1. mənfi temperaturda havadakı şehin donaraq əmələ gətirdiyi kristallar.
xüsusən qış aylarında müşahidə olunur. uşaq vaxtı elə bilirdim ki, yerdəki qardır. sevinirdim həmişə. bu sabah da həyətimizdə gördüm qırov, nostalji yaşadım bir anlıq.

qara oxşasa da, qırov günəş çıxan kimi tez əriyir, üstəlik kristalları da sanki daha nazik olur. qarla əsas fərqi odur ki, qırov havadakı buxarın və şehin kristallaşmış halıdır. lakin qar buluddan düşür, qırova nəzərən daha gec əriyir.