Son yazılanlar
marlboro red
Çox yorulmuşam, uzun illərdir istirahət etmədən təhsil həyatı, ictimai fəaliyyət və işləməyin ardından çökmüş vəziyyətdəyəm. illərdir gündəlik 2 ya 3 ədəd çəkdiyim siqaretin sayını bu aralar 10-a qaldırmışam. Özümə fikir vermirəm, mütaliə edə bilmirəm, dostlarıma vaxt ayıra bilmirəm.. hər şey sanki üstümə gəlir, çox təlatümlü bir dövrdən keçirəm, bu gün edərəm, sabah edərəm deyə bütün işlərimi ertələyirəm, məsuliyyətsizliyim isə özünün kulminasiya nöqtəsini yaşamaqdadır.. Görək sonu necə olur..
Ölkəmizdə müəllimlərin təhsil sistemindən nə qədər uzaqda olduğu göstərən ifadələrdən biridir- "bəs özün niyə yaddan çıxmamısan?" Bir müəllim əsla şagirdini/tələbəsini pərt etməyə çalışmamalıdır, öyrədici olmalıdır, həm təhsil verərək həm də həyat dərsi verərək. Müəllim zatən bu ifadəni deyən şagirdin ağ yalan dediyini bilir və ona etdiyinin yanlış olduğuni izah etmək yerinə, belə lazımsız ifadə işlədir. indi deyə bilərsiniz ki, bir ifadə ilə nə olacaq ki? Amma belə deyil, bunun kimi yüzlərlə lazımsız ifadə, söz, təhqiramiz ifadə işlədilir, bunlar yol verilməzdir. Müəllim adını daşıyan şəxs hər zaman örnək olmalıdır, yol göstərəm olmalıdır, əgər maaş, maddi problemlər, məişət problemləri varsa bu sahədə olmamalıdır..
)
Konsprologiya nəzəriyyələrində tez-tez istifadə edilən dövləti və idarəetməni ələ keçirmək üçün nüfuzlu və ya müxtəlif sahələrdə gücə malik şəxslər arasında qurulan konsorsiuma, Kurtlar vadisi serialında verilmiş ad. Konsey üzvlərindən hansınınsa konseyə belə mürəcaiət etdiyini xatırlamıram. Lakin, başlanğıcdan sona ana qədər konsey iclaslarında danışılan mövzular olduqca önəmli idi, bəzilərinə maraqlı gələ bilər ki, böyük bir konsey niyə "qumarxana açılışına icazə", " istanbul şəhərinin vəziyyətinə kimin baxması kimi" məsələlərə niyə önəm verirdi? Çünki, belə sistemlər ilk olaraq illeqal nəzarəti əlində tam saxlamalıdır, daha sonra leqal yollara keçid etməlidir. illeqaldakı ard-arda gələn uğursuzluqlar, leqal yoldakı uğurlarının ardını kəsdi və eləcə də, konseyin güclü nümayəndələri bir-birlərini yeyərək (təbii ki, öncə aslan bey daha sonra idə polatın qurduğu planlarla) konseyin məhvinə yol açdılar.
Konseydəki hər bir aktyor öz rolunu elə peşəkarlıqla canlandırmışdır ki, filmi izləyərlən hətta bəzən onların həqiqətən illeqal işlərlə məşğul olduğu düşüncüsəsinə qapıla bilərsiniz..
Okumuş her türk insanının petra'yı görmesi gerekiyor.
ilber Ortaylı- bir ömür nasıl yaşanır?
https://i.imgur.com/Uqhff2s.jpg
)
Mənim üçün hər zaman müqəddəs bir söz olmuşdur "ata". (Təbii ki, elə insanlar var ki, onlar sadecə bioloji cəhətdən "ata" adlandırmaq olar, mən "bütün atalar qəhrəmandır" məsələsinə inanmıram, çünki o qədər övladlarını bədbəxt edən atalar var ki) Deyə bilmərəm ki, aramız çox əla idi, amma həyatda gördüyüm ən mərd, dürüst, milli-mənəvi dəyərlərə sahib çıxan eləcə də hər cür xurafat və cəhalətdən uzaq birisi idi. Təhsilə də çox önəm verirdi. Çox sərt bir insan idi, aramızdakı qırılma da məhz buna görə idi. Nə yalan deyim, çox qorxurdum. Mən əsəbləşəndə sərt baxan biriyəm, amma o baxışlarla heç baxa bilmədimdə. Nəsə deməsinə ehtiyac yox idi, baxışıyla anlayırdın. Mənə çox şeylər öyrətmişdi, həyat barədə, əqidəli olmaq barədə. Düzdür, itirdikdən çox problemlərlə üzləşdim, amma gedişiylədə mənə çox şey öyrətdi..
P.s. çalışın atalarınızın qədrini bilirin (əgər həqiqətəndə atadırsa, təbii ki). Həyatda olmadıqda özünüzü çox yalnız hiss edəcəksiniz..
Məncə bu temanı burada bağlayaq, çünki birdə görərsiniz, instagramda səhifə açıblar ki, "xaricden_sifaris" bio hissəsinə də, "ən ucuz qiymete xaricden killerin sifarisi" yazılıb.
(bax: magistr dissertasiyası)
(baxma: "mən o vaxt qıza niyə elə dedim axı" düşüncəsi)
(baxma: "gərək orda elə etməyəydim" düşüncəso)
(baxma: "mən niyə belə məsuliyyətsizəm axı" düşüncəsi)
Bəli, deyib-güldüyün, nə isə bir işlə məşğul olduğun anda baş verir və səbəbini anlamırsan.
Mən adətən belə hallarda siqaret çəkirəm və mahnı dinləyirəm (Mahnılarda "qruz" playlistinə aid olduğundan daha da hüzn yaşayıram)
Tarix ixtisası sizə kənardan digər ixtisaslar kimi sizə bir elmin və ya bir sahənin öyrədildiyi ixtisas kimi gəlməsin. Burada mədəniyyət, beynəlxalq münasibətlər, siyasət, elmi tərəqqi və s. birlikdə öyrənilir. Bu ixtisası yaxşı şəkildə oxumuş bir şəxs (hələ əla oxuyanları demirəm) normal dünyagörüşünə, analiz etmə qabiliyyətinə yiyələnə bilər ki, bu da sizə bir çox sahələrdə dövlət qulluğunda, xüsusi xidmət orqanlarında və siyasətdə yollar aça bilər. Düzdür, ölkəmizdə tarixin tədrisinin səviyyəsi yüksək olmasa da, siz özünüz bi qədər əziyyət çəkərək, bir şeylər əldə edə bilərsiniz.
Ətrafımdakı dostlarıma mütləq xarici dil öyrənməlisən, sənə normal kurs tapmışam, gündə azı 10 söz öyrənməlisən, bu youtube kanallarından istifadə edə bilərsən, bu proqramları yüklə dedikdən sonra və onlar bir dil, hətta bəziləri artıq iki dil öyrəndikləri halda özüm hələ də ingilis dilini öyrənə bilməmişəm..
Məsələ burasındadır ki, küçə itlərini öldürmək yox, onların kortəbii artımının qarşısı alınmalıdır, yəni axtalanma həyata keçirilməlidir. Bunun doğru olmadığını deyə bilərsiniz, amma sizdə heç biriniz istəməzsiniz ki, sizi və ya övladınızı küçədə quduz bir it dişləsin.. ( Övladına itin hücum etdiyini görən ana və ya ata nəinki onun güllələnməsinin istəyə bilər hətta o an ki, vəziyyətdə əlləri ilə də boğa bilər, bir insanın affekt vəziyyətində nələr edə biləcəyini heç kəs bilə bilməz) Bundan əlavə ya dövlət tərəfindən ya da könüllü instutlar tərəfindən bu sahədə işlər görülə bilər. Məsəla, istanbulda metroları və vapuru dolaşan "Boji" adlı it var idi. Vaxtı-vaxtında peyvəndləri vurulurdu və heç kəsə toxunmurdu. Düşünürəm ki, ilk öncə şəhərlərdə sayım işi aparılmalıdır, sahibsiz itlərin nə qədərin sahiblənilə biləcəyi və ya nə qədərinin saxlanma yerlərinə aparıla biləcəyi hesablanmalıdır. #350723 saylı entry'də deyildiyi kimi öldürmək əsla doğru yanaşma deyil, yuxarıdakı entry'lərdən birində isə sevgisizliklə bağlı bir şey oxudum. Bəli, bizim ölkəmizdə insanlar bir-birinə qarşı sevgisiz münasibət göstərirlər qaldı ki, sahibsiz küçə heyvanlarına sevgi ilə yanaşsınlar. Düşünərək, vəziyyəti analiz edərək, hər bir məsələnin həlli yolunda işlər aparıla bilər. Öldürmək, heç bir halda ən ideal addım ola bilməz..
Bir dəfə dəyərli tarixçilərimizin biri səhv xatırlamıramsa, bu sözün monqol mənşəli olduğunu yazmışdı. indi neqativ mənada işlədilsə də, Aran qarabağında geniş işlədilən bir ifadədir. Mən bu ifadəni uşaqkən çox sevirdim və indi də balaca qardaşım məni belə çağırır. "Qaqa" indi kirli bir zehniyyət üçün istifadə edilsə də, "qaqa" sözünün məncə ayrı bir şirinliyi var. Ümid edirəm ki, bir gün cəmiyyətimizdə bütün sahələrdə irəliləyiş olar (Cəmiyyətin bütün sahələrində irəliləyiş olmadan "qaqa zehniyyətini məhv etmək olmaz və mümkün də deyil, bu zehniyyəti yaradan elə cəmiyyətin özüdür) və "qaqa" sözü əvvəlki xoş işlənişinə qayıdar..
Dissertasiyam yarımçıq qaldı.
Deməli mənim çox yaxın bir dostum var, uzun illərdir ki, birlikdəyik, artıq dostluq mərhələsini adlamışıq, qardaş olmuşuq. Demək bu insan sizin həyatda görə biləcəyiniz ən həlim xasiyyətli insanlardan biridir. Belə ki, tərbiyəli oğlandır, əsl vətənpərvərdir, ictimai nəqliyyatda insanlara yer verir və s. yüzlərlə haqqında xoş ifadələr işlədə bilərəm. Amma gəl ki, qardaşımızın bir problemi var, heç bir şeyə qəti olaraq "hə və ya yox" deyə bilmir. Bax ağlınıza gələn ilk gələn bir şeyi düşünün, məsəla + yemək duzlu olsun ya duzsuz? Cavab: hə ya yox olmalıdır və ya yeni bir təklif qoyulmalıdırda ortaya elə deyilmi? Amma gözəl qardaşımız belə cavab verir: "Bax da qardaşım, sən necə istəyirsənsə, sən bilən məsləhətdi və s."
Deyə bilərsiniz ki, burada nə var ki? Amma düşünün ki, illər boyunca bir insan sizin verdiyiniz suallara bu tərz də cavab verir. Bir müddət öncə ona qadağan etmişdim ki, mənə konkret cavablar verməlisən, amma gördüm ki, faydası yoxdur.
Bunu yazarkən belə əsəbləşdim, gedim soruşum görüm siqaret çəkirmi və o da yenə desin ki, "sən çəkirsənsə çəkirəm" və mən yenə əsəbləşiim..
edit: indi gördüm ki, ikinci entry'də intovert məsələsi qeyd edilib, bu barədə məlumatlıyam və məsələ də budur ki, mən qardaşımızla uzun müddət eyni otağı bölüşmüşəm və birlikdə qalmaq təklifini də hər dəfəsində o edib. (baxma: mən faşist deyiləm )
Artıq günorta vaxtı çəkdiyin siqaretin elə də ləzzət verməməsi..
Əziz dostlar, "Kurtlar vadisi pusu" gözəl bir filmdir ən azından Raci Şaşmaz bu filmin senaristliyindən ayrılana qədər olan hissə (2013-də ayrılmışdı) müəyyən qədər maraqlı idi. Amma, "Kurtlar Vadisi" özünün verdiyi altmesajlar, aktyorların keyfiyyətli oyunu, rejissot işi, ssenarinin möhtəşəmliyindən dolayı bir əfsanə idi. Yeni rolların məhşurluğuna gəlincə isə, Yəni indi Laz Ziya rolu ilə Cahit rolunu eyni tərəziyə qoymaq olmaz da.. Buna görə də, hər zaman "Kurtlar Vadisi"
Universitetdəki ən mənasız tələbə təşkilatına üzv olan hüznlü qaqaşımızın görünüşü adətən belədir: futbolka+ bol köynək(yaxası açıq olmalıdır+ boz cins şalvar+ padelka krasovka) geyinir. Adətən kompakt LD və ya nazik göy vinçestr çəkir. Təşkilatda "staff"dır. Amma təşkikatın sədrinin müavini söz verib ki, gələn il onun yerində hüznlü qaqaşımız olacaq, bu qaqaşımızı Təşkilat sədri heç sevmir, buradan burmaq istəyir. Qaqaşımız isə qəlbində böyük elvi duyğularla vatsapda statuslar paylaşır "əziz " x təşkilat" ailəsi"," x təşkilatında olduğuma görə çox xoşbəxtəm", bu qaqaşımız həmdə universitetdəki ən mənasız ixtisaslardan birində oxuyan anime sevdalısı bir qıza aşiq olmuşdur, qızın isə universitetin məhşur cool qaqaşlarından biri həmdə "Gənc xiyarsatanlar təşkilatı"nın qurucusu olan oğlandan xoşu gəlir. Bu hüznlü qaqaşımız isə, hər gün qızın dalıyca gedir, yox cavabını alır...
Qaqaşımız böyük xəyallarla girdiyi təşkilatdan qrup yoldaşlarının "qaqa səndə birazda orda qalsan, dəli olassan" təlkinlərindən sonra ayrılır, geridən xatirə kimi isə, ona yalnızca iki qayıb limiti qalır
Son bəyənilənlər
