Marten sobalarında bərk və ya maye çuqun, polad və çuqun qırıntıları, dəmir filizi, dəmir yanığı, oksigen və flüsdən istifadə edilməklə istənilən tərkibdə polad əridilmə imkanları vardır. Şixtə tərkibinə görə marten prosesi daha universal polad əritmə üsulu olmasına baxmayaraq məhsuldarlığı, əmək sərfiyyatı və kapital qoyuluşuna görə oksigen-konvertorunda polad əritmədən geri qalır.
Marten sobaları təbii qaz, habelə mazut yandırmaqla qızdırılır. Marten prosesi ilə polad əritmə işçi zonadan çıxan yanar qazların istiliyi hesabına verilən soyuq hava və qazvari yanacağın qızmasını təmin edən - regenerasiya sistemli əksetdirici alovlu sobada aparılır. Əsasən yüksək keyfiyyətli polad əritmək üçün işlədilən marten sobaları müxtəlif tutumlarda (10 - 500 - 900 ton) və məhsuldarlıqlı olur
