3. orijinal adı (baxma: la planete des singes)
fransız yazıçı pierre boulleun 1963-cü ildə yazdığı məşhur roman. bu roman əsasında 8 dənə film çəkilib. filmlərindən fərqli olaraq əsər özü daha çox satirik məna daşıyır.

--spoiler--

əsərdə hadisələr artıq ulduzlararası səyahətin adi hal olduğu gələcəkdə - 26-cı əsrdə baş verir.
jinn və phyllis adlı gənc cütlük digər planetlərdən uzaq bir yerə səyahətə çıxıblar. bir gün təsadüfən içində məktub olan butulka tapırlar. məktubda ulysse merou adlı biri başına gələnləri yazır.
ulysse merou və onun yoldaşı arthur levain yer planetinə bənzər sorora planetinə enirlər. ilk dəfə sonradan nova adını alacaq bir qızı görürlər. lakin, tezliklə başa düşürlər ki, insanlar burda vəhşidirlər. planetdə isə tək ağıllı canlılar var o da meymunlardı. merou və levain müəyyən müddət bu vəhşi insan tayfası ilə yaşamağa məcbur olur. amma bu uzun çəkmir. meymunlar insanlara hücum edib bəzilərini öldürüb, bəzilərini özləri ilə aparıllar. ölənlər sırasında merounun dostu levain də var. merou nova ilə bərabər insanlar üzərində eksperimentlər aparılan labaratoriyaya düşür. burada insanların seksual yönünü tədqiq etmək üçün hətta erkək və dişini məcburi cütləşidirirdilər.
digərlərindən fərqləndiyi üçün merou zira adlı şimpanze alimin diqqətini özünə cəlb edə bilir. nəticədə zira və onun sevgilisi cornelius merounun ağıllı bir canlı olduğunu sübut edə bilir və merounu azadlığa buraxırlar. lakin, bu da uzun çəkmir. çünki, merou, zira və cornelius novanın hamilə olduğunu öyrənirlər. uşaq meroudan olduğu üçün vəhşi yox, düşünə və danışa bilən ağıllı bir canlı olacağı güman edilir. digər meymunlar bunu özlərinə təhdit kimi görürlər. ağıllı insanların get-gedə artacağını və bunun meymun irqinin təhlükəsizliyini sual altında qoyacağını düşünürlər. ona görə də novanı öldürmək qərarına gəlirlər. amma zira və cornelius merouya yardım edirlər. merou novanı və yeni doğulan oğlu siriusu götürüb planeti tərk edərək yer planetinə uçur. ancaq yerin də meymunlar tərəfindən zəbt edildiyini öyrənəndən sonra yenidən kosmosa qaçmağa məcbur olur.
merou məktubda yaşadığları kosmik gəmidə oksigen və qida ehtiyatlarının müəyyən vaxta yetəcəyini, ancaq kömək olmadan uzun müddət yaşaya bilməyəcəylərini deyir. bu məktubu tapandan isə onlara kömək etməsini gözləyir.
jinn və phyllis məktubu oxuyub bitirdikdən sonra sadəcə gülümsəyirlər. çünki, onlar özləri də şimpanzedirlər. ağıllı insanın mövcudluğunu sadəcə zarafat kimi qəbul edib məktubu cırıllar və səyahətlərinə davam edirlər.

--spoiler--