1. isaak nyutonun ümumdünya cazibə qanunundan yola çıxılaraq henry cavendish tərəfindən hesablanmış sabit. deməli, sabiti hesablamaq üçün böyük kütləli cisimlərə-planetlərə, peyklərə ehtiyac var idi çünki az kütləli cisimlər arasında qravitasiya qüvvəsi zəifdir ancaq eyni zamanda hesablamalar üçün bu planetlərin, peyklərin kütlələri bilinməli idi. bunu bilmək üçün isə qravitasiya sabiti bilinməli idi. yəni birini bilmək üçün o biri, o birini bilmək üçün isə bu lazım idi ancaq hər ikisi qeyri-müəyyən idi. 1797 ci ildə cavendish işə əl atır və sabiti hesablayır. bir-birinə çubuq ilə bağlanmış iki böyük metal kürə götürülür, uzun iplə tavana bağlanılır. üçüncü bir metal kürə bunlardan birinə yaxınlaşdırıldığı vaxt apardığı kiçik, dəqiq hesablamalarla sabitin dəyərini ölçür. sabiti ölçmək üçün həddindən artıq həssaslıq lazımdır və cavendishin hesablamalarında kiçik xətalar olub ancaq təkrarlanan təcrübələrlə xətalar götürülüb. qravitasiya sabiti 6.67384 × 10-11 m3 kg-1 s-2'ə bərabərdir.