3. bakıya gəlmiş ərəb turistlərin artmasıyla ortaya çıxmış vəziyyət ola bilər. amma ümumilikdə azərbaycanda hicab taxılmasının bu qədər yayğın olmasını düzgün hesab etmirəm. ay qardaş, mənim nənəm 80 yaşına qədər bir gün də başıaçıq gəzməyib, amma heç hicab da taxmayıb. hicab nə vaxtdan azərbaycan geyimi oldu? kim onu islamın göstəricisi etdi? bilmirəm. bildiyim odu ki, əgər sənin dini inancın səndən qapanmağı tələb edirsə, bunu təkcə hansısa xarici güclərin dirətdiyi narahat və yad geyimlərlə yox, elə öz geyimlərinlə də edə bilərsən. hansı ki, elə eyni və ya yaxın xarici güclər mənim nənələrimin başından kələğayını çıxarıb özlərinə oxşatmaq üçün yüz il əlləşiblər və görünür ki bacarıblar. bakıda uzun illərdi kələğayı taxan adam görmürəm. rayonlarda da əvvəllərə nəzərən az qarşıma çıxır. səbəb? bu ki bizim millətə xas geyimdir. niyə o başını bağlayanlardan biri də kələğayıyla, şalla bağlamır? quranda məgər yazılıb ki, müsəlman qadınlar məhz hicab bağlasın? hamı da bilir ki, bu zəhrimara qalmış geyim hansısa təriqətlərin və cərəyanların göstəricisidir.

başqa bir məsələ də var ki, insanlar inanclarını əməlləriylə yox, geyimləriylə başqalarının gözünə soxmağa meyillidirlər. xanımlarımız başlarına kələğayı bağlayanda heç kəs onların bunu inanc olaraq etdiyini düşünməyəcək. reklam şərtdi axı.