1. Başlamadan kiçik bir qeyd : Heç kəsin xətrinə dəymədən, nə şiş yansın, nə kabab mottosunda nələrsə yazmağa çalışsam da böyük ehtimal alındıra bilməyəcəm və hədəf taxtası olacağam. Amma bunu gözə alaraq yenə də yazmaq istəyirəm.

qadınların özlərini üstün cins hesab etmələri - buna müqabil olaraq da, qadınların bir çoxu "kişi məni saxlasın", "kişi qazanıb öz qadınını saxlamalıdır", "kişi daşdan pul çıxartmalıdır" düşüncəsi ilə yaşayırlar. Bütün pis hadisələr qadının başına gəlir, bütün cinayətlər qadına münasibətdə törədilir, sanki bir kişinin həyatında ona yön verən bir qadın yoxdursa, o adam heç bir işə yaraya bilməz. Keçin artıq bunları. Anlamadıqları şey isə kişi olmağın da ən az qadın olmaq qədər çətin və məşəqqətli olmasıdır. Xüsusən də azərbaycan üçün götürəndə. Ümumi desək, bu torpaqlarda insan kimi yaşamaq elə çətin bir məsələdir və bunu daha da çətinləşdirməyin yeri yoxdur.
Sanki qadın olmağın nəsə bir ekstrası olmalı imiş kimi hər zaman əl üstündə tutulmaq istəyirlər. Nədən şikayət edirlər bilmirəm, dünya səviyyəsində qadın hüquqlarını qoruyan yüzlərlə müqavilə, protokol var, ailə nəzdində məhkəmə işlərinin yüzdə 90-ı qadın tərəfinin üstünlüyü ilə nəticələnir. Kişi əsgər olmalıdır, kişi ailənin dayağı olmalıdır, kişi qadınını qorumalıdır, kişi ağlaya bilməz, amma qadın ağlarsa dünya yerindən oynamalıdır.

feminizmdən sui-istifadə edilməsi - yuxarıdakı fikrə qüvvət vermək üçün belə bir məsələni qeyd edirəm. Səbəb isə feminizmin matriarxatlıqla səhv salınmasıdır. Müasir feministlər bərabərlik filan istəmirlər, qadınların bu və ya digər səbəbdən üstün , ali olduğunu müdafiə edib, bundan maksimum prim əldə etmək istəyirlər. Feminizmin ilk yarandığı dövrlərdə əsas tutulan ideallarına baxanda həqiqətən də istər-istəməz dəstəkləyirsən, deyirsən hə həqiqətən də belə olmalıdır. Amma onu təmsil edən nümayəndələrinə və təmsil etmə şəkillərinə baxanda artıq uzaqlaşırsan bu idealdan. Feminizmin adı gələndə qulaqlarını qapamaq istəyirsən.
Türkiyədə hələ də feminist qruplar "qadın dedin" , "yox bayan dedin" davası eliyirlər. Əsas idealdan uzaqlaşıb, mənasız bir fikri haqlı çıxartmaq üçün haqsız bir mübarizə üsuluna sarılırlar. Haqlı olduqları halda haqsız statusuna düşürlər.

azadlığı səhv anlamaları - təbii ki, hamıya aid etmirəm ancaq, azadlıq deyəndə qadınların ağlına açıq-saçıq geyinmək, tatoo vurdurmaq, saçını yaraşıb-yaraşmadığına baxmadan 2-3 ayrı rəngə boyamaq, enyi anda birdən artıq oğlanla gəzmək, içki şüşəsinin dibini görmək gəlir. Yenə deyirəm heç kəsin şəxsi həyatı məni maraqlandırmır, lap istəsən başından ayağına qədər tatoo vurdur, mənə maraqlı deyil. Sadəcə bunu bil ki, azad olmaq bu demək deyil, əgər azadsansa öz şəxsi həyatınla bağlı qərarlarını özün verə bilirsən, heç kimdən maliyyə cəhətdən asılı deyilsən və s. Qısaca azadsansa azadsan qurtardı getdi, bunu bəlli etmək üçün artıq bir fiziki göstəriciyə ehtiyac yoxdur.

gərəksiz qısqanclıq - əslində bunu hər iki cinsə aid edirəm. yerli-yersiz qısqanclıq triplərinə girib bütün aradakı sevgi və hörməti öldürürlər, özlərinə güvənləri olmadığı üçün qarşı tərəfi ittiham edirlər, həyatının bütün kontrolunu əllərinə almaq istəyirlər. Belə olanda təkcə qarşı tərəfdən soyumuram, təmiz nifrət edirəm sevgiyə də, eşqə də.

kezbanlar - indi müqayisə edirəm kimi görünə bilər, amma nə avropa ölkələrində, nə də rusiyada belə cins bir qadın tipinə rast gəlməmişəm, təkcə qarşı cinsdən deyil, həyatdan soyudur belələri. Düşünürəm ki, bunda əsas günahkar yenə şərq toplumlarının düşüncə tərzidi. Nə üçün bilmirəm amma bizdə qadın gərəksiz yerə ilahiləşdirilir, qadın namus timsalı halına gətirilir, qadına yüklənən bu gərəksiz anlama görə onu qapanmağa məcbur edir şərq toplumu, hər kəsdən gizlədir, sanki dəyərli bir əşyaymış kimi. Qadının bəkarəti nədənsə namusun simvolu halına çevrilir, o gedərsə hər şey bitər. Nə qədər baş sındırsam da bu düşüncə tərzini ağla məntiqə oturda bilmirəm, halbuki hər insanın şərəfi də namusu da özünə məxsusdu. Qadın olsun ya kişi, başqasının namusunun dərdini niyə mən çəkməliyəm? əslinə qalanda isə cinslər arasında belə bir uçurum yaradılması sadəcə olaraq mənasızdı.