10. tənqid:

intro hissəsi mənə, tarantinonun girişində istifadə etməkdən yorulmadığı portağal rəngini və pulp fictionı xatırlatdı. zənnimcə oradan şüuraltı olaraq təsirlənmə var və ya yanılıram. şriftləri biraz yığcam etmək olardı, daha estetik alınır.
filmin girişində istifadə edilən detal çəkimləri hekayənin içində öz yerini tapmadı. normalda film kadrajına girən əşya, insan, bulud və ya hər nələrsə ssenari və hekayəylə bağlı olmalıdır. detal çəkiminin içində van gogh portretinin olması maraqlı idi.
təəssüf ki artıq saqqız kimi çeynilən siqaretlə filmə başlamaq, flu halında dəqiqliyi sifətə cilovlamağın tipikliyi, bu filmin girişində öz yerini qoruyur. tələbə filmlərinin olmazsa olmazı halına gəlmiş siqaret, marixuana, qara kadraf istifadələri artıq aşılmalıdır. ya da hekayəni daha da drammatik hala gətirməlidir.
film ağ qaradır. içində femme fatale olmadığına görə, arxa küçələrdə cinayət işlənilmədiyinə görə film sözsüz ki film noir deyil. ağ qara filmlərin bir çoxu tələbələrə aiddir və ağ qara görüntü, izləyicinin gözünü aldatmağa hesablanıb. yaranan texniki səhvlərin üstü örtülür.
ortalıqda ssenari yoxdur, gördüyüm qədəriylə doğaçlama (ağıza nə gəldi) texnikası istifadə edilib. amma hər hansısa səhnələnmə, xarakter analizləri yoxdur. ssenari hekayənin bir üst formatıdır. və sadəcə diyaloq və monoloqlardan ibarət deyil. ona görə də ssenari əksikdir.
aktyor həddindən artıq teatraldır. teatr aktyoru olmaq ehtimalı var, ya da yoxdur, bilmirəm. amma film və teatr aktyorluğu tamam fərqlidir və hər biri aid olduğu səhnədə istifadə edilməlidir.
söyüşlərdə bir problem yoxdur. nəticə olaraq paradokslar yaşayan xarakterin iç dünyasıyla yaratdığı əlaqədir və söyüş, özünü idarə etmədə çətinliklərin varlığı inandırıcıdır. mən öz içimdə inqılab etməyə çalışanları söyürəm.
montaj zəyifdir və çətin işdir. prof bir insanla işləmədiyiniz müddətdə tipik keçid sekanslarında problemlər yaşaya bilərsiniz. plastilin filmi də bu problemlərdən artıqlamasıyla əziyyət çəkir.
kamera rejitasiyası yoxdur. 30 dəqiqə ərzində kameranın ən azından pan etməyini gözlədim, amma olmadı. bunun iki səbəbi var. bir: rejissor bu çəkilişdən istifadə etmir. iki: imkanlar qısıtlıdır. yəqin hər ikisindən biraz var.
tripod, motor(!) modunda olduğuna görə action yaradacaq gücə sahib deyil.
filmə bir janr adı qoysaq, üçüncü sinif dramadır. məşqdir.
leylanı görmürük. görsəydik də nələrinsə dəyişəcəyinə inanmıram. bu çəktikləri ilk filmdirmi, deyilmi, onu da bilmirəm. ilkdirsə on bal üstündən beş vermək olar. yox ikinci vəya üçüncüdürsə, sıfır.

nəticə olaraq işdir, yoxlamaqdan uduzan insan olmur. gələcək işlərində (əgər olacaqsa) uğurlar.
(baxma: ağır tənqid)