3. Filmin adı tam olaraq "Christiane F. - wir kinder vom bahnhof zoo" adlanır. Yuxarıdakı entry'də filmin məzmunu ilə bağlı ətraflı məlumat verilib, özü ilə bağlı onu deyə bilərəm ki, gənc, təcrübəsiz aktyorlar tərəfindən canlandırıldığından o dərəcədə çarpıcı film deyil. Sadə bir dillə gənc uşaqların necə məhv olduğunu göstərir. Filmdə ən diqqət çəkən məqam valideyn laqeydliyidir. Ümumiyyətlə, insanlar biri-birinə qarşı həddən artıq laqeyd yanaşır. Qız və rəfiqəsi səhərə yaxın metroda oturarkən, Kessi'in anası təsadüfən qızını görür və dediyi tək şey qızı haqqında şayiə yaymaması ilə bağlı xəbərdarlıq olur. Christiane'ın anasının isə sanki gözləri kor olub. Metronun giriş hissəsi özünü satan gənclərlə doludur, insanlar isə qətiyyən narahatlıq keçirmir, sanki elə belə də olmalıdır. Yeniyetmələr məktəbə getmir, öldükdən sonra qəzetdə aludəçilikdən ölən gənc deyə xəbər çıxır.
Uzun sözün qısası, bitirdikdən sonra insanda qəribə bir boşluq buraxan filmdir. 2021-ci ildə bu motivlərdə serial da çəkilib.