1. fransız yazıçı, dramaturq, ssenarist. əsl adı quoirezdir. sagan adını marcel proustun itirilmiş vaxtın axtarışında romanındakı şəhzadə sagan xarakterindən götürmüşdür.ekzistensial çalarları özündə saxlayan psixoloji romanlarıyla məşhurdur. salam kədər(bonjour tristesse), müəmmalı təbəssüm( un certain sourire), bramsı sevirsinizmi?( aimez-vous brahms?) və s kimi əsərlərin müəllifidir. saganın yaradıcılıq metodunun formalaşmasında jean paul sartreın pessimizm fəlsəfəsi nəzəriyyəsinin rolu var. şüur axını nəzəriyyəsinin də əsərlərinə birbaşa təsiri vardır. buna baxmayaraq sagan əsərlərini sırf ekzistensializm nümunəsi hesab etmək olmaz. onun obrazları dünyaya biganədirlər. yüngül, meşşan təbiətli xarakterlər səciyyəvidir. əksər qəhrəmanları tənhalıq və kədərlə baş başadır. haqqında diane kurysin çəkdiyi bioqrafik sagan filmi var.