bu məxluqu sadəcə bəhram bağırzadənin planet parni iz baku konsertində yaratdığı obraz kimi xatırlamaq istəyirəm. artığına gərək yoxdu.
tanım: ağzının danışığını heç vaxt bilməyən "millət vəkili"
blok başlıqlarını gizlət
eurovision 2021
Notice: Undefined variable: thisuser in /var/www/soz6/profilson.php on line 166
operativ qərargah özü heç nə etdiyini bilmədi bu karantin dövründə. biz də heyvan kimiyik görünür qərargahın gözündə,onlar da bizim sahibimiz,istədikləri kimi idarə edirlər. heç öz dedikləri şeyləri özləri belə başa düşmürlər. dünyanın heç bir yerində belə karantin şərtləri,belə rejim yoxdur. çimərliyə icazə verildi,millət tutaq ki doluşdu çimərliyə,güya onda virus yayılmır? bu bakıda çimərlik sayılı qədərdir,kafe,restoran,digər yerlər minlərlədir. bütün insanlar bir kafeyə yığışmayacaq ki virusla bağlı təhlükə yarana. bu bütün karantin dövrü absurd şəkildə verilən digər bir qərara aiddir ki,metro bağlı qaldı,avtobuslar işə düşdü. bu metroda sıxlığı yaradan tələbələr idi,onlar da yığışdılar evlərinə,sıxlıq olmur. seçim variantını azaldırlar,bütün milləti doldururlar bir avtobusa,ara məsafəsini burax,göz məsafəsi belə qalmır,sonra da vətəndaşı günahlandırırlar. bu millətin yarısı metroyla gedirsə işə,yarısı da avtobusla gedir də,metroyla gedənləri avtobusa niyə tıxıb sıxlıq yaradırsan ki? 7-ci sinif uşağının belə düşünüb nəticə çıxara biləcəyi şeyləri niyə bizim qalstuklu,bığlı,yekəqarın adamların oturduğu operativ qərargah verə bilmir,hələ də ağlım almır.
bu dəhşətə azərbaycandakıların rəylərini görəndə insan olduğuma görə utandım. bu bir faciədir,buna az qala çırtma çalıb oynayacaq bizimkilər. dövlət bildiyi hoqqalardan çıxa bilər amma bəlkə heç o zərər görənlərin,o ölkənin yarısından çoxunun azərbaycan,ermənistan deyə bir ölkə olduğundan xəbərləri yoxdu,nəinki bizim müharibədən. o qədər insan faciəyə məruz qaldı,onca uşaq atasız,anasız qaldı,bizim insanlar bunu necə xoş xəbər deyə alqılaya bilirlər,mən heyrətlə baxıram. bu zehniyyət bizi insanlıqdan çıxarır. elə bilirik ki,belə dönməz münasibət göstərsək,qarabağı daha tez alacağıq,amma boşuna kürək çəkirsiniz,çünki qarabağı bizim başımızda oturanlar nə vaxt istəsələr onda alacaqlar. boş yerə nə özünüzü yorun,nə də insanlığınızdan ödün verin. sonra lazım olar.
adam yaxşı aktyordur,ssenari işini də bacarır,yəni bir sözlə,günümüz kriteriyalarına görə kino işini çox da yaxşı bacarır,nümunəvi şəxslərdən biridir. son videosunu çox da bəyənmədim,digərlərini bəyəndiyim qədər,amma bu da yaxşı idi. ona daha böyük imkan yaradılsa,məncə kino sənəti bir azca qabağa gedər.
(bax: zəhər tuluğu)
dekabr ayında yeni film kinoteatrlarda olacaqmış,onun necə işlər görə bildiyinin sübutu o kinodan sonra olacaq.
kaşki ilqar xəyal o əvvəlki cəsarətilə bu gözəl mahnını oxusaydı canlı-canlı,mən də dinləyəydim,gözlərim açıq getməzdim. bu mahnını ən çox onun səsilə dinləməyi sevirəm. durnaları,sarı gülləri və bu mahnını kaş yenidən zil səsilə oxuyaydı. ehtiyat edir indi,görmək mümkündü bunu,qorxur səsinə bir şey olar,ya da detone olar,ona görə o diapazonda oxumur amma bacarar əslində. əfsanəvi "karvan" mahnısı..
bütün bu olanların üstünə başımızda duran siyasətçilərin həmişə yıxıldığı tərəf olan "dost" dedikləri rusiyanın ermənistanla hərbi təlimlərə başlaması xəbəri gəldi. özü də hərbiçilərimizin tovuzda ermənilərin 2 pua'sını saldığı gündən 1-2 gün sonra. həm də hava təliminə başlayıblar. bu da başımızdakıların necə möhtəşəm bir siyasət apardığının rəsmidir. artıq rusiya öz tərəfini rəsmi şəkildə,hər kəsə göstərə-göstərə bəlli etdi. görəsən bizimkilərin bu məsələdən sonrakı həmləsi nə olacaq? maraqlıdır.
la polisinin göz yumduğu hadisə kimi dəyərləndirirəm bu olanları. hələ təkcə los angelesi nəzərdə tuturam ha. yəni kifayət qədər də imkanı var la polisinin. noldu,o boyda azərbaycanlı döyüləndə 2 polis göndərə bildilər sadəcə? göz yumur amerika ki,qoy qırsınlar bir-birilərinin,sonra iplərini çəkərik biz bunların.
videolar paylaşılır,bir şeylər olur,amma tək bunu bilirəm ki,bunun axırı 1988-ci il 28 fevral sumqayıt məsələsinə dönəcək.
gündəm nə zaman sakitləşəcək? o qədər qaynar bir gündəm var ki hal-hazırda,başımı götürüb qaçmaq istəyirəm ıssız bir adaya :(
radiohead-i might be wrong
mor ve ötesi-doğru yalnış/çocuklar ve hayvanlar
unformal-sonsuz yol
muse-pyscho
bu sözlüyün mobil tətbiqi də olmalıdır. sadəcə sayt şəklində olması işi çətinləşdirir. yoxsa var,mən bilmirəm? məlumatı olan məlumat versin,zəhmət olmasa.
benzemez kimse sana proqramından tanıyırdım və həqiqətən bəyənirdim onu. çox heyif. heyif həm də əvvəlki türkiyəyə. 2013dən əvvəlki türkiyəyə...
son 3-4 gün ərzində bilgi kirliliyindən ağlımı itirmək dərəcəsinə çatıb,twitteri açmırdım. bu gün bir baxım dedim. açan kimi bu şərəfsizin videosu çıxdı qabağıma. aman allahım dedim,ağıl sağlığımı qorumaq üçün 1 ay daha girmərəm bura dedim. yarəbbi, belə yaltaqlarla həmvətən olmağımızı burax,bir də yerliyəm. üz qarasısan bu ölkənin,səndən şərəfsizləri də vardır amma səndən yaltağını tanımıram hələ ki.
hər şey naziri mikayıl cabbarovun vəliəhdi. o da hər şey naziri olmaq yolunda namizəddir və bu yolda iri addımlarla irəliləyir. ümumiyyətlə rütbə artırmaq təhsil naziri olmaqdan keçir.
"sağ olsun" elmar məmmədyarov (və ya ilham əliyev) ki,bu şəraitdə məni və mənim kimi vətəndaşlarını xarici vətəndaşlar qarşısında sındırdılar. twitterdə türk bir proffessorun yazısına rast gəldim ki,əgər azərbaycan ermənistanın nüvə bazasını bombalasa,türkiyəni də havaya sovurmuş olacaq. öz savaşlarına görə arada biz gedirik tipli bir tvit atmışdı. mən də ermənilərin bunu etməyə ürəkləri olmaz,onlar blöf edirlər,biz də onlara qarşı blöfdən istifadə edirik,narahat olmağa dəyməz məncə yazdım. yenə bir türk (yəqin ki türkdür) cavabında yazdı ki, azərilər çox yürekliler galiba,bakanlarınız ortada yok. mən də artıq cavabsız qoymamaq üçün ürəkli olmağın nazirlə nə əlaqəsi yazdım. o da savaş halında olduğumuzu,amma nazirlərimizin ortada olmadığını,bunun savaş haləndaki bir ölkə üçün nə dərəcədə dəhşətli bir durum olduğunu,ürəkli olmaqla da savaşın qazanılmayacağını yazdı. doğru deyir. görün,türk bunu deyirsə,erməni nə deyir. məcbur idin indi vurmağa? müavinlərini tutduranda özünü də tutdurardın da!belə bir savaşın olacağı bəlliydi,niyə düşmən ağzına söz veririk? o qədər haqlı idi ki,utandım cavab yazmağa. ağlamamaq üçün güclə tutdum özümü. çünki o qədər biyabırçı vəziyyətdəyik ki.. bu hələ indi xəbər tutub ki,xin elmar məmmədyarov lazım olanda iş başında olmur,həmən itir. eyniylə səhiyyə nazirimiz kimi. oqtay şirəliyev idi deyəsən adı,eləmi? ən son nə vaxt görmüsünüz? mən 19 ildə cəmi bir dəfə fevral ayında aztv-də boş-boş danışanda görmüşəm. siz bu pandemiya dövründə onu hansısa bir işin başında görmüsünüz? lazım olan vaxtda 5 aydı görünmür. onu da çıxart da. elə vacib idi müharibə vaxtında elmarı çıxardıb düşmən ağzına söz vermək?
dünən saat 22:00dan gecə 3-ə kimi o qədər tvit atdım ki,gözlərim bulanıq görməyə başladım,gördüyüm,yazdığım şeylərdən də bezdim artıq. bu twitter siyasət olan yerdə var olur. siyasət danışnaq üçün,millətin səsini dünyaya və ya çox yuxarı qalxmayaq,elə azərbaycanın hakimiyyətdə oturanlarına etirazını,təklifini çatdırması üçün ən gözəl və rahat bir yerdir. axı siyasət danışnaq istəyən,ya da belə deyək,danışmağa duxu çatan adamlar çox olsaydı,biz də twitterdə daha aktiv ola bilərdik,daha çox istifadəçi ora maraq göstərərdi. azərbaycan gündəmi onsuz da həmişə boş olur,dünənki tt üçün ora 50 dənə tvit atmaqla artıq asanlıqla azərbaycan gündəminə düşmək olardı,əsas dünya gündəmi idi gecə 3də düşdük nəhayət. mən abş gündəminə düşmək üçün çox çabaladım,səsimi çatdırmağa çalışdım,olmadı. amma bu da bir şeydir.
son 4-5 gündür o qədər olay baş verdi ki artıq beynimin tüstüləndiyini hiss edirdim. gecə 5ə qədər yatmayıb,gündəmə,son dəqiqə xəbərlərinə baxırdım onsuz. hələ bu tt məni tamamilə bitirdi. bu dəqiqə cəbhədəki savaşdan daha şiddətli müharibə sosial şəbəkələrdə informasiya müharibəsi şəklində gedir. və mən buna dözə bilmədim. hər saniyə son dəqiqə xəbəri oxumaqdan yoruldum. nəticədə twitteri də,instagramı da bağladım. heç nə görməyim deyə. bir az özümü uzaqlaşdırsam yaxşı olacaq.
demək,iqtisadiyyatın çökdüyü bir dövrdə çox görülən siyasətdir,dini məsələlərlə üstünü ört-basdır etmək. millət acından qırılır. hər şey od qiymətinə. avropadan təcrid olunmuş vəziyyət. youtubedakı videolarında dislike sayı like'ı keçdiyinə görə 1 həftə öncə "indiki nəsil bizi yox,interneti,telefonu sevir,ona görə də biz bundan sonra gələcək seçicilərimizə internet vasitəsilə ulaşmağa çalışacayıq,biz də interneti sevirik" deyən adam twitteri,instagramı,facebooku,youtubeu hətta netflixi belə bağlamaq qərarı. buna qarşı gələnə,haqlı olana vətən xaini damğası vurmağı. indi də məscidin sayının universitet və məktəblərdən qat-qat çox olduğu bir ölkədə aya sofiyanı ibadətə açmaqla ac olan qarınlar doyacaq, işsizlik olmayacaq və sairə və ilaxır. türkiyəni 7 il ərzində orta əsr dövlətinə çevirdi.
mən rock musiqi janrını dinləməyə çox böyük üstünlük verirəm. məncə, yaxşı mahnı, sözləri ilə sənə nəyi isə,doğru olanı çatdırmaq qayəsi daşıyan,musiqisi ilə zövq oxşayan,bir " bohemian rapsody" , " bethovenin 9-cu simfoniyası" və ya bir vaqif mustafazadə klassikası "düşüncə" dinləmiş kimi zövq verən musiqi olmalıdır. məsələn məni düşündürən suallardan biri də bir insan niyə instrumental alətlərin səsini dinləmək əvəzinə "makine" musiqisinə üstünlük verər? məsələn mənim yaralı yerim olan bir mövzu var. azərbaycanda rock musiqisinin iflasa uğraması və ya olmaması. əvvəlki diskoqrafiyaya baxıram: "unformal","yuxu" və s. kimi azsaylı da olsa rock qruplarımız olub. hər qrup bir gün dağılır,bu bir klassikadır amma kilid məsələ budur ki,niyə o dağılan qrupların yolunu davam edənlər çıxmadı? niyə itdi,batdı bu ölkədə rock? axı istəsək edə bilirik? pop musiqi janrı 90ların sonu,2000lərin əvvəllərində (!) öz intibah dövrünü yaşadı,başda aygün kazımova,ardıyca samir bağırov,qismən faiq ağayev və s. sənətçilər ilə. sonra hər şey tamamən dəyişdi,artıq popu belə oxuya bilmirlər,saydığım divalar belə. yeni nəsildən tək-tük sevdiyim və bu işi bacardığını düşündüyüm insanlar var. məsələn azad şabanov,eldar qasımov. yazıq azad,eurovisiona getmək üçün özünü parçaladı,amma onu seçmədilər,hələ də yanıb-tökülürəm bu mövzuya görə. artıq ora seçilmədikdən sonra da sənətdə də istədiyi reaksiyanı almadığl üçün (mən belə düşünürəm) özünü dolandıra bilmək üçün hər kəsin etdiyi kimi toylara getdi. elə pis olurdum,keçən il çingiz mustafayevi tvdə eurovisionda bizi təmsil etməsinə baxırdım,azad isə həmin anda toydan story atırdı :( azad heç bir zaman öz layiq olduğu yerə gələ bilmədi. bəlkə də eurovisiona getsəydi,daha fərqli yerlərdə idi. dilarə kazımova. çox təriflədiyim unformalın solisti. möhtəşəm səsi var amma gic-gic pop mahnılarında boşa xərcləyir o səsi. çox heyif. nəysə,çox uzun oldu. mən çox böyük mor ve ötesi fanatıyam. alternativ rockun təməl daşlarından biridirlər və heç vaxt öz çizgilərindən çıxmayıblar. məncə səviyyəli musiqi onlarınkıdır. mor ve ötesi dinləyin və dinlətdirin. nə rep,nə pop,forever rock
bu gün semestr imtahanlarımı nəhayət başa vurdum. birinci kurs beləcə bitdi. keçən il bu vaxt imtahan cavablarını gözləyəndə heç belə təsəvvür eləməmişdim,universitetə 4 ay gedəcəm,təzə-təzə müəllimlərin dilini başa düşməyə başlayanda universitet üzünə həsrət qalacam. sonra online dərslər,online imtahan... ilk dəfə gördüyün,oxuduğun mövzunu imtahan üçün əzbərləmək zad. ilk iki imtahan 5-6 gün gecə yatmayıb oxuduğum sualları həyəcan sayəsində danışa bilmədim,amma sonraki 4 imtahanda valerian sayəsində (:D) danışa bildim. valerian reklamına da talibəm beləliklə -* nəysə,zərbəçi olmağı bacardım. indi isə vicdanım "dərsin qalıb,sən burda fringe izləyirsən"," sabah imtahandı,sən youtube'da fırlanırsan" deyə qulağıma pıçıldamayacaq,mən də rahatca aldığım bədii kitabları oxuyaraq,serial izləyərək,telefonla oynayaraq bir fərd kimi sivil həyata qayıda bilərəm. bu da ilk entry'm olsun,ona görə uzun yazdım,sistem robotu belə tələb edir -*
Notice: Undefined variable: user_id in /var/www/soz6/sds-themes/vengeful-light/profile.php on line 1336
blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343