Fizulidə
Yanvarın 13-də səhər saatlarında Füzuli rayonunun Bala Bəhmənli kəndində qiymətlərin qalxmasına etiraz olaraq aksiya keçirilib. Kənd sakinlərinin Meydan TV-yə verdiyi məlumata görə, aksiyaya Əhmədbəyli və Mahmudlu kəndlərindən qoşulublar. Aksiyada 1000-ə yaxın adamın iştirak etdiyi, etirazçıların mərkəzi yolu bağladığı bildirilir.
videolar:
etirazçılar bakı-horadiz yolunu kəsiblər
fizuli sakinləri daxili qoşunla qarşı-qarşıya
___________________________________________________________________________________
Siyəzəndə
Yanvarın 13-də səhər saatlarında Siyəzən rayonunun mərkəzində bahalaşmaya etiraz olaraq aksiya başlayıb. Şəhər sakinlərinin Meydan TV-yə verdiyi məlumata görə, dünən axşamdan Siyəzənə polis dəstələri yeridilib: Qara maskalılar Siyəzəndə aktivlik göstərən bir neçə nəfəri tutub aparıblar. Polis gözyaşardıcı qazdan istifadə edir, əhali də onları daşa basır.
Hələlik saxlanılanların kimliyi haqda məlumat yoxdur. Son məlumatda onların 50 nəfərdən artıq olduğu deyilir. Tutulanlar arasında jurnalistin olduğu da bildirilir.
Verilən məlumatda deyilir ki, şəhər icra Hakimiyyətinin ətrafı polis tərəfindən tam nəzarətə götürülsə də, insanlar müxtəlif küçələrdə hissə-hissə toplaşaraq, etirazlarını davam etdirirlər. Pərakəndəlik olduğundan aksiyaçıların dəqiq sayı bilinmir.
videolar:
daxili qoşunla aksiyaçılar arasında çaxnaşma yaranıb
daxili qoşun qaz bombası və rezin güllələrdən istifadə edir
(youtube: 
)
Daxili Qoşunlar atəş açır, sakinlər daşla cavab verir. )___________________________________________________________________________________
ağsuda
Yanvarın 13-də günorta saatlarında Ağsu rayonunda yürüş olub. Şəhər sakinləri məvacibin azlığına, qiymət artımına və işsizliyə etiraz əlaməti olaraq şəhərin mərkəzində yerləşən Heydər Əliyev Parkından icra Hakimiyyətinin binasınadək yürüş ediblər.
Aksiya iştirakçılarının Meydan TV-yə verdikləri məlumata görə, hazırda icra Hakimiyyətinin nümayəndələri ilə görüş keçirilir.
___________________________________________________________________________________
ağcabədidə
Ağcabədi rayonunun Hindarx kəndinin sakinləri də qiymətlərin qalxmasına etiraz olaraq toplaşıblar. Kənd sakinlərinin Meydan TV-yə verdiyi məlumata görə, hazırda kəndin mərkəzinə 1000 nəfərdən artıq şəxs toplaşıb və onlar işsizliyə, qiymət artımına etiraz edirlər.
Ağcabədi rayon icra Hakimiyyətinin başçısı Şahin Məmmədovun Hindarxa gəldiyi bildirilir.
___________________________________________________________________________________
biləsuvarda
Yanvarın 13-ü, axşam saatlarında Biləsuvarda Cəbrayıl rayonundan olan məcburi köçkünlər üçün salınmış qəsəbədə aksiya başlayıb. Qəsəbə sakinlərinin Meydan TV-yə verdiyi məlumata görə, buna səbəb qiymət artımı və işsizlikdir. Aksiyada 100-dən artıq adam olduğu bildirilir.
Mənbə: meydan tv