəni qol və ya qıçları şikəst olan insanlar isə qarşılıqlı hərəkətdə çətinlik çəkərlər. hələ də hər iki tərəf şikəst olan insanların evləndirilməsi həyata keçirilir. onların hərəkətlərinin sərhədli olması bir sıra çətinlilər yaradır ki, buna da çarə vardır. məsələn kişi cinsi orqanının sərtləşməsinə kömək edən vasitələr vardır ki, bunlar hələ ki, qərbdə yeni-yeni tədbiq olunur. əlillərin bu sahədə bilgiləndirilməsi onlara yardımçı ola bilər. digər yandan şikəst insanların özlərinin dediyinə görə, onlar cinsi əlaqəyə girmədən belə bir birlərinə bədən vasitəsilə toxunaraq belə cinsi həzz ala bilirlər.

əlil insanları ən çox narahat edən isə cəmiyyətin onları bu sahədə qınaq obyekti sayması və bu səbəblərdən onların yalnızlığına səbəb olan şeylərdir. onların məlumatlandırılması həyatlarını dəyişə bilər. bəzi məsələlərdə köməyə ehtiyacları var. bu kömək hər şeyə dəyər, çünki nəticə olaraq iki insanın xoşbəxtliyini yaradacaq.