4. əgər imtahan tipini dəyişsələr çox doğru bir addımdır. əvvəlki tqdk imtahanına baxıram, dil suallarına baxıram gülməyim gəlir. məsəl üçün, azərbaycan dilində 2015ci ilin qəbulunda bir çox abituriyenti yandıran bir sual var idi. sual əvvəlcə verilən mətnlə bağlı idi. tam dəqiq yadımda deyil ama dilin qanunlarından birinin pozulduğunu və onun hansı qanun olduğunu soruşurdular sualda. deməli mətndə bir dənə xüsusi isimi kiçik hərflə yazıblar ki bu qayda pozulmasıdı. o yazıq abituriyent imtahan həyəcanı ilə bütün mətni axtarır, qayda pozuntusu axtarır ancaq həmişə o kiçik hərflə yazılan söz gözündən qaçır. bəli bizdə belə suallar verirlər. baxırsan sata, adamlar əməlli başlı dil imtahanı keçirdirlər, tənqidi oxu. oxuyursan, mühakimə yürüdürsən, yazarın nə demək istədiyini anlamağa çalışırsan, yazarın haralarda kinayəli, ironiyalı olduğunu, bir söz birləşməsi ilə nəyə toxunmaq istədiyini düşünürsən. sonra baxıram tqdkya. bir sözü böyük hərflə yazmayıblar. sırf o suala görə həmin il neçə nəfər 700 yığa bilmədi.

bu ölkə gənclərinin də gələcəkdə tənqidi oxu kimi düşünmə tələb edən imtahanları olacağı ümidi ilə.