1. insan psixologiyası tədqiq olunmağa başlanandan bu yana onun mürəkkəb daxili aləmi haqqında milyonlarla fikir, iddia, fərziyyə söylənmiş, araşdırmalar aparılmışdır. Belə araşdırmalardan biri də insanların davranışlarına, vərdişlərinə, düşüncələrinə görə fərdlərin müəyyən kateqoriyalarda (psixotiplər) sistemləşdirilməsidir. Hər alimin özünün kateqoriyalaşdırması vardır. Məsələn, Karl Qustav Yunqun iki zidd psixoloji meyl müəyyən etməsi; ekstroversiya və introversiya. Bu meyllərdən yola çıxaraq Yunq 8 psixotip müəyyən edib. Adlarını burada qeyd etməyəcəyəm. Çünki internetdə kifayət qədər məlumat var. Daha az məşhur olan psixotip siyahılarından biri də rus psixoloqu Eqidesə ( Аркадий Петрович Егидес) aiddir ki, bu, mənə daha çox maraqlı gəlir. Belə ki, daha çox xəstəlik adlarına bənzəyən (məsələn, isteroid, yaxud Şizoid tip) bu psixotiplərin əsas cəhəti budur ki, hər tip adına uyğun olan xəstəliyə daha çox meyllidir. Belə ki, ekstremal şəraitdə bu xəstəliklərə düçar olma ehtimalları daha böyükdür. Eqidesin psixotiplərini Məlahət adlı xanım öz blogunda qısaca izah edib. Xanımın yazılarıyla tanış olmaq üçün link: https://malahathajiyeva.wordpress.com/2015/11/04/shizoid/
Psixologiya təlimçisi Təbriz Hacıyevin qısa videoları da haqqında danışdığım tiplər haqqında qısa məlumatlar verir: https://www.youtube.com/watch?v=7vVFApPhtAk
Eqidesin elektron kitabının (Как научиться разбираться в людях) linki: http://lib.ru/DPEOPLE/EGIDES/egides.txt_with-big-pictures.html