_asgerov99

91 1 0 0

10. nəsil yazar

Entry: 91

Orta statistik insan

blok başlıqlarını gizlət

marlboro red

bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

tələbə evlərinə xas hadisələr

+28 əjdaha

Bir dəfə evə çox gec gəldim, hardasa saat 2 olardı. Otaq yoldaşlarımı oyatmamağ üçün işığı yandırmadım, əl-üzümü yuyub, yatdım.
Səhər su içmək üçün yerimdən qalxdım, qaldığımız ev çox geniş idi, mətbəxə keçəndə gördüm ki, kalidorda tanımadığım kimsə yatıb, yanından səssizcə keçirdim ki, qaqaş oyandı. Aramızda belə dialoq keçdi:
Sabahın xeyir, qaqa- dedi
Sabahın xeyir- dedim
Siqaretin var?- soruşdu
Hə- dedim
Qalxdı birlikdə siqaret çəkdik, heç danışmadan suyumu götürüb otağıma qayıtdım sonra yenə yatdım.
Saat 11-də oyandım, qaqaş evdə yox idi, otağ yoldaşlarımdan o qaqaşın kim olduğunu soruşdum, tanımadılar. Universitetdə maraqlandım, tanıyan olmadı, belənçiynə bir şey..
P.S. Yuxuda olmusan deyə bilərsiniz, amma qaqaşın kalidorda yatdığı döşək yerində və külqabıda iki ağ magna kötüyü var idi, evdə də məndən başqa ağ magna çəkən yox idi..

24 əjdaha! 31.05.2022 15:21, _asgerov99

#350616 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

ofisiant

+20 əjdaha

(baxma: həyatın nə qədər acımasız olduğunu anlamağa başlamaq)
(baxma: əsəb xəstəliyənə tutulmaq)
(baxma: cahil-cüheyla insanlar tərəfindən öyüd-nəsihətlərə məruz qalmaq)
Deməli belə, mən 18 yaşımda, atamın vəfatından sonra ofisant işləməyə başlamışam, tələbəlik illərində.
Yay tətilində rayona qayıtdım, cibimdə də pul yox. Evdən pul istəməyə də üzüm gəlmirdi, zatən o imkan da həmən vaxt yox idi. Ofisant işləməkdən başqa çarə qalmamışdı. Getdiyim yerlərdə isə, ofisanta ehtiyac olmadığını deyirdilər, balaca şəhərdə restoran sayı da az olur, onların da çox vaxt öz qocaman ofisantları olur. Hardasa iyulun 7-si idi, məhəllədəki marketdən ştuçnu siqaret almağa getmişdim. Marketi işlədən qaqaş ali təhsillidir deyə abituriyent vaxtından yanına gedib-gəlirdim, çox deyib-gelən oğlandı. Deməli ona dedim ki, bəs iş tapa bilmirəm, dedi ki, gözlə indi qaqan həll edəcək. Qatıq satdığı restorana zəng elədi, dedi ki, bir uşaq gələcək onu işə götürün (baxma: tapşırığla ofisant düzəlmək). Getdim, dediyi yerə rayonda belə bir yerin olduğunu ilk dəfə idi görürdüm, yaşıllıqlar arasında gözəl bir yer idi, qabağda da olmazsa olmaz, moyka. Elə gedən kimi işə başladım, saat 5-dən gecə saat 2-nin yarısına kimi işlədim, g*tümü yerə qoymadan. Saat 1-də Kent8-i necə sümürərək çəkdiyimi xatırlayıram. 5 manat pul verdilər, mənə. Pover atamın keçmiş dostu çıxdı, mənim ehtiyac üzündən işlədiyimi görüb, axşam işdən siqaret çəkə-çəkə tez getdi ( O anı unutmuram, həmən vaxt qohumlarımız çox imkanlı idilər, atamda onlara çox kömək etmişdi, amma bizi atamın vəfatından sonra heç axtarmadılar). işə səhər 8-də gedib, axşam 2-nin yarısı ya 2 də çıxırdım, 7 manat maaş alırdım. Gündəlik çayvoyum isə 2-5 manat arası olurdu. Hər cür insanla qarşılaşdığımı deyə bilərəm, 3 il ard-arda o restoranda işlədim, təbii ki, 2-ci ildəm sonra artıq starşı oldum amma dəyişən bir şey yox idi, körpə 14-15 yaşlı uşaqlarda gəlirdi, 25-30 yaş arası qaqaşlarda hamısı ilə dil tapmışdım deyə bilərəm. ikinci yayda işləyərkən universitet tələbələrini gətirmişdim, ofisant bal vəziyyətdə işləyirdi. Səliqə-səhman, mədəni davranışa görə rayonda ad çıxarmışdığ. Amma, bəzən alçaqlıqlarda görürdüm, hamıdan çox işləməyimə baxmayaraq, mənim gətirdiyim tələbə ofisantlar paxıllığımı çəkirdilər.. Çox heyif, bu mənə elə pis təsir edirdi ki..
Rayondakı yüksək vəzifə tutan məmurlar bizim restorana gəlirdilər, orada nə söhbətlər eşidirdim mən, bir bilsəniz. Onları analiz edirdim, bəziləri çox iyrənc adamlar idi, bəziləri isə təkbaşına oturub, mənə etdikləri əclaflıqlar barədə danışaraq hətta ağlamışdılar..
Həyatımın maraqlı dövrü idi, Bakıda da bəzi restoranlarda ofisant işləmişdim, amma rayondakının yerini vermədi..
Bundan sonra bir daha ofisant işləyib-işləməyəcəyimi bilmirəm amma, insana mənəvi əzab verən bir işdir, istər 30 yaşında ol, istər 15.. Bəzən nəfsindən nəsə bir şey keçər və həmən vaxt müştəri ondan sifariş edər, qarınqululuq və ya acgözlülük deyil bu, bir düşün əlində həmin o ləziz yemək, sən aparırsan masaya, geri döndükdən sonra düşünürsən ki, kaş orada təmiz şəkildə ondan qalaydı..
Ya da, hansısa pullu bir adam əclaf olmasına rəğmən ona müəllim deyə müraciət etməni istəyər, o anda pivə və ya su bakalını onun başına çırpmamaq üçün özünü güclə sıxarsan..
Sonda deyim ki, çox uzun yazdım amma danışacağım bəlkə bir romanlıq hadisələr var.. Ofisant işləyin, o zaman insanları daha yaxşı anlayacaqsınız, səs tonunuza və davranışınıza daha diqqətlə yanaşacaqsınız, maraqlı hadisələrlə qarşılaşacaqsınız, insanları analiz etmənizə və fərqli insan tiplərini tanımanızda faydası olacaqdır

16 əjdaha! 02.06.2022 02:36, _asgerov99

#350706 şikayət

universitetdəki ən mənasız tələbə təşkilatına üzv olan hüznlü qaqaş

+13 əjdaha

Universitetdəki ən mənasız tələbə təşkilatına üzv olan hüznlü qaqaşımızın görünüşü adətən belədir: futbolka+ bol köynək(yaxası açıq olmalıdır+ boz cins şalvar+ padelka krasovka) geyinir. Adətən kompakt LD və ya nazik göy vinçestr çəkir. Təşkilatda "staff"dır. Amma təşkikatın sədrinin müavini söz verib ki, gələn il onun yerində hüznlü qaqaşımız olacaq, bu qaqaşımızı Təşkilat sədri heç sevmir, buradan burmaq istəyir. Qaqaşımız isə qəlbində böyük elvi duyğularla vatsapda statuslar paylaşır "əziz " x təşkilat" ailəsi"," x təşkilatında olduğuma görə çox xoşbəxtəm", bu qaqaşımız həmdə universitetdəki ən mənasız ixtisaslardan birində oxuyan anime sevdalısı bir qıza aşiq olmuşdur, qızın isə universitetin məhşur cool qaqaşlarından biri həmdə "Gənc xiyarsatanlar təşkilatı"nın qurucusu olan oğlandan xoşu gəlir. Bu hüznlü qaqaşımız isə, hər gün qızın dalıyca gedir, yox cavabını alır...
Qaqaşımız böyük xəyallarla girdiyi təşkilatdan qrup yoldaşlarının "qaqa səndə birazda orda qalsan, dəli olassan" təlkinlərindən sonra ayrılır, geridən xatirə kimi isə, ona yalnızca iki qayıb limiti qalır

11 əjdaha! 02.06.2022 17:47, _asgerov99

#350744 şikayət

yazarların paylaşmaq istədikləri sitatlar

+7 əjdaha

Ədalətsizlik qarşısında susmaq, ona bəraət verməkdir.
Aleksandr Qertsen

5 əjdaha! 19.04.2021 03:31, _asgerov99

#324927 şikayət

mustafa kemal atatürk

+7 əjdaha

"Bu günə tarixin görüb-görə biləcəyi ən böyük liderlərdən biri"
Bu çox şablon bir cümlə olsa da Atatürkə ən çox yaraşan da elə budur. həm hərbçi-sərkərdə, həm siyasi xadim, həm də bir elm aşiqi olaraq bu insanın çoxyönlülüyü adamı valeh edir. Yazdığı kitab və xatirələri görürsən (Atatürk’ün Yazdığı Kitaplar link

, gələcəyin Türkiyəsinin necə inşa edilməsi ilə bağlı fikirlərinə baxırsan, bir daha anlayırsan ki, bu adam sadəcə möhtəşəm bir insandır.

5 əjdaha! 31.10.2023 01:19, _asgerov99

#379931 şikayət

praktik məsləhətlər

+8 əjdaha

Hansı ixtisasda oxumanızdan asılı olmayaraq, ixtisasınızla bağlı bilgilərinizi artırmaq istəyirsinizsə, hər hansı kitabı alıb, onu başdan sona oxumaq yerinə, problem yönümlü oxumağa çalışın, məsəlçün, ixtisasınız biologiyadırsa, mikrobiologiyaya aid bir mövzu və ya problem seçin və fərqli ədəbiyyatları qarşınıza qoyaraq, axtarış edin, daha sonra məlumatları bir araya toplayıb, oxuyun. Qarşınıza, çıxan kitab, məqalələrin ədəbiyyat siyahılarına nəzər yetirin, hər zaman. Orada əvvəl qarşınıza çıxmayan çoxlu xəzinələr yatır. Deyə bilərsiniz ki, bəs ümümi məlumatım olmasınmı? Bəli, olsun, bunun üçün misalçün biologiya ilə bağlı 2 ya 3 sanballı kitabı alın və stolüstü kitabınız halına gətirin, vaxtınız olduqca təkrarlayın yəni ümümi xarakterli məlumatınız olsun amma daha hər section'a aid ayrıca kitab oxuyub, beyninizi yormayın. Marağınızı cəlb edən, əsas başlıqlarla bağlı dərin məlumat əldə etməyə çalışın ki, bu sizi daha da inkişaf etdirəcəkdir.
P.s. şəxsi qənaətimdir, razılaşmaya bilərsiniz.

6 əjdaha! 09.06.2022 02:47, _asgerov99

#351267 şikayət

kurtlar konseyi

+5 əjdaha

Konsprologiya nəzəriyyələrində tez-tez istifadə edilən dövləti və idarəetməni ələ keçirmək üçün nüfuzlu və ya müxtəlif sahələrdə gücə malik şəxslər arasında qurulan konsorsiuma, Kurtlar vadisi serialında verilmiş ad. Konsey üzvlərindən hansınınsa konseyə belə mürəcaiət etdiyini xatırlamıram. Lakin, başlanğıcdan sona ana qədər konsey iclaslarında danışılan mövzular olduqca önəmli idi, bəzilərinə maraqlı gələ bilər ki, böyük bir konsey niyə "qumarxana açılışına icazə", " istanbul şəhərinin vəziyyətinə kimin baxması kimi" məsələlərə niyə önəm verirdi? Çünki, belə sistemlər ilk olaraq illeqal nəzarəti əlində tam saxlamalıdır, daha sonra leqal yollara keçid etməlidir. illeqaldakı ard-arda gələn uğursuzluqlar, leqal yoldakı uğurlarının ardını kəsdi və eləcə də, konseyin güclü nümayəndələri bir-birlərini yeyərək (təbii ki, öncə aslan bey daha sonra idə polatın qurduğu planlarla) konseyin məhvinə yol açdılar.
Konseydəki hər bir aktyor öz rolunu elə peşəkarlıqla canlandırmışdır ki, filmi izləyərlən hətta bəzən onların həqiqətən illeqal işlərlə məşğul olduğu düşüncüsəsinə qapıla bilərsiniz..

3 əjdaha! 05.06.2022 02:10, _asgerov99

#350965 şikayət

universitetə qəbul olanlara məsləhətlər

+6 əjdaha

ilk öncə yuxarıda bəzi entry'lərdə də qeyd edildiyi kimi universitetə daxil olmaq və ya olmamaq sizin həyatınızda böyük dəyişiklik etməyəcək.
Siz Diplomunuz olsa da Milyoner ola bilərsiniz, Diplomunuz olmasa da..
Siz Diplomunuz olsa da, alkoqolik, meşşan tipli həyat yaşıya bilərsiniz Diplomuniz olmasa da..
Yəni burada görünən odur ki, əsas olan "ağıl"dır. Siz ilk öncə ağıllı bir insan olmalısınız. Daha sonra isə həyatda uğurlar və ya uğursuzluqlar qazana bilərsiniz..
ilk olaraq da, univesitetə daxil olmağı uğur pillənizdən çıxarmanızı dilərdim, çünki bu bir uğur deyil, dünya da yüz milyonlarca ali təhsilli insan yaşayıb, yaşayır və yaşayacaqdır. Yəni sizi onlardan sırf universitetə daxil olmusuz deyə heç nə fərqləndirmir..
Amma..
Siz fərqlənə bilərsiniz, necəmi?
1. ilk olaraq sevdiyiniz ixtisasa daxil olaraq. (P.S. Əgər valideyn basqısı, uşaqlıq və s. təsirlərlə bir ixtisasa daxil olmusunuzsa, o zaman yenə də o ixtisası sevməyə çalışın, mən yenidən universitetə daxil olmayacaqsınızsa əgər, universiteti atmağı qətiyyən məsləhət görmürəm)
2. Oxuduğunuz ixtisası sevin, onun maraqlı nöqtələrini sevməyə, araşdırmağa çalışın, qətiyyən ancaq mühazirə mətnlərinə bağlı qalmayın, o mətnləri artıq yüzlərcə tələbə oxuyub və google search'də yazmaqla da böyük ehtimalla tapa bilərsiniz.
3. "Ev dərs çayxana" 3-lüsü ilə vaxtınızı fövtə verəcəksinizsə, valideyninizin sizə xərclədiyi pula yazığınız gəlsin, etməyin, eyləməyin. Belə adamlardan da, uzaq durun. Belə tələbəlikdənsə, ictimai işlərdə vaxt keçirmək daha yaxşıdır, çünki orada heç olmasa, insanlarla münasibət qurmaq, sosial çevrə, universitetin "cool" çoçuklarından biri olmaq kimi məsələlər ortaya çıxacaq, əvvəldə yazdığım 3-lü isə sizə heç bunları da verməyəcək, getdikcə "Qaqli"ləşəcəksiniz.
4. Özümdə ictimai işlərdə məşğul o olmuşam və mənim çox xeyirli olub deyə bunu burada sizə yerə-göyə sığdırmadan tərifləməyəcəm, çünki mənim üçün uğurlu olması sizin üçün də 100-də 100 belə olacaq demək deyildir və eləcə də digəri uğursuz olub, vaxtını düzgün bölməyib imtahandan kəsilibsə də (Çox zaman yalan olur bu da) sizdə də uğur olacaq demək deyildir. Əziz dost, hər şeyi qədərində istifadə edəndə gözəl olur, bunu biləsən.
Və sonda deməliyəm ki, Təbii olaraq, dərslərini bir kənara atıb, o təlim, bu təlim gəzsən heç nə qazanmayacaqsan, amma vaxtı düzgün bölsən və ya ən azından buna çalışsan, imtahanlarını yaxşı başa vurarsan, mütaliə etməyə də bol zamanın olar, konversyeşn klab'larada qoşula bilərsən, yəni universiteti bitirdikdə müəyyən mənada özünü inkişaf etdirmiş olarsan..
* Eşq məsələsinə isə toxunmadım çünki, eşq səni özü gəlib tapır, soruşmur, qrup yoldaşı, patok yoldaşı yoxda da xazeykanın qohumudu bəlkə başqası olsun )). Ona görə də, qəlb qırmadan, təhsilini kənara atmadan sevgi münasibətini də normal qayda da yaşaya bilərsən məncə..

6 əjdaha! 25.03.2021 09:27, _asgerov99

#322852 şikayət

tarix fakültəsini bitirən adamın işləyə bildiyi yerlər

+8 əjdaha

Tarix ixtisası sizə kənardan digər ixtisaslar kimi sizə bir elmin və ya bir sahənin öyrədildiyi ixtisas kimi gəlməsin. Burada mədəniyyət, beynəlxalq münasibətlər, siyasət, elmi tərəqqi və s. birlikdə öyrənilir. Bu ixtisası yaxşı şəkildə oxumuş bir şəxs (hələ əla oxuyanları demirəm) normal dünyagörüşünə, analiz etmə qabiliyyətinə yiyələnə bilər ki, bu da sizə bir çox sahələrdə dövlət qulluğunda, xüsusi xidmət orqanlarında və siyasətdə yollar aça bilər. Düzdür, ölkəmizdə tarixin tədrisinin səviyyəsi yüksək olmasa da, siz özünüz bi qədər əziyyət çəkərək, bir şeylər əldə edə bilərsiniz.

6 əjdaha! 03.06.2022 02:37, _asgerov99

#350792 şikayət

tək yaşamaq

+4 əjdaha

insan oğlunun minilliklərdən bəri gələn fəlsəfi düşüncələrinin ən son nəticəsidir məncə. Çünki, tək yaşamaq ayrı bir məqam, üst leveldir. Üstünlükləri full rahatlıq (baxma: tək iş görməkdən ərinib, ev yoldaşı axtaranlar), istədiyin zaman gəl, get. istədiyin dostların dəvət elə, evdə rahat şəkildə dolaş, yəni ürəyin nə istəyirsə etdə..
Əksikləri: indi ağlıma gəlmədi, nə zamansa gəlsə qayıdıb düzəliş edərəm.

4 əjdaha! 02.06.2022 05:50, _asgerov99

#350713 şikayət

oxuduğu fakültəni özü seçməyən gəncin azad seks istəməsi

+4 əjdaha

Əslində bu məsələ qəlizdir.. Çünki, sən 17 yaşında olarkən, qonşu Münəvvər xalanın oğlu "Kompyuter mühəndisliyi" oxuyur deyə, o ixtisasda oxumağa məcbur edilmən, sənin 19-20 yaşında da, Münəvvər xalanın oğlu bakirdir deyə belə olmalı olduğun anlamına gəlmir..
Yəni X oğlan Y qızla birlikdə ola bilər, bununda heç kəsə aidiyyatı yoxdur..
Təbii ki, mən milli-mənəvi dəyərlərin məhv olmasının tərəfdarı deyiləm, amma hamı öz istədiyi tərzdə, başqalarının öz yaşamına burnunu soxmadağını hiss edərək yaşaması çox gözəl olardı..

4 əjdaha! 30.05.2022 03:50, _asgerov99

#350549 şikayət

gecəyə bir mahnı paylaş

+3 əjdaha

(youtube:

)

2 əjdaha! 25.03.2021 09:36, _asgerov99

#322853 şikayət

milli mənəvi dəyərlərimizin unudulması

+4 əjdaha

Həə, deməli, gəldik çıxdıq, "Kərəmi ağlamaq tutan yerə"..
Sovetlərin dağılmasıyla cəmiyyətdə gedən fikir ayrılıqları, siyasi görüş ayrılıqları dönəmində, milli mental dəyərlərə qarşı da açıq düşmənçilik ön plana çıxmağa başladı. Belə ki, "mentalitet"in sanki müasirliyə əks olduğu və ya cəhalətin sinonimi göstərilməsi geniş vüsət aldı..
Bu arada, təbii ki, məndə hər bir normal düşüncəli insan kimi, erkən ailəqurmaya təşviq, ailə basqısı və s. kimi məsələlər qarşıyam, amma bunların mentalitetlə əlaqəsi yoxdur, cəhalət, psixologiya pozğunluğu tamam ayrı məsələlərdir..
Biz, Şərqlə Qərbin qovuşduğu məkandayıq, böyük bir tarixə malik xalqıq. Əgər mentalitetimizi unutsaq, adət-ənənələrimizi kənara atsaq məhvə məhkumuq..
Vəlhasil, bu gün Avropadan bizə yüzlərlə "izm" gətirənlərin məqsədi də elə budur..
Amma, təbii ki, inkişaf etməliyik, demokratiyadan taviz verməməliyik, dünyəvi təhsili inkişaf etdirməliyik. Amma, kökümüzü, əslimizi unutmamalıyıq..

4 əjdaha! 10.04.2021 03:04, _asgerov99

#324098 şikayət

qaqa

+4 əjdaha

Bir dəfə dəyərli tarixçilərimizin biri səhv xatırlamıramsa, bu sözün monqol mənşəli olduğunu yazmışdı. indi neqativ mənada işlədilsə də, Aran qarabağında geniş işlədilən bir ifadədir. Mən bu ifadəni uşaqkən çox sevirdim və indi də balaca qardaşım məni belə çağırır. "Qaqa" indi kirli bir zehniyyət üçün istifadə edilsə də, "qaqa" sözünün məncə ayrı bir şirinliyi var. Ümid edirəm ki, bir gün cəmiyyətimizdə bütün sahələrdə irəliləyiş olar (Cəmiyyətin bütün sahələrində irəliləyiş olmadan "qaqa zehniyyətini məhv etmək olmaz və mümkün də deyil, bu zehniyyəti yaradan elə cəmiyyətin özüdür) və "qaqa" sözü əvvəlki xoş işlənişinə qayıdar..

3 əjdaha! 03.06.2022 01:25, _asgerov99

#350782 şikayət

insanı sevindirən şeylər

+4 əjdaha

Əsgərlikdən təxris olmaq

Entry'lər çox olduğundan baxa bilmədim, amma böyük ehtimalla aralarında bu da vardır, məncə insanı sevindən şeylərin ən başlarında yer alır bu )

3 əjdaha! 31.10.2023 01:08, _asgerov99

#379928 şikayət

bütün dünyanın ona olduğunu düşünən qız

+2 əjdaha

- Nə məqsədə qulluğu etdiyini özü də bilməyən qız tipi
Belə ki, belə qızlar sanki bütün kainatın, Matrixin, Tom və Cerry'nin, Kung fu Pandanın onların ətrafını dövr etdiyini düşünürlər. Onlara görə bütün sinif yoldaşları, qrup yoldaşları, bütün padruqalarının sevgililəri, mamalarının padruqalarının oğulları ona ya aşiq olublar ya da, ya da nə zamansa ondan xoşları gəlib. Əslində isə, hər axşam zəhlətökən xasiyyətlərini düşünürlər, yatağa uzananda öz təklikləri ilə baş-başa qalıb yastığı qucağlayarağ ağlayırlar.
Bunların bir şakəri də olur ki, həmişə yanlarında saf qızlar olur, onlara biraz yaxşı davranıb, əslində isə içdən-içdən mənəvi ağırlıqlarını yükləyirlər ki, bu qız həmişə onu dostlarına tərifləsin, desin ki, "Vallah, Güliçka yaxçı qızdır e, i prosta o bəzi qəliz xasiyyətləri varda."
Bir də, gündə 3-4 dəfə sancmalıdırlar adamı, bunu unutmayın..

1 əjdaha! 20.04.2024 22:15, _asgerov99

#384085 şikayət

görücü üsulu ilə evlənmək

+2 əjdaha

Ailələrin, qohumların və ya tanışların məsləhəti, basqısı və ya çarə buraxmama yöntəmləriylə( yəni X şəxsin sevdiyi Y şəxsi, pisləmə, ondan ayırma və ya gözdən salma kompaniyaları ilə "sənə ən uyğun olanı, Vallah budur" misalını da çəkərək məcbur edilmə şəkli) bir şəxslə digər şəxsin sevgi münasibəti yaşamadan evlənmə şəkli.
Yəni bu bir zamanlar çox effektli olub deyirlər bəzən, amma bir zamanlar dünya, cəmiyyət, həyat, insanı münasibətlərdə tamam fərqli olub nəzərə alınmalıdır. Bu məsələ bütün cahillikləri bizə əksərən bəla edildi XIX əsrin məhsuludur. (P.S. yəqin ki, Qaraqoyunlu ya ağqoyunlu zamanında at belində, əlindı silah olan bir xanımı ya kişini kiminsə zorla evləndirə biləcəyini düşünmürsünüz). Mənə görə, çox lazımsız və ziyanverici bir "ənənə"dir eləcə də gözəl "adət-ənənə"lərimizə də zərər vurmaqdadır.

1 əjdaha! 06.04.2021 02:26, _asgerov99

#323741 şikayət

kurtlar vadisi vs kurtlar vadisi pusu

+2 əjdaha

Əziz dostlar, "Kurtlar vadisi pusu" gözəl bir filmdir ən azından Raci Şaşmaz bu filmin senaristliyindən ayrılana qədər olan hissə (2013-də ayrılmışdı) müəyyən qədər maraqlı idi. Amma, "Kurtlar Vadisi" özünün verdiyi altmesajlar, aktyorların keyfiyyətli oyunu, rejissot işi, ssenarinin möhtəşəmliyindən dolayı bir əfsanə idi. Yeni rolların məhşurluğuna gəlincə isə, Yəni indi Laz Ziya rolu ilə Cahit rolunu eyni tərəziyə qoymaq olmaz da.. Buna görə də, hər zaman "Kurtlar Vadisi"

1 əjdaha! 02.06.2022 23:20, _asgerov99

#350765 şikayət

prince philip

+2 əjdaha

Edinburq hersoqu, Kraliça II Elizabetin həyat yoldaşı Filip Mauntbetten. 10 iyun 1921-ci ildə, Mon Repos, Corfu, Yunanıstan Krallığında doğulmuşdur. 9 aprel 2021-ci ildə vəfat etmişdir.

2 əjdaha! 10.04.2021 03:08, _asgerov99

#324100 şikayət

bahadır və sona

+2 əjdaha

Nəriman Nərimanovun yazmış olduğu roman. Onu adətən ilk Azərbaycan romanı da adlandırırlar. Məktəb illərində oxumuşdim. Roman haqqında eşitdiyim ən klassik rəy budur:
- "Etnik qarşıdurmanın izlərinə hardasa rast gəlmək olur. N.N. ehtiyatlı olsa da, bəzi məqamlara toxunur."

1 əjdaha! 17.03.2021 01:32, _asgerov99

#322300 şikayət

azərbaycanda öldürülən küçə itləri

+3 əjdaha

Məsələ burasındadır ki, küçə itlərini öldürmək yox, onların kortəbii artımının qarşısı alınmalıdır, yəni axtalanma həyata keçirilməlidir. Bunun doğru olmadığını deyə bilərsiniz, amma sizdə heç biriniz istəməzsiniz ki, sizi və ya övladınızı küçədə quduz bir it dişləsin.. ( Övladına itin hücum etdiyini görən ana və ya ata nəinki onun güllələnməsinin istəyə bilər hətta o an ki, vəziyyətdə əlləri ilə də boğa bilər, bir insanın affekt vəziyyətində nələr edə biləcəyini heç kəs bilə bilməz) Bundan əlavə ya dövlət tərəfindən ya da könüllü instutlar tərəfindən bu sahədə işlər görülə bilər. Məsəla, istanbulda metroları və vapuru dolaşan "Boji" adlı it var idi. Vaxtı-vaxtında peyvəndləri vurulurdu və heç kəsə toxunmurdu. Düşünürəm ki, ilk öncə şəhərlərdə sayım işi aparılmalıdır, sahibsiz itlərin nə qədərin sahiblənilə biləcəyi və ya nə qədərinin saxlanma yerlərinə aparıla biləcəyi hesablanmalıdır. #350723 saylı entry'də deyildiyi kimi öldürmək əsla doğru yanaşma deyil, yuxarıdakı entry'lərdən birində isə sevgisizliklə bağlı bir şey oxudum. Bəli, bizim ölkəmizdə insanlar bir-birinə qarşı sevgisiz münasibət göstərirlər qaldı ki, sahibsiz küçə heyvanlarına sevgi ilə yanaşsınlar. Düşünərək, vəziyyəti analiz edərək, hər bir məsələnin həlli yolunda işlər aparıla bilər. Öldürmək, heç bir halda ən ideal addım ola bilməz..

3 əjdaha! 03.06.2022 02:09, _asgerov99

#350786 şikayət

unudulmaz film səhnələri

+2 əjdaha

Qəmlo: -Get onlara deginən ki, Kərbalayi şura hökümətini tanımır !

1 əjdaha! 14.03.2021 22:24, _asgerov99

#322128 şikayət

ata

+5 əjdaha

Mənim üçün hər zaman müqəddəs bir söz olmuşdur "ata". (Təbii ki, elə insanlar var ki, onlar sadecə bioloji cəhətdən "ata" adlandırmaq olar, mən "bütün atalar qəhrəmandır" məsələsinə inanmıram, çünki o qədər övladlarını bədbəxt edən atalar var ki) Deyə bilmərəm ki, aramız çox əla idi, amma həyatda gördüyüm ən mərd, dürüst, milli-mənəvi dəyərlərə sahib çıxan eləcə də hər cür xurafat və cəhalətdən uzaq birisi idi. Təhsilə də çox önəm verirdi. Çox sərt bir insan idi, aramızdakı qırılma da məhz buna görə idi. Nə yalan deyim, çox qorxurdum. Mən əsəbləşəndə sərt baxan biriyəm, amma o baxışlarla heç baxa bilmədimdə. Nəsə deməsinə ehtiyac yox idi, baxışıyla anlayırdın. Mənə çox şeylər öyrətmişdi, həyat barədə, əqidəli olmaq barədə. Düzdür, itirdikdən çox problemlərlə üzləşdim, amma gedişiylədə mənə çox şey öyrətdi..
P.s. çalışın atalarınızın qədrini bilirin (əgər həqiqətəndə atadırsa, təbii ki). Həyatda olmadıqda özünüzü çox yalnız hiss edəcəksiniz..

5 əjdaha! 04.06.2022 00:48, _asgerov99

#350864 şikayət

frexit

+1 əjdaha

Brexit sonrası Avropa'da gözlənilən və ya gözlənilməyən Ai-dan çıxma "qasırğasının" yeni dalğası deyə bilərik.. Artıq bəzi fransız analitiklər, siyasətçilər düşünürlər ki, Ai onları yavaşladır. Peyvəndləşmə məsələsində ingiltərənin Ai-nı qabağlaması ilə bu məsələni daha gündəmləşdirdi.

1 əjdaha! 14.03.2021 22:19, _asgerov99

#322126 şikayət

marlboro red

+2 əjdaha

https://i.imgur.com/Uqhff2s.jpg

Ən çox sevdiyim siqaretlərdən birincisi. Çoxları bəyənmir ya da öskürtdüyünü deyir amma mənim favori siqaretlərimdən olub, özəlliklə sarı filtrli olması əsl siqaret havası verir. Ümümiyyətlə siqaret deyərkən ağlıma ilk "marlbro red" gəlir indi çox istifadə etdiyimi deyə bilmərəm, çünki həm az tapılır, həmdə qiyməti elə də sərfəli deyil.
Sonda belə deyim də, gözəl siqaretdir ama çəkə bilənə..

2 əjdaha! 04.06.2022 03:09, _asgerov99

#350889 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

_asgerov99

son bəyənilənlər:

oxuyucuların bəyəndikləri: