1. bu insanlar bekardılar. iki mövzuları var: biri bakirə qızlar, digəri "yaxşı oğlanlar" və ya "məhlə qaqaşları".
intellektual bazası olmayan, bakirəliyini itirmək istəməyən hər qız “Tükəzban”, kitab oxumayan, geniş analiz-təhlil qabiliyyəti olmayan, əlində təsbeh olan hər oğlan isə “məhlə qaqaşı”dır. “Tükəzban”lara, “qaqaş”lara da ki, nə istəsən, demək olar. Necə deyərlər, şərait var, mövzu yox. Otur, xalqı tənqid, təhqir elə. Sonra da bütün gün təhqir etdiyin xalqı səslə mübarizəyə, inqilaba. “Nah sana baklava”.

Həftədə 7 gün, gündə 12-16 saat işləyən insan mədəniyyət daşıyıcısı ola bilməz. Universitetdə hər cür haqqı tapdalanan, universitetdən sonra rüşvətsiz iş tapa bilməyən gənc mədəniyyət daşıyıcısı ola bilməz. Hər gün soyuqda avtobus gözləyərkən, yanından “papanın gül balaları”nın bahalı maşınları ilə şütüdüyünə görən insan mədəniyyət daşıyıcısı ola bilməz. Bu insanlar mənəvi cəhətdən sındırılmış şəxslərdir. Bu insanın nə imkanı, nə də pulu var ki, gəlsin sənin yazdığın kitabı alsın, hələ üstəlik ona yağdırdığın təhqirləri də oxusun, anlasın.

Bakirə qızları tənqid etməkdən yorulmursuz. O “Tükəzban” dediyiniz qızın bakirəlikdən başqa heç nəyi yoxdur əlində. Ona bir tək şey bəxş edilib, o da bakirəliyi. Bunu da ucuz satmaq istəmir. Əli təsbehli qaqaşın əlindəki tək sərvət qeyrət deyilən şeydən ibarətdir. Çünki ona bundan başqa heç nə verməyiblər.

Məsələni daha aydın bu linkdən zad edə bilərsiz.
http://kultura.az/articles.php?item_id=20121223115151820&sec_id=46