10. sitat

demək günaşırı oxuduğum kitablar haqqında bilgiləri paylaşıram. dostlara, eşidənlərə tövsiyə edirəm ki, hər kəs özü üçün ciddi rejim qurub gündə boş vaxtında ən azı 50-100 səhifə kitab mütailə etsin. metroda oxuyun, avtobusda oxuyun, evdə oxuyun, fərq etməz, ancaq faydanıza olar. bununla belə bir qrup adamlar tapılır ki, mənə irad bildirirlər ki, qarabağda savaş gedir, bu millət vəkili də müharibədən yazmaq əvəzinə kitab oxumaqdan yazır. demək dünyanın bir çox yerlərində savaş gedir. insanlar bəzən tövlələrdə sinif otaqları yaradıb dərs keçirlər ki, cəhalətdən az-çox qurtulsunlar. biz təbii ki, cəbhədəki vəziyyətlə bağlı bütün müzakirələrin içindəyik, bu gün ən vacib məsələmiz də qarabağ uğrunda savaşdır. ancaq "indi kitab haqqında yazmağın vaxtı deyil" ifadəsini işlətmək mənim üçün həqiqətən bu adamların nadanlıq göstəricisidir. tariximizdən bu günədək bu millət üçün iki alternativ təqdim olunub: bir tərəfdə şeyx nəsrullahlar və arxasınca düzülmüş cahillər başlarımızın yarılması üçün zəncir tutmuş, digər tərəfdə isə tək-tənha mirzələr (fətəli, cəlil, sabir) kitab tutmuş. böyük əksəriyyətin seçimi zəncirdən yana olduğuna görə dünyanın bütün müsibətlərini yaşamağa məhkum olmuşuq. istər savaş olsun, istər dinc dövr olsun, maariflənməni, təhsili, mütailəni təxirə salmaq olmaz. bunun alternativi zəncirdir, zəncir. necə ki, yüz illər boyu daşımışıq...