1. --spoiler--

Cəlilabad rayon sakini Əli Hüseynov deyir ki, Azərbaycanda özəlləşdirmə vaxtı üzüm sahələri insanlar arasında bölüşdürülüb. Onun da payına 2 hektar üzüm sahəsi düşüb:

«Yaşlı üzüm bağlarının çoxuna xəstəlik düşmüşdü. Çünki sovxozlar dağıldığından üzüm bağları baxımsız qalmışdı. Vaxtlı-vaxtında sahələr gübrələnib-dərmanlanmırdı. Çox adam payına düşən sahələrdə üzüm tənəklərini doğrayıb odun kimi istifadə etdi. Mənim payıma cavan bağ düşmüşdü. Orada Fransadan gətirilmiş «Kardinal» sortu əkilmişdi. Mən həmin bağa qulluq etdim və bu günlərə gətirib çıxartdım».

1 HEKTAR ÜZÜM BAĞININ XƏRCi VƏ GƏLiRi...

Əli Hüseynov deyir ki, üzüm sərfəli bitkidir. ildə təqribən hər hektara 1500 manat xərc qoyur. 10 min manata yaxın isə qazancı olur:

«Sahə hər il şumlanır. Cərgələrin arası traktorlarla şumlanır. Tənəklərin dibini isə işçilər bellə şumlayır. Bunun quru, yaşıl bağlaması var. Dərman, gübrə xərcləri var. Birdə yığım xərcləri. Hektardan təqribən 20 ton üzüm götürürük. Əslində məhsuldarlıq daha yüksək olmalıdır. Sadəcə, mənim yerim seyrəkdir. ilk vaxtlar üzümün 1 kiloqramını 1 manata, 1 manat 50 qəpiyə satırıq. Sonra qiymət 80-60 qəpiyə düşür».


«Üzüm əkdin, yalnız 3-4 ildən sonra məhsul götürürsən. 1 hektara məhsul götürənə qədər 8-10 min manat xərcin gedəcək. Ona görə, kasıb əhali bu işdən uzaq durur. indi üzüm əkənlər ancaq varlı adamlardır».



--spoiler--

http://www.azadliq.org/content/article/27509348.html