ndən bəhs edən kitab haqqında başlıq oxudum və biraz araşdırdım. hadisə 2013-cü ilə aid olsa da, bunu paylaşmaq istədim.coy mathis oğlan bədənində doğulan, amma özünü qız kimi hiss edən bir uşaq olub. ailəsinin dediyinə görə, 18 aylığından etibarən coy qız paltarlarına, xüsusən də çəhrayı rəngə daha çox üstünlük verib. zaman keçdikcə oğlan paltarlarından, oyuncaqlarından uzaq duran coy ailəsinin ona aldığı iron man oyuncağını qardaşına verərək "bu sənin üçündür" - demişdi. o gündən sonra ailəsi ev daxilində onun istədiyini geyinməsinə icazə verdi. lakin mühafizəkar çevrələri və cəmiyyət təzyiqinə görə çölə çıxanda oğlan paltarlarından istifadə etməli idi. belə olduqda da coy çölə çıxmaq istəmir və psixoloji cəhətdən zərbə alırdı.
bağça dövründə gözləmədikləri münasibətlə rastlaşan valideynlər sevinirdilər, çünki istər digər valideynlər, istərsə də onların uşaqları coy-un seçiminə hörmət edirdilər. bağçada coy qızlarla oynayır, hətta onun qızların tualetindən istifadə etməsinə icazə verirdilər.
artıq birinci sinfə başlayan coy orada da qızların tualetindən istifadə edirdi. lakin 2012-ci ilin dekabrında məktəb müdiri bir gecə evlərinə zəng edərək "qış tətilindən sonra coy-un qızların tualetindən istifadəsinə icazə verilməyəcək. bundan sonrakı addımlar üçün sizinlə iclas keçirməliyik" - deyib.
müdir bu qərarın səbəbi kimi coyun yaşı artdıqca cinsi orqanlarının da inkişaf edəcəyi və gələcəkdə onun qızlarla eyni tualetdən istifadə etməsinin problemlər yaradacağını bildirib. həmçinin müdir coy üçün işçilərin və ya fiziki-qüsurlu şagirdlərin tualetini məsləhət gördü. coyun ailəsi isə coy və digər dörd uşağını məktəbdən çıxarıb distant təhsilə davam etdirmiş və bununla bağlı kolorado insan haqları birliyi və bölgədəki bir çox transseksual icmaları ilə əlaqə saxlamışdır.
2013-ün fevralında ailə "transseksualların qanuni müdafiəsi və təhsil fondu"nun köməyi ilə qərarı şikayət etdi. bu zaman dünyada tanınan coya çoxlu dəstək gəlmişdi. uzun marafondan sonra 2013-cü ilin iyun ayında qərar ləğv edildi və transseksual olaraq bilinən uşaqların istədiyi tualetdən istifadə etməsinə icazə verildi. və coy yenidən məktəbə qayıtdı. o dövrdə trans haqlarının qoruyucusu olan vəkillər bunu "ədalətin qələbəsi" adlandırmışdı və trans haqları təşkilatının da qələbəsi olaraq anılmışdı.
2016-cı ildə bu hadisə ilə bağlı "growing up coy" adlı sənədli film çəkilmiş, 6 yanvar 2017-ci il tarixində isə netflix tərəfindən filmin 190 ölkədə yayımlanasına başlanılmışdır.
sonradan yazılan qeyd: illər əvvəl homoseksual olduğu üçün intihar edən 9 yaşlı uşaq başlığındakı fikrimdən nisbətən uzaqlaşmağıma səbəb olan hadisədir həmçinin. tibb dünyasının gələcəkdə bununla bağlı çox geniş araşdırmalar aparacağını və vahid nəticəyə gələcəklərini düşünürəm.