1. - sifariş verən: xalamın şeyi olsa dayı deyərdim

21 oktyabr vəhşicəsinə qətlinin 2 ili tamam olan polkovnik.
fransanın müdafiə naziri jerar lonqe açıqladı:onun ölkəsinin aviasiyası oktyabrın 20si səhər bmtnin üzvü olan başqa bir ölkənin ərazisində 15 maşından ibarət karvanı bombalayıb.qəddafi,oğlu və daha azı 50 nəfər həmin karvandaydı.
sonra ağır yaralı qəddafini daha çox kusturitsanın filmlərindəki qaraçı taborunu xatırladan üsyançılar ələ keçirir.onların 8 aydır işləri budur:ölkələrini natoya bombaladıb,sonra girib şəhərlərdə yaralıları güllələyir,əsirlərə işkəncə verir,qadınları zorlayır,evləri qarət edirlər.(bunu amnesty international da təsdiqləyir).elə onlar da canvermə ilə yoxluq arasında olan polkovniki linç edirlər.aqoniya xırıltıları keçirən,artıq huşu başında olmayan,son nəfəsdəki insanı allahu əkbər çığırtıları altında döyür,söyür,saçlarını didir,çəkməsini başına vurur(islamda ən böyük təhqirlərdən biri),sonra isə güllə ilə bitirirlər.bu kadrlara əl telefonunda baxan hilari klinton wow qışqırır,sonra da çıxıb elan edir:rahat nəfəs almaq olar,daha bir maneə məhv edildi.əlbəttə,söhbət amerika demokratiyası yolundakı maneədən gedir.o demokratiyanı klinton əl telefonunda gördüyü başkəsənlərlə birlikdə quracaq.yeni marionet hökumətə isə fevrala qədər liviyanın ədliyyə naziri olmuş kollaborsionist başçılıq edəcək.obama,sarkozi,berluskonin reaksiyaları:qəddafinin məhvini alqışlayırıq.bizsə elə bilirdik ki,normal leksikonda,liberal dəyərlərdə alqışlamaq nekrofiliya ilə yox,bayramla,həyatla,müsbət emosiyalarla bağlıdır.liberal-faşizmdə əksinəymiş.hələ yayda nato məqsədlərinin qəddafini məhz məhv etmək olduğunu açıqlamışdı.yəni heç bir məhkəmə olmayacaq.elə kusturitsa personajlarına,21ci əsrin vlasovçularına da məhz qəddafini öldürmək tapşırılmışdı.əks halda məhkəmədə o müttəhimdən ittihamçıya çevrilə bilərdi.son 5 ildə liberala çevrilmiş qəddafi qərblə yaxınlaşmaları,obama,sarkozi,berluskoni ilə əməkdaşlığı barədə saysız faktları dilə gətirərdi.polkovnik sonunun nə ilə bitəcəyini bilirdi və ona hazırdı.ölkəsindən heç yerə getməyəcəyini demişdi və sözünü tutdu.nahaq yerə onu məcnun adlandırmırlar.bu dəlilik yox,ideasında israrlılıq əlamətidir.qəddafi ölümü seçmişdi.yoxsa lap əvvəldən ölkədən çıxıb gedərdi.onu venesuelada uqo çaves,zimbabvedə muqabe,uqandada museveni gözləyirdi.pulunu da,ailəsini də xilas edərdi.getmədi.və heç olmasa buna görə bu insana apriori simpatiya bəsləmək lazım.qəddafini xalq yıxdı deyən çeşidli personajlar nədənsə söhbət 1993cü ildən və azərbaycandan düşəndə bunun tərsini söyləyirlər.axı onların məntiqi ilə elə elçibəy hökumətini də xalq yıxıb,heydər əliyevi də xalq gətirib.belədirmi?xeyr.cəbhə hakimiyyətini xalq yıxmamışdı-bu mənim fikrimdir.necə ki qəddafini xalq devirmədi.bunun əksini söyləyənlər öz 18 il əvvəlki tarixlərini də təftiş etməlidirlər.qəddafinin qətli ilə başlayan liviya tarixi nato ilə kollaborsionistlərin birgə sənət əsəridir(elə 18 il əvvəl də bakıdan naxçıvana zəngi xalq yox,o vaxtın baş naziri etmişdi).liberal faşizmlə polisayların sənət əsəri.21ci əsrin hitleri ilə 21ci əsrin vlasovçularının.və elə qəddafinin son dəqiqələri də polisayların partizanlara tutduğu divanı xatırladır.qəddafinin son 5 illik idarəçiliyi(qərbə yaxınlaşması) onun böyük səhvi idi.ölkəsində xalq kapitalizmi(nonsens) qurmağa başlayan,kloun sarkozini maliyyələşdirən qəddafi tələyə düşdü.buna baxmayaraq üstünə bütün dünyanın yeridiyi polkovnik 8 ay müqavimət göstərməklə qərbin gözlədiyi domino effekti ssenarisini yerə vurdu.qəddafi antiimperialist idi və sol deyildi.düzdür,nə vaxtsa idi əmin də,pol pot da antiimperialist idilər.ancaq fərq ölçüyəgəlməzdir.qəddafinin iqtisadi və sosial siyasətinə ilişə bilməyənlər onun on minlərlə insanı məhv etdirdiyini yazırlar.yalan!onlar qəddafini idi əminlə,balaca buşla,sarkozi ilə səhv salıblar.42 illik hakimiyyətində liviya lideri heç vaxt kütləvi repressiyalara əl atmayıb,türmələri siyasi məhbuslarla doldurmayıb,hətta uzaq 1969cu ildə kral idrisi devirəndə də qan tökməyib.kralın həbs olunan oğlunu isə bir gün sonra azad edib(kral özü o vaxt türkiyədə müalicədə idi).indi liviyada qapqara dövr başlayır.hamı hamıya qarşı.və o dövrün necə olacağından qəddafinin qətl səhnəsi,bu səhnəni müşayiət edən allahu əkbər çığırtıları,aqoniyada olan insanın linçi,oğlunu cəsədinin hamının seyrinə çıxarılması və bütün bunların həyasızcasına tirajlanaraq yayılması əyani xəbər verir.və özünü liberal dəyərlərin,insan haqqlarının müdafiəçisi sayanlar həmin görüntüləri yayıb bəh-bəhlə şərh edirlər.nekrofillər..siz artıq həyatda olmayan insanı təhqir etmirsiz,özünüzün içini təbliğ edirsiz.yəqin demokratiya və liberal dəyərlər elə buymuş-işğala,nekrofiliyaya,işkəncələrə hə qışqırmaq..

məmməd süleymanovun qeydlərindən..(21 oktyabr 2011)
p.s.yazı kiril əlifbasında idi deyə copy paste etmədim,çevirdim.