2. nəinki adı çəkilən, habelə dominant xarakterə malik bütün it növlərinin sahiblərinin dövlət orqanları və s. tərəfindən yoxlanılmasının zərurət olduğunu sübut edən hadisə, hadisələr.

ilk öncə qeyd etmək lazımdır ki, "pis it və ya it növü yoxdur, pis, təcrübəsiz və ya məsuliyyətsiz it sahibi var". və hər kəs bilsin ki, adı çəkilən it növü qəsdən bu cür hadisələrin tez-tez işıqlandırılması ilə istismar edilir!

bir hadisəni danışım. bir müddət bizim də həyətimizdə dominant xarakterli it növünə mənsub olan bir it olub. necə sahibləndik? günlərin bir günü hansısa bir kəndlidən keçmişi barədə heç bir fikrə malik olmadan 100-200 manata alınaraq evə gətirildi. niyə alındı? həyəti qorumaq üçün. insanlara qarşı münasibəti olduqca normal idi. açığı, həyətə oğru daxil olsaydı belə, ona toxunmazdı. uzağı, oğru o zəhmli sifəti görüb həyətdən çıxardı. amma gəl gör ki, itlərlə sosiallaşması düzgün aparılmamışdı. yuxarıdakı entridə paylaşılan videodakının eynisini mən yaşamışam. bir küçə itinin davamlı hürməsinin təhlükə siqnalı olduğunu bilmədən, ətrafımdakı mənim kimi 10-12 yaşlı uşaqlarla birgə Toplanı həmin hürən küçə itinə yaxınlaşdırmışdıq. sonra iti tutdu və hardasa 15 dəqiqə buraxmadı. it zingildəyirdi. bütün məhəllə töküldü. başına dəmir vedrə ilə də vurdular, buraxmırdı. hər yer qan içində idi. vəziyyət elə idi ki, əyilib düz gözünün yanında yalvarırdım ki, buraxsın. ən sonda necə oldusa, aralandı. məni bir nəfər dərhal ordan uzaqlaşdırdı.

indi gəl baxaq məsələyə: bu itin uşağın əlində nə işi var idi? günah o iti uşağın əlinə verəndə, o iti düzgün böyütməyəndə, iti tanımadan alıb gətirəndə, itləri müdafiə məqsədli alıb onların başlıca qayğılarını nəzərə almayanda, iti qeyri-müvafiq insana satandadır.