naci en palestina

bir amel mathlouthi mahnısıdır. adından da göründüyü kimi fələstinə aid bir mahnıdır. əgər sözlərini tərcümə edib, bu möhtəşəm səsə qulaq assanız kədərlənəcəyiniz qarantidir demək olar ki. insanı vurub yıxan musiqilərdəndir, replay butonunu bezənə kimi klikləyirsən, amma görürsən ki, hələ bezməmisən. dinləyin, dinlətdirin.

(youtube: )

aqşin evren

duyğuların fövqünə qalxaq adlı şeirin müəllifi.

küçəni yalayır yanvar küləyi
üşüsən özünü bürü telinə
nəbzini dondursa qar dənələri
əlimi əlcək tək geyin əlinə.

göyə qırmanc vurur gümüş şimşəklər
zülmətə sığınıb buz tutmuş günəş
sənə boz səmanı rəva görmərəm
çəkinmə əzizim, qəlbimdə əyləş.

sənli xatirələr uzanıb gedib
saçım tək kök salıb başımda mənim
qoy kəllə sümüyüm tabutun olar
onsuz da çıxmırsan başımdan mənim.

yığaraq havadan qar zərrələrin
sənə bəyaz qardan gəlinlik hörüm
beləcə, ömür-gün yoldaşı olaq
razıyam yolunda daş olsun ömrüm.

əvvəl ürəyimə yatmışdın, xanım,
indi yatağımda sol yanımda yat.
girsin aramıza gülüzlü körpə
o, səni oyatsın, sən məni oyat.

musiqi

qulaq asarkən insana özünü göylərdə, buludların üzərində hiss etdirən şeydir. musiqi rəşid behbudovdur, akif islamzadədir, musiqi emin sabitoğludur, musiqi şövkət ələkbərovadır, musiqi sevda ələkbərzadədir, musiqi imanydir həm də, bee geesdir, yasmin levy və buikadır, wolfgang amadeus mozart, johann sebastian bachdır, ən əsası mfödür. -*

qısaca, dinləməyi bilənə həyatın özüdür.

vulkan

roma mifologiyasında dəmirçilik allahıdır. bu tanrının məskəni sicilyada yerləşən etna vulkanı olmasına inanırlar. diego velazquezin bu mövzuda the forge of vulcan adlı rəsm əsəri də vardır.

bu da həmin əsər.

andy warhol

amerikalı rejissor, dizayner, rәssam. o, hәyatı boyu çox mәşhur olan şirkәtlәr üçün dizayner, rәssam kimi işlәmişdir: vogue, coca-cola vә s. onun demәk olar ki, әn mәşhur әsәri marilyn diptych olmuşdur. o, bu әsәrdә marilyn monroeinin şәklini öz stilindә effeklәrlә әrsәyә gәtirmişdir.

virgil

tam adı publius vergilius maro olan antik roma şairidir. o, ilk olaraq octavian augustusin müttəfiqi olaraq tanınmışdır.

onun ilk böyük əsəri eclogues idi. bu əsərin həm erotik, həm də siyasi mahiyyəti olmuşdur. məşhur əsərlərindən biri olan georgics şeirini isə octaviana həsr etmişdir, hətta söylənənlərə görə virgil bu şeiri octavian xəstə olarkən yatağının başında ona oxumuşdur. başqa böyük əsərlərindən olan biri isə aeneid idi. o, bu əsəri yazmaq üçün 10 ilini sərf etmişdir və öldüyünə görə tamamlaya bilməmişdir. virgil yunanıstana səyahət etdiyi zaman ölmüşdür. onun aeneid əsəri yunanıstanda iliada və odyssey kimi dastanları kimi böyük bir rəğbət qazanmışdır.

onun qərb mədəniyyətinə həkk olunan bir neçə məşhur fikirləri vardır:
"eşq hərşeyi fəth edər"- eclogues əsərindən.
"hədiyyə gətirdiklərində belə yunanlılardan qorxuram"- aeneid əsərindən.
"birlik çoxluqdan yaranar"- bu ifadə abşın mottosudur.

michel de montaigne

ana dili latın dili olan nəslin son uşaqlarından biri olmuş fransız yazıçıdır. əlbəttə virgilin yazdığı əsərləri orjinal dilindən oxuyan birinin intibah dövrünün görkəmli, önəmli, məşhur yazarlarından biri olması gözləniləndir. yazdığı əsərlərdə bütün mövzulara toxunurdu: din, evlilik, qorxu, şiddət və s.
oxucunun əsəri oxuması üçün, oxuyub düşünməsini təmin etmək üçün yeni, fərqli və təhrikedici yollara yol atırdı. friedrich nietzschenin yazarın haqqında "bu insan qələmi hər əlinə alanda dünyada sevinc biraz daha artır" demişdir.