alış-veriş zamanı ödədiyiniz ədv-nin müəyyən hissəsini geri qaytarmağa imkan verir. bu müəyyən hissə dediyim nağd alış-verişdə 10%, plastik kartla olan alış-verişlərdə isə 15% təşkil edir.istifadənin iki yolu var
1) saytın özündən. saytın özündən mobil nömrəniz və fin kodunuzla qeydiyyatdan keçirsiz. alış-verişdən sonra əldə etdiyiniz çekin fiskal kodunu (fiscal id) saytda daxil edirsiz. müəyyən müddət ərzində məbləğ balansınıza yüklənir. balansdakı məbləği öz plastik kartınıza köçürə (bu hələ aktiv deyil deyəsən) ya da bir başa saytdan ödənişlər edə bilərsiz. (kontur, su pulu və s.)
2) birkart mobil aplikasiyasından. burda da proses bənzərdi. sadəcə kodu əllə daxil etmək yerinə qr scanner ilə scan edirsiz.
bu prosesdə ən böyük problem fiscal id və qr kod məsələsidi. çünki bu dediklərim hər çekin üzərində yoxdu. məsələn marketdən aldığım çekdə var amma new-yorker-dən aldığım çekdə yox idi.
fiscal id-ni tapmaq üçün monitoring.e-kassa.gov.az-da çekin kodunu daxil etmək lazım olduğunu deyillər. amma bura da nə daxil edəcəyimi bilmirəm. (bilənlər varsa məni də aydınlatsınlar)
edit: fiscal id məsələsi istifadə olunan kassa aparatına görədi. fiscal id yalnız "yeni nəsil" kassa aparatlarında var. ona görə getdiyiniz hər mağazada, restoranda bu cür çeklər əldə etməyiniz mümkün olmaya bilər. məsələn bravo marketin əhmədlidəki mağazasında bu aparat var amma neftçilərdəki nisbətən kiçik mağazada yoxdu.