ispancadan ingiliscəyə tərcüməsi "the two fridas" olan əsər 1939-cu ildə çəkilmişdir. əsərdə fridanın diegonun tərkedişini dərin bir ağrıyla çəkdiyinə dair maraqlı detallar var.
əvvəla şəkildə yan-yana oturmuş 2 frida təsvir olunub hansı ki, soldakı avropa mədəniyyətli, victoria dönəminə aid ağ paltar geyinən, sağdakı isə sıradan meksika paltarıyla bildiyimiz meksika yerlisi fridanı təsvir edir və əslində bu iki frida bizə onun həyatının iki fərqli dönəmlərini işarə edir.
əl-ələ tutmuş fridalar bir-birinə damar vasitəsiylə bağlanıblar. meksikalı fridanın böyük ürəyi diegonun sevdiyi fridaya, avropalı fridanın kiçik və kəsiklərlə dolu ürəyi diegonun tərk etdiyi fridaya aid olmasıdır.
hər iki fridanın əlində bir əşya var. ağ geyimli frida əlindəki qayçı ilə meksikalı fridanın əlində tutduğu diegonun şəklindən başlayan damarı kəsmiş və üstünə qan tökülmüşdür. kəsilmiş damar ayrılığı, qan isə saldığı uşaqları işarə edir.
arxa planda qaranlıq, fırtınalı səma fridanın daxili aləminin əsərə yansımasıdır.
frida kahlo bu əsəri yaratdıqdan 1 il sonra, yəni 1940-cı ildə diego riverayla yenidən evləndi və bu evlilik ömürlərinin sonuna qədər davam etdi.
əsər yağlı boya ilə işlənmişdir və kahlonun ilk böyük ölçüdə olan əsəridir. ölçüləri 173.5 sm x 173 sm olan əsər sürrealizm cərəyanına aiddir və hal-hazırda meksika müasir incəsənət muzeyində saxlanılır.