1. ərəbcə payız mənasına gələn söz və mövsüm adıdır. çoxları ön mühakimə yürüdərək bütün ərəbistan yarımadasının isti və quraq (hər yerinin) olduğunu düşünürlər. amma, ərəb lüğətindəki bu xarif sözü heç də boş-boşuna yalnız lüğət doldurmağa xidmət etmir. yarımadanın tihamə kimi illərlə yağış görməyən bölgələri olsa da, sərin iqlimli bölgələri də var. söhbət səudiyyə ərəbistanının cənub-cənub şərq uclarınnan, yəmənin bir hissəsinnən və oman sultanlığının cənubunnan gedir. xarif mövsümü bizim payız kimi sentyabrda başlamır. əksinə, sentyabr ayının son dekadası xarifin sonlarıdır. başlanğıc iyun ayının sonlarına təsadüf edir. bu mövsüm adı çəkilən torpaqlara duman, sərin külək və yağış gətirir. xarifi festivala çevirməyi bacaran diyar isə omanın ikinci böyük şəhəri olan salalahdir. cənubi omanda dofar vilayətinin mərkəzindəki bu şəhər xarif mövsümündə turistləri cəlb edə bilir. hind okeanı sahilindəki qayalıqlarla dolu bu məmləkətdə mövsüm boyu və hətta xarif olmasa da istilik +30°c-ni çox nadir hallarda keçir. beləliklə bu mövsümdə əkinə yararlı torpaqlar və yaşıllıqlar daha da artır və yarımada haqqında olan fikirlərin bir qisminin altınnan xətt çəkir.