su içməyin faydaları

1.su içmək bədəndəki mayelərin tarazlığının qorunmasına kömək edir. bədənimizin 60%-i sudan ibarətdir. bu mayelərin funksiyaları həzm, absorbsiya, dövriyyə, tüpürcəyin yaradılması, qidaların daşınması və bədən istiliyinin qorunmasından ibarətdir. hipofiz bezi sayəsində beynimiz böyrəklərimiz ilə əlaqə saxlayaraq nə qədər suyun böyrəklərdən sidik olaraq atılmasını və nə qədərinin saxlanılmasını böyrəyə bildirir. bədəninizdə maye az olduqda beynimiz bədənimizin susuzluq mexanizmasını tətikləyir. və bu tətikləmə sayəsində biz su, meyvə suyu, süd qəhvə içirik. ama spirtli içki içməməliyik çünki spirtli içkilər beyinlə böyrəklərin əlaqəsini zəiflədir və böyrəklərin daha çox maye atmasına nəticədə isə maye itkisinə səbəb olur.
(baxma: dehidrasya)
(baxma: pivə içərkən davamlı işəmək hissi)

2.su içmək kalorilərimizi idarə etməyi asanlaşdırır. su içmək son vaxtlar dietistlərin çəki azaltmada istifadə etdiyi ən böyük strategyalardan biridir. çox arıqlamaq üçün sehirli bir gücə malik olmasa da, yüksək kalorili içkilərin yerinə su içilməsi daha məqsədəuyğundur.

3.su əzələlərin gücləndirilməsinə kömək edir. hücrələr mayelərin tarazlıqlarını və elektrolit büzüşmələrini qoruya bilmir və nəticədə əzələ yorğunluğu əmələ gəlir. əzələ hüceyrələrində kifayət qədər su olmadıqda onlar işləmir və hər əzələ hərəkəti ağrı ilə nəticələnir. məşq edərkən lazımi qədər su içmək çox vacibdir. idmandan əvvəl və fiziki aktivlik halında maye qəbulu üçün idman həkimliyi üzrə amerikan kollecinin təlim kitabçalarını izləyin. kitabçalarda deyilənə görə məşqdən 2 saat əvvəl 0.50275 lt su içmək lazımdır. məşq edərkən isə, məşqə başlayarkən su içmək və tər vasitəsilə itirilmiş mayeni tarazlamaq tövsiyyə olunur.

4. su içmək dərinin gözəl görünməsini təmin edir. dərimiz sudan ibarətdir buna görədə onun funksiyası qoruyucu bir bariyer olaraq çoxlu maye itkisinin qarşısını almaqdır. ama çox su içməyin qırışıqları vəya üzdəki cizgiləri siləcəyinə ümid etməyin. dehidrasya yəni susuzluq cildinizin daha quru və buruşuq görünməsinə səbəb olur, hansı ki bu çoxlu maye qəbulu ilə yaxşılaşdırıla bilər. ama kifayət qədər maye qəbul etmisinizsə, böyrəklər artıq mayeni atmağa başlayacaq.

94 işıq ili uzaqdan gələn siqnal

94 işıq ili uzaqlıqda olan günəşə oxşayan bir ulduzun ətrafından güclü bir siqnal alındı. rus teleskoplarının aldığı siqnaldan sonra amerika və digər elm mərkəzləri diqqətlərini bu hadisəyə çevirdi. hərkəs bu siqnalı uzaylılar mı göndərib deyə düşünməyə başladı. siqnal günəşə oxşayan hd 164595 adlandırılan bir ulduzun yaxınlığından gəlib. hadisə bu il açıqlansada bu radyo siqnalın keçən il rus teleskopları tərəfindən alındığı iddia edilir. 11ghz bantda və 94 ışıq ili uzaqdan gəldiyi üçün çox güclü siqnaldır və əsas məsələ də bunun süni mi yoxsa təbii mi olmasının anlaşılmasıdır. əgər süni olsa bu tezlikdə dalğanı bu qədər məsafəyə yollamaq üçün gərək çox inkişaf etmiş və 2-ci tip mədəniyyətə sahip bir sivilizasya texnologiyası olsun. 2-ci tip sivilizasya yəni öz günəş sistemindəki bütün enerjini istifadə edə bilən sivilizasyalar aiddir. yəni bizdən çox irəlidə olan bir sivilizasya. ama təbiidirsə hər hansı bir kosmik partlayışdan gələn dalğalar da ola bilər. məncə əsas məsələ təkrarlanmasıdır çünki diqqətimizi çəkmək üçün təkrarlasalar bunun mesaj olduğunu anlaya bilərik əks təqdirdə isə təbii bir kosmik partlayışın siqnalı olma ehtimalı böyükdür.

tarakanların təkamülü

bu heyvan növündən iyrənirəm və hər dəfə görəndə öldürürəm. həmişə görəndə düşünürəmki, bu heyvanlardan ancaq biz gördüklərimizi öldürə bilirik. yəni tarakanlar bizdən gizlənəcək şəkildə təkamül edirlər. bizim gördüklərimiz ölür və görmədiklərimiz nəslini davam etdirir və beləliklə daha çox insana görünməyənlər gizlənməyi bacaranlar sağ qalır. və bu illərlə davam edəcək nəticədə insanlara heç görünmədən yaşayan tarakanlar törəyəcək.
qeyd: hər insan mənim kimi gördüyü tarakanı öldürəcək qədər manyakdırsa bu fikir keçərlidir.

sosial şəbəkələrin kütlələri izolasiya etməsi

bu barədə düşüncələrim əsgərlikdə olduğum müddətdə yarandı. orduya gedən kimi saçlar kəsilir üz vurulur sənə digər milyonlarla əsgər kimi forma verirlər. və sən digər minlərlə əsgərdən sadəcə bircə isimliklə fərqlənirsən. bu minlərlə əsgərlərdə eyni yeməklər eyni geyim eyni həyat tərzi olur. və burada hərşey ortaya çıxır. kütləvi eyniləşdirmə psixologyası siyasəti. orda olduğum müddətcə onlara oxşadığımı özümə aid xüsusiyyətlərimi itirdiyimi düşünürdüm. həqiqətəndə itirirdim bir fərd olmaqdan uzaqlaşıb kütlənin sıradan bir üzvünə çevrilirdim. hansısa bir idarəçinin əlinin altında olan milyonlarla robotdan sadəcə biri olmaq düşüncəsi. indi isə diqqət etdim ki, bu eyni şeyi sosyal şəbəkələrdədə edirlər. məsələn hamının facebookda adı var soyadı var profili var səhifələri var və.s hamı eyni hüquqa malikdir. milyonlarla insanı sosyal şəbəkələrlə bir qıraqda izolasya edib həmin kütləyə eyni düşüncəni həyat tərzini aşılaya bilirlər. məsələn misal göstərim facebookdakı siyasi səhifələri bir ideologyaya uyğun siyasi fikirləri milyonlara aşılayırlar və eyni düşüncəli robotlar yaradırlar. bilmirəm bəlkə də bu düşüncə paranoyamın istehsalıdır.

insanlardakı qəbul görmə istəyi

canlı növləri arasında yalnız insanda olan xüsusiyyət. belə deyək, təməl ehtiyaclardan sonra yəni qida qəbul etmək və seksdən sonra insanda fəaliyyətə başlayır bu istək. əslində uğurlu olmaq, saysız hesabsız qızlarla yatmaq, gəzmək, insanlarla ünsiyyət qurmaq, sosyal şəbəkələrdə cool şəkillər paylaşmaq bunların hamısının səbəbi insanın qəbul görmə istəyidir. çünki insan sosyal heyvandır bir insan hər cür uğuru əldə etdikdən sonra belə insanlar tərəfindən qəbul görməsə depresyaya düşür. çünki qəbul görməsən bizimki kimi ölkələrdə uzun müddət ac qalan eqonu doyuzdura bilmirsən.. və düşünürəmki insan tək heç vaxt xoşbəxt ola bilməz bu istək var olduqca sadəcə özünü aldadar xoşbəxtəm deyə...

bir işə başlayıb yarımçıq qoymaq

tipik bir azərbaycanlının ən çox etdiyi fəaliyyət. insan hər yaş dövründə ən çox da gənc yaşlarında bir çox sahəyə maraq göstərir və bu maraqların əksəriyyəti keçici həvəslərdən ibarət olur. elə məsələ də insanımızın bu keçici həvəsləri məqsədə, hədəfə dönüşdürə bilməməsidir. hər hansı maraq duyduqları bir işə başlayırlar bir müddət sonra həmin işi görmək üçün lazım olan keçici həvəs öz təsirini itirir. burada isə məncə ən böyük səbəb özlərini davamlı motivasya edə bilməmələri və həvəslərini ciddi məqsəd kimi təyin etməmələridir.
(baxma: türk kimi başlayıb alman kimi bitirmək)

uğur hekayələrindəki paradoks

bir çox sosyal şəbəkələrdə, məşhurların, dostlarınızın statuslarında, fərdi inkişaf saytlarında insanların ilham alması üçün uğur qazanmış insanların hekayələri ballandırılaraq paylaşılır. hər yerdə uğur qazanmaq üçün nələr etməli olduğunuz, necə motivasya olmağınız barədə tövsiyyələr edilir. filankəs bunları etdiyi üçün məşhurdur, uğurludur filankəs çox çalışırdı və.s mənim demək istədiyim isə uğur qazanmaq üçün nələr etməməyinizdi daha doğrusu çox az insan uğurlu olarkən milyonlarla uğursuz insanın səhv etdiyi nədir? belə fikirləşək bir müharibədə ordumuzda təyyarə mühəndisi işləyirsiniz və döyüşdən qayıdan təyyarələri yenidən təmir edib döyüş bölgələrinə göndərirsiniz. belə çox sayda təyyarə təmir etmisiniz və birşeyə fikir verirsiniz ki bu təmir etdiyiniz təyyarələrin eyni bölgəsinə yəni qanadı çox güllə dəyir bunu təmir edirsiniz ama istehsal edən firmaya raport yazıb yollayırsınız ki, bu təyyarələrin qanadını daha dözümlü və keyfiyyətli istehsal etsin. istehsalçı firma isə sizin reportunuzu məntiqsiz adlandıraraq rədd edir. nədir məntiqsizlik? problem burdadır ki, sizin təmir etdiyiniz təyyarələr döyüşdən qayıtmış uğurlu təyyarələrdir və onlar zədə alsada missiyalarını bitirib qayıdıblar. ama döyüşdə düşən və məhv olan təyyarələri isə heç vaxt görmürsünüz niyə düşdüyünü uğursuz olub vurulub düşdüyünü anlamırsınız.. sizin ancaq uğurlu təyyarələri təmir edib onların zəif nöqtəsini bilirsiniz ama döyüşdə məhv olan milyonlarla təyyarənin niyə düşdüyünü heç vaxt bilməyəcəksiniz. yuxarıda yazdığım uğur hekayələri də bununla əlaqəlidir milyonlarla uğursuz insanların niyə uğursuz olduğunu bilmək daha sərfəlidir nəinki az sayda insanın uğur hekayəsini dinləmək...

qeyd 1-- entryin heç bir yerində şəxsi fikrim olduğuna dair söz yoxdur. hardansa oxuduğum və xatırlamadığım üçün qaynaq göstərilməyib.