16. uşaq vaxtı televizorda bu film gedəndə baxmaq istədiyim üçün anam acıqlanardı, səbəbini bilməzdim, sənlik deyil, rədd ol get yat deyərdi.

yaşım artırdı, televizorda sadəcə cizgi filmlərə baxırdım. kompyuter alınandan sonra isə artıq televizorla demək olar yenə cizgi film xaric əlaqəm kəsilmişdi. sosial şəbəkələri kəşf etməyə başlayırdım. facebookda "mizah" səhifələrində təhminə filmindən zaurla təhminənin bağda sevişdiyi fraqmenti qoyub üstünə "tələsmə zaur" yazırdılar və buna gülürdülər çoxlu. minlərlə, milyonlarla insan təhminənin "dirty talk"una* glş gülürdü. anamın mənə bu filmi qadağan etməsini indi yaxşı anlayırdım. filmi izləməmiş mən, filmi sadəcə erotikadan ibarət görməyə başladım və heç oralı da olmadım, izləmədim.

daha sonra nəsə azərbaycan filmləri daha çox diqqətimi cəlb edirdi. yuxu, bəyin oğurlanması, alma almaya bənzər, yol əhvalatı, bir qalanın sirri və s. kimi filmlər göstərirdilər daha çox. mən də nənəm və babamla izləyirdim. təhminəni görə bilmirdim. bir gün yenə gördüm, amma gecə vaxtı idi. biri görər baxıram deyə baxmırdım.

və bu yay, filmlərə olan marağım artmışdı, ilk azərbaycan filmləri ilə başlamışdım. fəxrəddin manafov daha çox xoşuma gəlirdi. filmlərini izləyə izləyə növbə çattı "təhminə"yə.

ilahi. o qədər özümdən və xalqdan utandım ki. bu cür şedevr filmi necə də ucuzlaşdırıb sadəcə erotikadan ibarət göstərməyi bacarmışdılar ki?!

siz bir bədbəxt xalqa baxın! o boyda "təhminə" filmindən çıxardıqları nəticələrə baxın!
1.zaurun hardcore getməsi
2. təhminənin quş olması
3. sadəcə fırlanıb sevişmələri.

cılızlığa baxın siz. heç biri mi bu filmdəki mesajı görmürdü? o qədər gülən, caps hazırlayan adminlər heç mi izləməmişdilər bu filmi? bir insan nə qədər ruhsuz olar ki, bu filmdə təkcə erotikanı görər.

iş burasındadır ki, 17 yaşındaki mən, bu filmə baxarkən o qədər doluxsundum, o qədər pis oldum ki.. təkcə musiqiləri adamı kədərləndirməyə bəs edir. amma anam, o iyrənc adminlər, orta statistik xala və daydaylar isə hələ də bu filmi erotikadan ibarət görür..