1. 2ci gələn sperm mənim üçün təkcə nick deyil. heç təsadüfi seçilmiş nick də deyil. ikinci olmaq mənim həyat fəlsəfəmdir. amma looser fəlsəfəsi ilə səhv salınmağını istəməzdim. milyonlarla spermatozoidin içindən ikinci gəlmiş spermatozoidə looser demək heç də məntiqli olmazdı. məsələyə iki fərqli nöqteyi nəzərdən baxmaq olar. biri optimistik, ikincisi dramatik. optimistik ona görə ki, ikinci gələnin qəlbində bir arzusu qalıb, çatmaq istədiyi bir məqsədi var, arxada qalanlardan daha güclüdür, amma ondan qabaqda gedən, ondan da güclüsü var. bu, ikinci gələn yarışçıya yaşama əzmi, motivasiya və inadkarlıq verir. istər istəməz ikinci gələn daha çok çalışır və özü də bilmədən zamanla çox inkişaf edir. məsələnin dramatik tərəfi isə bundan ibarətdir ki, sırf nickin içində ikinci gələn hər hansı bir yarışçıdan söhbət getmir, ikinci gələn spermatozoiddən söhbət gedir. spermatozoidin ikinci şansı yoxdur, bir şansı var idi, əksəriyyəti arxada qoymasına baxmayaraq, bir an gecikdiyinə görə, birinci çata bilməyib. birinci çatan ilə arasında demək olar ki fərq yoxdur, amma birinci gələn dünyaya viza əldə edir, ikinci gələn isə təxminən iki gündən sonra ölür. onu heç kim yadında saxlamır və sonuncu gələn spermatozoiddən heç bir fərqi qalmır.