1. nizami metrosundan 15 dəqiqəlik yolda caspian plaza ətrafında yerləşdiyinə görə nizami korpusu adlanır. universitetin rəsmi yazışmalarında "3-cü korpus" adıyla şifrələnir. tələbələrin təbirincə desək - tövlə. gənclər arasında bu adla tanınması heç də təsadüfi deyil. deyilənə görə, h.z.tağıyevin ya da kiminsə at ilxısı saxlanılan yeri olub. amma buna fərziyyə kimi yanaşmaq da allah dərgahında böyük günahlardan biri olar. deyilənə görə, bu korpusda oxuyan hər tələbənin ürəyində, kürəyində "bizim korpusu haçan köçürəcəklər?" ümidi, arzusu olur. xoşbəxtlikdən bu arzularına çatmağa bu il (2013) bu korpusun "texnologiya və dizayn" fakültəsi müyəssər oldu. beləliklə nizami korpusu özünün sadiq dostu əmtəəşünaslıq fakültəsiylə baş-başa qalır. tələbələr arasında gəzən söhbətə görə əmtəəşünaslıq fakültəsinin bu il də bu korpusla "xlebnik" olmasının əsas səbəbi prorektor əli müəllimin evinin həmin korpusa yaxın ərazidə yerləşməsiylə bağlıdır. heç düzünə qalsa tələbələr də istəməzdi ki, o boyda kişi yolunu uzatsın.