tiflisə gedənlərə məsləhətlər

1. bakıdan tbilisiyə avtobus, qatar və təyyarə ilə gedə bilərsiz. təcili bir şey yoxdursa, təyyarə ilə getmək çox mənasızdır. avtobus ən ucuz vasitədir . 10-14 manat arası xərci var. amma dediklərinə görə ən rahatı qatardır. mən heç vaxt getməsəm də, məncə də elədir. əlqərəz, gələk tbilisiyə.
tbilisi son zamanlar hər kəsə şərqi avropa ölkələrini xatırladır. əgər gecələməyə yeriniz yoxdursa hotellərə getməyin, hostel axtarın. bakıdan fərqli olaraq tbilisidə 80-ə qədər hostel var. bakıda bunun sayısı sadəcə və sadəcə 6 dır. sharden və meydan tərəflərdə çoxlu sayıda hostel var. qiymətləri 10 laridən başlayır və 60 lariyə qədər gedir. bir o qədər də keyfiyyətlidir. envoy hotel tbilisi, green house hostel tbilisi, why not? kimi hostelləri məsləhət görərdim. bir turistin büdcəsinə uygun və əla yerlərdir.
gəziləcək yerlər çoxdur. ilk olaraq mərkəzdən başlayın rustavelidən yəni. orada gəzərək küçə rəssamları, retro və antik əşya satıcıları və küçə musiqiçilərini görə bilərsiz. hətta orada xinkal house deyə bir restoran var. oranın gürcü xəngəli mükəmməl olur, yeyərsiniz. rustavelidən aşağı düşüb meydana da görə bilərsiniz, hansıkı o məşhur narıncı inqilab oradan başlamışdır. oradan sonra müsəlman hamamları olan yerlər gəlir, orada socarın düzəltdiyi park var onu da görəcəksiniz. unutmadan kanata minməyi unutmayın, 6 lari idi səhv etmirəmsə. orada dağın üstündə qala var, görməli yerləri çoxdur.
sonra mtasmindaya da gedərsiniz. funiklyor işləyir orada. bütün şəhərə baxan mtasminda restoranı var orada, çox da bahalı deyil. şəhərə baxaraq kofe içməyə dəyər. mtasminda da əyləncə yerləri də var, luna park tərzində deyim. sonra tbilisi botanika bağı və zoopark da gedilməli yerlərdəndir. çünki orada görə biləcəyiniz bəzi heyvanlar bizdə yoxdur.
gecə heyatı da çox maraqlıdır.sharden tərəflərdə kifayət qədər bar və gecə klubları var. amma bir şey də deyim, seks turizmi kimi getmisizsə, səhv yerdəsiniz. son olaraq, bu şəhərdə azərbaycanlılar çoxdur, yalnız qalmazsınız. hər kəsə xoş tətillər.

2. ortacalaya gedən yolda axundovun ev muzeyinə də getmeyi unutmayın. muzey həftə sonları xaric hər gün fəaliyyət göstərir.

tiflisə gedənlərə məsləhətlər

Yalnız deyilsən!

Yalnız deyilsən!