8. müsəlmanların allahın möcüzəsi kimi qələmə verdiyi faktor. bu insanlar deyirlər ki, "dünyadakı 7 milyard insanın hamısının barmaq izləri fərqlidi. bu cür təsadüf ola bilər?"

ilk olaraq onu deyim ki, barmaq izlərinin fərqli olması tək insanlara aid bir xüsusiyyət deyil. digər məməlilərdə - qorillalarda, şimpanzelərdə, avstraliyadakı koalalarda, şimali amerikadakı suda yaşayan bəzi məməlilərdə də bu fərqliliyə rast gəlmək olur.

barmaq izlərimizin bir-birindən fərqli olmağının səbəbi, eyni şeyin iki fərqli insanda tamamilə eyni cür əmələ gəlmə ehtimalının çox aşağı olmağıdır. ancaq bu ehtimal sıfır deyil. ehtimalın bu qədər aşağı olmağına görə barmaq izlərindən insanları bir-birindən ayırmaq üçün istifadə edilir. barmaq izlərinin fərqli olmağının səbəbi bu izlərin tamamilə təsadüfi formada yaranmağıdır. izlər yaranarkən "mən başqa izlərlə oxşar olmalıyam" fikri ilə yaranmırlar. dediyim kimi təsadüfi şəkildə yaranırlar. barmaq izlərindəki xəttlərin çox olması barmaqların bir-birinə bənzəmə ehtimalını biraz da azaldır. məhz buna görə barmaq izləri bir-birindən fərqlənir.

barmaq izlərinin eyni olma ehtimalının az olmasına oxşar misallar gətirmək olar. məsələn, göydən sonsuz sahəli bir yerə bir yarpağın düşdüyünü fikirləşək. o yarpaq düşdükdən sonra ikinci bir yarpağında tamamilə təsadüfi şəkildə, hər hansısa bir yerə düşdüyünü fikirləşək. ikinci yarpağın birinci yarpağın düz üzərinə düşmə ehtimalı çox aşağıdır. çünki ərazi çox böyükdür. və onların üst-üstə düşmə ehtimalı də 0-a yaxındır. barmaq izləri də bu cürdür. müxtəlif cür formalarda yarana bilən barmaq izlərinin eyni olma ehtimalı çox aşağıdır. amma bu mümkündür. məşhur britaniyalı alim sis francis galton, iki nəfərin eyni barmağ izinə sahib olma ehtimalının təxminən 64 milyardda 1 olduğunu hesablamışdır. dünyada isə bu günə kimi 104 milyard insanın yaşadığı düşünülür. əlbəttə, ehtimalın 64 milyardda 1 olmağı onun heç vaxt olmayacağınna dəlalət etmir. amma aydın olduğu kimi bu ehtimalın çox aşağı olmağı barmaq izlərinin fərqli olmağının tək səbəbidir.

müsəlmanlara isə onu demək istəyirəm ki, hər şeydə səbəbin allah olduğunu düşünməyin. yəni "barmaq izləri bizi bir-birimizdən ayırmaq üçün var edilmiş xüsusiyyətlərdir" olaraq deyil, "elm insanları, barmaq izlərimizin fərqli ola biləcəyini kəşf etdikdən sonra bizi ayırmaq üçün barmaq izlərimizdən istifadə edirlər" şəklində düşünüb, doğru məntiqə sahib olmaq lazımdır.