təkamül nəzəriyyəsi

ateizmin "yaradıcı var və hər şeyi o yaratdı" müddəasına qarşı qoyabildiyi yeganə nəzəriyyə. hər iki tərəf də məsələyə subyektiv yanaşıb rəy bildirdiyi üçün, yaradılışçılar tərəfindən illər öncə çürüdüldüyünü, təkamülçülər isə, elə ilk ortaya çıxdığı vaxtlardan şübhə götürməz şəkildə isbat edildiyi idda edir.
icazənizlə mən də nacizanə şəkildə öz subyektiv fikrimi ifadə edirəm.
əvvəla, canlı təbiəti bir qırağa qoyub gördüyümüz kainatı təşkil edən ölü ulduzlara və onların əmələgəlmə mərhələlərinə nəzər salaq, hətta daha ümumi götürək, kainatın əmələ gəlməsinə nəzər salaq. hər anında, hər mərhələsində, təkamülü görmək mümkündür. bütün kainatda, görə bildiyimiz bütün kainatda təkamül izləri var.
bəs canlılar? canlılar üçün bütün kainata baxmağa ehtiyac yoxdur, yer planetində yetərincə canlılıq var.
canlılıq tarixində isə təkamül nəzəriyyəsi ən azından deyildiyi kimi, canlılar təməl zamanda, cüzi xüsusiyyətlərə malik olublar, getdikcə göz, qulaq, burun kimi orqanlar formalaşdığını idda edir. belə baxanda doğruluq payı da var, bir hüceyrəli canlılardan insanlara doğru gedən bir şkala düşünün, bu dediyimi anlamağınıza kömək edəcək.
bəs belə bir fakt var, necə oldu ki, təkamül həmişə getməsi gərəkən istiqamətə, günümüzdəki canlılığı əmələ gətirəcək istiqamətə getdi?
təkamül nəzəriyyəsinin əsasında təbii seçmə durur. bu da ən canalıcı nöqtədir. belə deyək, zəif, yetərincə funksional orqanlara sahib olmayan canlılar tarixin dərinliklərinə gömülür. bura qədər hərşey çox yaxşı. bəs indiyə qədər neçə belə qalıq, fosil tapılıb? minlərlə, yüzminlərlə, lap milyonlarla. biraz qəribə görünə bilər, amma, bu say çox azdı. milyon illərlə ölçülən canlılıq tarixi üçün bu sayı çox azdı. niyə azdı? və tapılan qalıqlarda funkional olaraq bir-birindən hansı dərəcədə fərqlənir?
bu nöqtədə düşüncəniz, inancınız nə olura olsun, obyektiv bir şəkildə düşünmənizi xaiş edirəm. obyektiv, qərəzsiz.
bəlkə yaradıcı var ya da yoxdu, bəlkə canlılıq tarixini tam mənası ilə izah edə biləcək nəzəriyyə təkamül deyil? bəs nədi? bilmirəm.
məndən soruşacaq olsanız, yaradıcını axtarmaq yerinə, özümüzü tapmalı olduğumuzu deyərəm. için mən qarışıq, dəliyik, axmağıq. niyə? necə düzəlməli?
məncə bu sualların üstündə düşünməliyik.
oxuduğunuz, zaman ayırdığınız üçün minnətdaram.

arch linux

bir növ ustalıq göstəricisi sayıla biləcək bir gnu/linux distrosudu. təməl fəlsəfə olaraq "sadəliyi" ön planda tutur. sadəlik sözünü dırnaq içində yazmağım əbəs deyil. zira adamlar sadəlik deyə asan istifaidəni yox, elementarlığı nəzərdə tuturlar. belə deyək, sistem daim yenilənən, tərkibindəki hər proqramın son versiyasını mümkün olan ən qısa vaxt ərzində sistemə yükləməyə hazır vəziyyətə gətirirlər.
yeni başlayanlar üçün tövsiyyə edilmir. yox mən mütləq pacmani işlədəcəm deyirsizsə, sizi manjaro linux topluluğuna alaq. daha istifaidəçi dostu olması üçün hesablanıb.
son olaraq bildirmək istəyirəm ki, istənilən gnu/linux distrosunun arxasında çox güclü bir topluluq durur. inanın çox yardımsevərdirlər. bir də bölüm sonu mesajı verim: "komputerinə bir şans ver, gnu/linuxu seç."

yazarların 17 yaşlarındakı hallarına deyəcəkləri

17 yaş. birinci kursda oxuduğum dövlərə düşür. dibə vurmağa başladığım zamanlar. heçnəyi dəyişmək istəmirəm o dövrlərə dair. amma, sadəcə dəstək olmaq istəyərəm. "keçəcək" deyərəm, "anlayacaqsan", "bacaracaqsan"...
amma gərək çox ümid verməyim, hələ dibə, ən dibə vurmağa çox yolum var axı, o məni dəyişəcək vəziyyətə gəlməyimə, bəlkə biraz basma qəlib olacaq amma, küllərimdən doğulmağa...
indi həyatımın fərqindəyəmsə, indi həyatımı əlimdə saxlayacaq gücə sahibəmsə, əyər indi insanların çoxunu şəffaf görürəmsə, indi boşvermişliyi ən pro şəkildə icra edə bilirəmsə, indi öz varlığımı görürəmsə, hamısı o 17 yaşımdakı səhvimin nəticəsidi. 17 yaşındakı mən, hələ çox dərd çəkəcək, hələ çox yanacaq ürəyi sonsuz yanğınlara, hələ yuxusuz gecələri olacaq, çox yaralanacaq, amma buna dəyəcək, hələ bilmir o, sonu gəlməz hesab edir bunları və itirir inamını.
sadəcə bunu demək istəyərəm:
"sağol ki o səhvi elədin, beynini sikdiyim, yaxşı ki elədin."

sözlüyün mobil proqramı

sözlükün (belə yazılmasının qramatik normalarla düz gəlmədiyini bilirəm) vaxtaşırı entry yazan istifaidəçiləri var, azərbaycan üçün yetərli sayıda bir topluluq olması da şübhə götürməzdir. mobil proqramın hazırlanması həm hazırki yazarların işini asanlaşdıracaq, həm də sözlükə yeni yazarlar gətirəcək. özüm proqramçılıqla öz əlim öz başım məşğul oluram, amma, mobil proqramlaşdırmayla məşğul olmamışam. amma, yenə də, bu işi biri boynuna çəksə, mən də istər sınama, istər sazlama və inkişaf etdirmə məsələlərində əlimdən gələni etməyə hazıram. siz yazarlardan da dəstək gözləyirəm. nə də olsa, bu proqram bizim üçün olacaq. onun üçün siz də öz dəstəyinizi əsirgəməyin. oxuduğunuz üçün minnətdaram.

qurban bayramından narahat olan heyvansevər

insan öz həyatını öz seçimləri üstündə qurur. bəzilərinin seçim imkanı genişdir, bəzilərinin isə çox azdır.
şəxsən heyvansevərəm, amma, bəlkə də vaxtında seçim ixtiyarım olmayıb, ya hər nə, ət yeyirəm. nə olursa olsun, uşaq olandan kəsiləcək olan heyvanın yaxınında dolaşmamağa çalışıram. istər psixoloji, istərsə də ruhi cəhətdən hətta heyvan başı kəsmək də mənim üçün problem deyil, amma, özümə görə sərhəddlərim var və mən o sərhəddlərdən o tərəfdə hansı duyğuları yaşayacağımı bilmək istəmirəm, hər nə qədər bütün ayrıntılarına qədər təsvir etsəm də, bunu yaşamamaq şansımdan nəyi var istifaidə edəcəm.

windows

gizilik, güvənlik, qərarlı işləmə kimi məsələlərdə bərbad olan əməliyyat sistemi. çoxu insan ya başqa əməliyyat sistemlərinin heç varlığından xəbəri yoxdu, ya başqasına keçməyə qorxur, ya da yalnız windows üçün yazılmış olan oyun və proqramlara görə məcbur qalır bu əməliyyat sistemində (baxma: halından məmnun kölələr)
alternativ kimi isə gnu/linux əməliyyat sistemləri var. həzrəti google-a müraciət etdiyiniz halda sizi bir çox məqalə səhifə forum və sairə qarşılayacaq.

ataya demək istənilənlər

necə deyim, hardan başlayım, bilmirəm... hə, elə layiqlik məsələsindən başlasam yaxşıdı. belədi ki, ikimiz də çox yaxşı bilirik ki, günahsız, səhvsiz insanlar deyilik, amma, sən başqasan, necə deyim, mən sənə protiv gedirəm. səhv başa düşmə, qəstən eləmirəm, düşüncələrim, hisslərim, az da olsa təcrübələrim məsələni bu hala salır. neynəmək olar? deyəsən sənə layiq oğul ola bilmirəm, bağışla.
səni canımdan çox sevdiyimi, hətta sadəcə sevdiyimi belə deyə bilməmişəm sənə ömrüm boyu, amma, bilmişəm ki, bilirsən özlüyündə sənə demək istəyib deyə bilmədiklərimi. bunun izahı var, ya yoxdu bilmirəm, heç öyrənmək də istəmirəm, amma, bəzən səndən qabaq ölmək istəyirəm... bilirəm, bu çox pis istəkdi, bilirəm, oğullar ... nəsə ürəyim ağrıyır, dahasını deyə bilmərəm, bağışla