6. ən böyüyü seriallarıdır. yadıma gəlir, ibtidai sinifdə oxuyarkən tək dərdim yemək və cizgi film idi. ailəmin təkcə yaxşılığı, bəlkə də saat 9da yatmağa məcbur etdikləri üçün bu seriallara baxa bilməməyim idi. -*

servislə gedirdik məktəbə, servis dediyim də balaca yaşıl avtobus idi, 30 uşağı kartof kimi daşıyırdılar.

yaşıdım qızlar var idi, həmişə arxa oturacaqlara yığılıb baxdıqları serialları müzakirə edirdilər. cizgi filmə baxanı yox idi. özümü çox tək və loser hiss edirdim. çünki mən izləmirdim deyə söhbət edə bilmirdim, uzaqbaşı musiqilərdən söz açılanda bir iki kəlmə deyə bilirdim. onsuz mənlə çox danışmırdılar.

arada xatirə dəftərləri tuturdular. qeyd edim ki, yaşları maks 10 idi.
sualların çoxsu belə idi:
"sevgi sizin üçün nədir?"
"sevgiliniz var?"
"xəyanəti bağışlayarsınız?"
"sevgi ilə bağlı ən sevdiyiniz söz?"
lan?! deyə içdən reaksiya versəm də, səhifələyib başqalarının yazdıqlarından ortaq məxrəcə gəlib şablon cavablar yazırdım. tək dərdim "görəsən bu gün makaron yeyəcəm?" və "ford bayard"a baxmaq idi.

3cü sinifdə oxuyanda artıq bu qızlardan biri sinif yoldaşı ilə flirtləşirdi. mən yenə loser kimi hiss edirdim.

amma keçən dəfə biri ilə bu barədə müzakirə edəndə nə qədər şanslı olduğumun fərqinə vardım.

sevmək, sevilmək, flirt o yaşlarda çox məsumanə şeylərdir, amma onlarınki məsum deyildi axı.. düzü o qızlar üçün fərqi yox idi, indi də sevmədən, sevginin məğzini dərk etmədən sevgili olub, bu termini ucuzlaşdırmağa davam edirlər. hamısının da səbəbi o axmaq, utopik, ürək bulandıran türk seriallarıdır. niyə anlamırlar axı ki, heç vaxt elə görünmürlər qıraqdan. istər 9 yaşında, istərsə də 18 yaşında, o serialları təqlid etməyə çalışırlar. heç nəyi götür qoy etmirlər.
anlamırlar ki,hər şeyin öz vaxtı var. təqlid naminə qabaqlarına çıxanla sevgili olub azadlıqlarını da puç edirlər. yəqin ki bilirik belələri, normal şəxslərlə yox, nevroz, manyak, qadağalarla özünü üstün sayan axmaqlarla sevgili olurlar.

təcili olaraq dövlət o serialları qadağan etməlidir. mən şahidi olurdum ki, o qızlar dərs eləmək yerinə günortalar da təkrar seriyalara baxırdılar. hamısı da 9dan çıxdı, 1-2si kollecə girdi, 1-2si də evdə oturub nişanlıdı. və yaşıdımdılar..

onları uçuruma itələyən elə bu seriallar deyil mi? ev tapşırığı eləmək yerinə niyə axı o axmaq serialları seçirlər?

axxx, yenə əsəbiləşdim.