+6 əjdaha
1. bütün sosial kateqoriyalar kimi bu da "tarixi"dir. yəni hansısa bir dövrdə hansısa səbəblərə görə yaranıb və həmin səbəblərin yaratdığı şərait dəyişdirildikdən sonra da aradan qalxmalıdır. antropoloji tədqiqatlar xüsusi mülkiyyətin əmələ gəlməsindən əvvəl qadınların cəmiyyətdəki yerinin olduqca üstün, şərəfli və ahəngdar olduğunu sübut edir. xırda məsələlər problem ola bilər, o da bəşərin primitiv dövrünün xüsusiyyətlərinə görədir. bəs xüsusi mülkiyyət yarananda necə olur qadınlar əzilir?ailənin inkişafına nəzər salaq. əvvəllər nizamsız cinsi əlaqələr var idi. yəni kim-kimə qoydu. sonra qrup nigahı yaranır və bunun da müxtəlif mərhələləri var. təcrübə ilə ilk növbədə valideyn-övlad, sonra da qardaş-bacı arasındakı cinsi münasibətlər qadağan olunur. yaxın dərəcədən qohumlar arasında qadağalar getdikcə artır. ondan sonra ikili ailə dediyimiz şey yaranır. iki nəfər bir-birini sevir və birgə yaşayır, amma bu münasibət olduqca qeyri-sabitdir. belə ki, hər iki tərəf xəyanət etmək imkanına malikdir. müasir qısqanclıq yoxdur. bura qədər təbii inkişafdır.
xüsusi mülkiyyət yaranandan sonra bir kişi (niyə kişi? çünki fiziki olaraq qadınlardan daha güclüdürlər, söhbətləri də çox vaxt söz yox, yumruq həll edir) deyir ki, bu ərazi mənimdi, davay girin işləyin. axırda məhsulu gətirərsiz, sizə bir az verərəm, qalanı isə özümündür. çünki bu ərazi mənimdir!
bir müddət sonra "bu ərazi-mülkiyyət onun sahibinin ölümündən sonra kimə aid olmalıdır" sualı yaranır. çox insan arasında bölünməsi və ya hansısa ərazi ilə birləşib başqa mülkiyyətçiyə keçməsi rasional olmadığı üçün (yəni praqmatik olaraq səmərəli olmadığı üçün) yeganə yol qalır geriyə. övlada keçməli! ok. bəs belə rahat cinsi münasibətlər mühitində hardan bilmək olar ki, uşaq səndəndir? çünki ana həmişə bəllidir-məlumdur, problem həmişə atadır. uşağın səndən olduğunu bilməyin bircə yolu var: qadının başqa kişilərlə yatmasını qadağan etmək. bu şəkildə uşağın səndən olduğuna əmin ola bilərsən. bu da kişilər kimi azad olan qadınları evə həbs etməyə, qorxutmağa, namus anlayışına, əmək bölgüsündə müəyyən yer tutmasına səbəb olur. artıq qadının vəzifəsi öz əri ilə yatıb ona varis doğmaqdır. amma kişinin başqaları ilə yatmaması üçün heç bir obyektiv səbəb yoxdur (bu gün də). ona görə onun gözü həmişə çöldə olacaq. amma belə bir problem yaranır: hər kişi üçün varis doğmalı olan bir qadınların mövcudluğu şəraitində hər qadına girişmək olmur, çünki onların da ərləri var və buna icazə verməzlər. nəticədə xəstə-yəni uşaq dünyaya gətirə bilməyən, dul, əqli vəziyyəti yerində olmayan qadınlar cəmiyyətdən təcrid edilir və bu qrup qadınlara yeni sosial vəzifə verilir: bacardıqca çox kişi ilə yatmaq. kişilərin şeyinin dərdi də beləcə həll olunur.
deməli, yaranan və bu günədək davam edən bu ailə formasının (monoqam ailə) fahişəliklə əlaqəsini də burada gördük.
xüsusi mülkiyyət aradan qalxmasa, bərabərsizlik davam edəcəkdir. məsələ, ibtidai icmadakı kimə nizamsız əlaqələrdən getmir. sadəcə monoqam ailənin artıq dağıldığını (bütün dünyada) görməmək üçün artıq kor olmaq lazımdır.
unutmayın: ailə anlayışının mənası iki nəfərin ömür boyu evli qalmasıdır. amma bu gün inkişaf etmiş ölkələrdə və s. vəziyyətə baxsaq biz belə şeylə qarşılaşmırıq. ona görə də ailə ölüb gedir. burjua ailəsi. monoqam ailə.
xüsusi mülkiyyət münasibətlərinin aradan qaldırılması ilə qadının azad olunmasına ciddi təkan verilməlidir. amma onun tam azadlıq əldə etməsi bu tədbirdən sonra da uzun müddətlik mübarizə ilə əldə olunacaq.
bəs azadlıq nədir? məsələn: oğlan uşağı ilə eyni qaydada böyüdülmək, cinsi əlaqələrində öz qərarı ilə hərəkət etmək, rəsmi nikahın aradan qalxması, uşaq doğmaq naminə sevməyin aradan qalxması, iqtisadi olaraq müstəqil yaşamaq, bütün ictimai mövqelərdə qarşı cinsə bərabər şəkildə iştirak və s.
tez-tələsik yazdım. axod da yoxdu düzəltməyə. ümid edirəm kiməsə faydalı olar.