2. ana vətənimiz haqqında inşa.

vətən bizim anamızdır deyirlər, doğrudur. mənim doğulduğum və böyüdüyüm mikro cəmiyyətdə insanlar bir birinə yetim deyir. onda belə çıxır ki, bizim anamız ölüb? yox, o ölməyib! bunu deyənlər şişirdirlər! yaxud, vicdansızca yalan danışırlar. onu ölmüş kimi göstərmək yəqin kimlərəsə sərf eləyir, ona görə belə deyirlər. ölməyib o! o ancaq ağır xəstədir. komadadır. ölməyib hələ! nəfəs alır. qazofkadan boğularaq heydən düşsə belə o yaşayır, bu dəqiqdir. öz nankor övladlarına rəğmən, hələ yaşayır. ağır xəstəliyindən istifadə edənlər və hətta allah eləməsin, ölməsini gözləyən mirasyeyənlər hələ çox gözləyəcəklər. baxın artıq burada sağaldıcı tədbirlərin icrasına başlayıblar. biri elə asan. asan sadəcə bir nümunədir, onu etalon halına gətirib bütün qurumlara tətbiq eləmək gərəkdir. dəqiq və qərəzsiz. yoxsa, bu ayılma çox gecikə bilər və nəticəni düşünmək belə istəmirəm. düzdür, bəziləri çarəni xarici texnologiyada görür. onlar gözləyirlər ki, kimsə qıraqdan gəlib bunu həll eləsin. onlar deyirlər ki, başqa ölkələrdə güclü narıncı nişanlı həkimlər var. onlar gəlib xəstəni komadan ayıldacaqlar. onda görəcəksiniz ki, o ölməyib sadəcə bitkisel həyat yaşayır. bu, ümidsiz xəstə yaxınlarına ürək dirək verməkdən başqa bir şey deyil. bu iş puldan və şöhrətdən başqa şey düşünməyən qıraq həkimlərlik deyil. özümüzdə də görə bilmirik bu güclü həkimləri. onlar ya papaq altdadır, ya da papaqsızdılar. düzü heç bir güclü həkimin prinsipcə belə xəstəni təkbaşına ayağa qaldıra biləcəyinə inanmıram.. ayağa qalxası olan xəstə özüdür. xəstə özü qalxmaq istəməlidir. özü həyata bağlanmalıdır. əgər bu ruh varsa, onda o zaman yaşayacaq. sadəcə xəyallarda deyil, real olaraq yaşayacaq. buna inamım tamdır. görünür, bu xəstənin işi əslində ancaq allaha qalıb. bir də, öz qeyrətli, inamlı, ümidli balalarına.

total eclipse! no sun, no moon.
all dark amidst the blaze of noon.
oh glorious light! no cheering ray
to glad my eyes with welcome day.

neyləyək, imkanımız və arzularımız düz mütənasib deyil, vətən. səni hələ də saxta rəqəmlər və kəmiyyətlə ifadə eləməyə çalışan, öz şəxsi inkişafı ilə sənin sağalmağını mütləq surətdə əlaqələndirən xudbin övladların var. onlar anlamırlar ki, sən ölsən onlar da öləcəklər. bəs siz, ay nankorlar, bilmirsiniz ki, yetimə can can deyən çox olar, amma halına yanan yox? öldürməyin onu, yazıqdır. sizə yazıq olar. imkan verin nəfəs alsın. damarlarına təzə qana ehtiyac var, bütün təzə qanı sondajla çəkib biryolluq xaricə göndərməyin. onun özünə də lazımdır. siz onun varlığına möhtacsınız, o sizə deyil. siz onunla varsınız, o sizinlə deyil.
görkəmli şairimiz abbas səhhət vaxtı ikən nə gözəl söyləmişdir;

vətəni sevməyən insan olmaz
olsa da ol şəxsdə vicdan olmaz