tarixi strategiya oyunları ilə məşhur paradox interactive'in (bax: europa universalis iv) city-building simulation tərzi oyunu. vaxt keçirmək üçün, hətta bağımlılıq yaradan şəhər qurma oyunudur. şirin qrafikası, detayları ilə içinə çəkir adamı.
yoxlamaq üçün cracked versiyanı yükləyib girdim. seçdiyiniz map'də sizə 50-60 min $ və highway (ana yol) yanında bomboş ərazi verir. öncəliklə, ərazinin içərilərinə doğru road (yol) çəkməlisiniz. bu yol ana yola bağlı olmalıdır ki, kənardan şəhərinizə turistlər girə bilsin. yolu necə çəkməyiniz sizə bağlıdır, əsas məsələ yolun ətrafına quracağınız tikililərdir. zira, yolun ətrafındakı 4 dama qalınlığında yer tikinti üçün sizə verilir. tikililəri qurmaq üçün road vacibdir. onsuz qurmaq olmur.
tikililərə gəldikdə isə, 3 növ tikili var. residential (yaşayış), market-avm tikililəri və industrial (sənaye). öncəliklə, ilk yolunuzu çəkdikdən sonra residential tikililərdən nisbətən uzaqda industrial tikililər qoymalısınız. zira industrial tikililər ətrafa həm pollution (kirlənmə), həm də noise-polution (səs kirliliyi, yəni səs-küy) yayır. bu da ümumi şəhər motivasiyasına təsir edir. şəhər əhalisi 400 nəfərə 800 nəfərə 1200 və ya 2200 nəfərə çatdıqca yeni tikililər açılır. məsələn, police station, fire station, school-high school-university, bus-stop və s. kimi tikililər. 2200 population'a çatdığınızda avtobus və ya tramvay xətləri əlavə edə bilirsiniz. avtobusun keçəcəyi küçələr, dayanacaqları falan hamısı sizin idarənizdədir.
amma öncəliklə tikililəri su və elektrik ilə təmin etməlisiniz. hər map'də su ehtiyatı olur (çay). çayın ətrafına water pumping system qurub oradan şəhərə borular ilə su çəkməlisiniz. elektrik verməsəniz su da çəkə bilməyəcəksiz.elektrik və su ən önəmli faktorlardandır.
şəhərdə müxtəlif səbəblərdən əhali narazılığı çıxa bilər. məsələn, işçi çatışmazlığı. bunu aradan qaldırmaq üçün yeni residential buildings tikməlisiniz. şəhər əhalisi artmalıdır. işçi çatışmazlığından başqa təhsilli işçi çatışmazlığı da var ki, onu da aradan qaldırmaq üçün məktəblər-universitetlər olmalıdır şəhərdə. əlavə olaraq, crime (cinayətkarlıq halları) səbəbindən bir save'im getmişdi, bütün şəhər cinayətkarlıq hadisələri ilə dağılmışdı ki, qarşısını almaq üçün police station'lar tikməlisiniz. əhalinin xəstələnməsi və s. kimi faktorlar da xəstəxanalar açılması ilə aradan götürülür. zibilyığan maşınların da önəmi var ki, şəhərdəki evlərin zibillərini yığmaq üçün zibillik tikirsiniz şəhərdən nisbətən uzaqda. oradan zibilyığan maşınlar evlərdən zibilləri götürüb ora atırlar. bu problemlərin biri diqqətə alınmadıqda yenidən başlama səbəbi ola bilər. zira əhali vecinizə olmadığını gördükdə ev və ya iş yerlərini tərk edib gedə bilir.
burada yazdıqlarım sadəcə iki günün təcrübəsidir. oynasanız özünüz əlavə daha çox şeylər görəcəksiniz. imkan tapan kimi steam hesabıma əlavə etməyi düşünürəm. tövsiyə olunur.
link
