25. narahat edici haldır vol.2

niyə?

çünki şəxsi seçim deyil. şəxsi seçim o halda ola bilərdi ki, hicab taxmaq dinə mənsubiyyət bildirsin. islamda qadının hicab taxması, onun müsəlman olduğunu bildirən bir şey deyil. çünki müsəlmanlara görə dünyadakı bütün qadınlar örtünməlidir.
gəlin anlayışları qarışdırmayaq. boğazına xaçlı boyunbağı taxan qadın özünün xristianlığa mənsubiyyətini bildirir. çünki xaç taxmaq kimi bir məcburiyyəti yoxdur. simvolika belə olur. hicab isə simvol deyil, təzyiq vasitəsidir. taxan əxlaqlı, taxmayan isə əxlaqsızdır deməkdir. hicabı taxan qadın avtomatik olaraq ətrafında taxmayan hər bir qadını əxlaqsız elan edir. niyə? hicab taxmaq anlayışının mənbəyinə baxaq: hicab, dindarların qadınlar üzərində hakimiyyətini qurmaq üçün bir vasitə kimi yaradılıb. qadını mülkiləşdirib, özününküləşdirib, onun görüntüsünü belə başqaları ilə paylaşmağı qadağan edib. saçı görünən, qolunun bükümü görünən qadın başqa kişidə şəhvət * şəfqət yaratmasın deyə örtülsün deyiblər. saçı, əzaları görünsün istəyən qadın naməhrəmlərdə şəhvət oyatmaq istəyən qadındır və beləliklə də, dinə görə, əxlaqsızdır. bir qadın hicab taxıb, bunun məndən başqa heç kimə dəxli yoxdu deyə bilməz. çünki özünü hamıdan ayırır; din, allah qatında özünü əxlaqlı elan edir. bu hərəkəti ilə də, taxmayanları dolayı yolla mühakimə edir.
nə vaxtsa islamın bütün geriçi nümayəndələri yer üzündən silinsə, o dəyərlərə inanan qalmasa və din sadəcə kultural mənsubiyyət bildirən bir şey olsa, o vaxt sən sadəcə özünü fərqləndirmək üçün hicabdan və yaxud da yeni bir simvol kəşf edib, ondan istifadə edə bilərsən. hansı ki, yaxın zamanda mümkün görünmür.

təzyiq vasitəsi olaraq yaradılmış bir şeyi seçməklə azad seçim edilmir.
(baxma: bana seçme şansı vermediler, ben de incir reçelini seçtim)

edit: dərd orasıdı ki, mənim kiminsə nəyəsə inanmağı, namaz qılmağı, dinini yaşamağı ilə problemim yoxdur. Sırf bir cinsin dindən təzyiq aləti kimi istifadə edib digərini əzməyini, onu özü seçmiş hiss edəcək qədər beynini yumağını pisləyirəm. Elə də çətin başa düşüləcək konsept deyil.
(bax: qəfəsdə 4 meymun təcrübəsi)

edit: sözlükdən belə kəndçi yanaşma gözləməzdim. mövzunun çox səthində qalmısız.
bugün sənə heç nə ifadə eləməsə də, hardasa nazi salamı versən, səni nazi sempatizanı hesab edəcəklər. çünki vacib olan bir anlayışın çıxış nöqtəsidi. onun bugün mənbədən xəbərsiz kimsə tərəfindən "yaxşı mənada" istifadə olunması, onun mənbəsini dəyişmir. hicab da opressing tooldu və bugün hansısa ümbülnisə hicabı çiçək böcək sanıb başını bağlayırsa, kimsə çıxıb ona həqiqəti deməlidi.
insanın nəyisə seçməyi hələ nəyi seçdiyinin fərqində olduğu demək deyil.