1. Thor-un qarşılaşdığı ən ölümcül, ən acımasız və ən təhlükəli supervillain heç şübhəsiz Mangog-dur. Asgard-ı bir neçə saniyə ərzində yerlə-yeksan edəcək qüvvəyə sahib olan əsrarəngiz varlıqdan söhbət edirik. Mangog aciz hisslərdən (qorxu, nifrət, acı) bəslənir. O, All father Odin-in öldürdüyü milyardlarla canlının bir bədəndə cəmləşdiyi məxluqdur. Bir sözlə, Tanrıların hater-i olan Mangog yaşayan intiqamın özüdür. Thor Odinson normal şərtlər altında Mangog-a qalib gələ bilməyəcəyini etiraf etmişdir.

Debüt etdiyi ilk vaxtlardan etibarən Asgard torpaqlarını təhdid etməyə başlamışdır. Milyardlarla öldürülmüş canlının bir bədənə kanalizasiya edilməsi, Mangog-un güc və nifrətini limitsiz səviyyədə artırmışdır. Zevs və Odin kimi Səma Tanrılarından ( Skyfathers) daha güclü olduğu iddia olunan Mangog, Mjolnir-in həmlələrinə çox asanlıqla reaksiya vermiş və davam gətirmişdir. Mangog cismani varlıq olduğu üçün fiziki hücumlara məruz qala bilər, lakin, onunla əlbəyaxa döyüşüb, qalib gələcək qədər çox az şəxs tanıyıram.

Thor-un ən güclü versiyası olan Rune King Thor RKT Asgardian.aləminin məşhur Ragnarok hekayəsində Mangog-u sadəcə bir hərəkətlə öldürmüşdür. Ragnarok döngüsü başa çatdıqdan sonra Mangog yenidən canlanmışdır. Mighty Thor ( Jane Foster-in FEMALE Thor olduğu macəra) komiks seriyasında Odin, The Serpent, Thor, Heimdall kimi cəsur Asgard döyüşçüləri ilə yanaşı, ən qorxunc zirehlərdən biri olan Destroyer-də MANGOG tərəfindən məğlubiyyətə uğradıldı. She Thor Jane Foster, Mangog-a qalib gəlmək üçün məcbur qalaraq onu çəkiciylə birlikdə günəşə göndərdi. Bu Mangog üçün necə deyərlər müvəqqəti geriləmədir, hamımız bilirik ki, o yenidən geri dönəcək. Və bu dəfə Asgard dünyasını daha böyük qəzəblə tənəzzülə uğratmağa səy göstərəcək.

Not: Mangog-un gücü base Thanos-la müqayisə edilir.

mənbə: Marvel Azərbaycan